رُومِيَه 3:4 - كِتاب العَهد الجَّديد مِن الكِتاب المُقَدَّس

⁴ أبَداً! خَلّي الله يَكون أمين و كُلّو إنسان كَضّاب. زي المَكتوب: ”عَلَشان تِتبَرَّر، في كَلامَك، و تَغلِب لَمّا يَحكُمو عَليك.“

رُومِيَه 3:4 Iomraidhean Croise

مَتَّى 11:19

و إبن الإنسان جا ياكُل و يَشرَب، و هُم بِقولو: دا راجِل طَمّاع و مَرّاسي، و بِحِب البِلِمّو الضَّريبَه و الخاطيين. و العِندو فَهم، أعمالو بِوَرّيهو.“

لُوقَا 20:16

هو بِجي و بِكتُل المُزَارِعين ديل، و بِدّي الجِّنينَه لِتانيين.“ و لَمّا سِمِعو كِدا قالو: ”أبَداً!“

يُوحَنَّا 3:33

و اليَقبَل شَهادَتو خَتَّ خِتمو إن الله أمين.

رُومِيَه 11:1

فِشان كِدا أقول: ”يِمكِن الله أبى شَعبو؟“ أبَداً! عَشان أنا كَمان إِسْرَائِيلي مِن أولاد إِبْرَاهِيم مِن قَبيلَة بنْيَامِين.

رُومِيَه 11:11

مَرَّه تانيَه أقول: ”هُم قَرَّبو يَقَعو عَلَشان يَقَعو بِالتَّمام؟ ما مُمكِن!“ لَكِن بِذَنبُم، الخَلاص جا لِلأُمَم عَشان يَحَرِّك ناس إِسْرَائِيل لِلحَسَد.

رُومِيَه 3:31

و كِدا نَبَطِّل القانون بِالإيمان؟ أبَداً! لَكِن نَثَبِّت القانون.

رُومِيَه 6:15

بَعدين شِنو؟ بِنَعمِل خَطيَّه عَلَشان ما نَعيش تِحِت القانون، لَكِن تِحِت النِّعمَه؟ أبَداً!

رُومِيَه 6:2

أبَداً! نِحنا مُتنا لِلخَطيَّه، كيف نَعيش فيها بَعَد دا؟

رُومِيَه 7:13

الطَّيب بِقى لَي موت؟ أبَداً! لَكِن الخَطيَّه آخَدَت الطَّيب، و جابَت لَي موت، عَلَشان تَوَرّي هي خَطيَّه. و كِدا بِالأمر، الخَطيَّه تَبقى خَاطيَه جِدّاً.

رُومِيَه 7:7

بِنقول شِنو؟ القانون خَطيَّه؟ ما مُمكِن! لَكِنّي ما عِرِفتَ الخَطيَّه شِنو، إلّا بِالقانون. ما كُنتَ عِرِفتَ الطَّمَع، إذا القانون ما كان قال: ”ما تَطمَع.“

رُومِيَه 9:14

عَلَشان كِدا بِنقول شِنو؟ يِمكِن الله ما عادِل؟ أبَداً!

١ كُورِنْثُوس 6:15

ما بِتَعرِفو أجسامكُم هُم أعضاء المَسيح؟ عَلَشان كِدا باخُد أعضاء المَسيح و أعمِلُم أعضاء زانيَه؟ أبَداً!

٢ كُورِنْثُوس 1:18

لَكِن زي ما الله أمين، كَلامنا ليكُم كَمان مُش ”أيوَه“ و ”لا.“

غَلَاطِيَّه 2:17

و لَكِن إذا نِحنا نَطلُب نِتبَرَّر في المَسيح و يَلقونا نِحنا كَمان خاطيين، دا يَعني المَسيح يَخدِم الخَطيَّه؟ مُش مُمكِن!

غَلَاطِيَّه 2:21

أنا ما بَرفُض نِعمَة الله، عَشان إذا البِر بِالقانون، المَسيح مات بِدون فايدَه.

غَلَاطِيَّه 6:14

خَليهو يَكون بَعيد مِنّي أن أفخُر بِحاجَه، إلّا بِصَليب رَبَّنا يَسُوع المَسيح البيهو الدُّنيا إنصَلَب لَي، و أنا لِلدُّنيا.

١ تِيمُوثَاوُس 3:16

و نَشهَد أن سِر الدّين بِتاعنا مُهِم: هو ظَهَر في الجِّسم، و إتبَرَّر في الرّوح، و المَلائكَه شافوهو، و بِشَّرو بيهو بين الأُمَم، و آمَنو بيهو في الدُّنيا، و رَفَعوهو في المَجد.

تِيطُس 1:2

و في رَجاء الحَياة الأبَديَّه، الوَعَد بيها الله قُبّال زَمَن أبَدي. و الله ما بِقدَر يَكَضِّب.

عِبرانيين 6:18

و الله عَمَل دا عَلَشان في حاجَتين الما بِتغَيَّرو، و ما مُمكِن هو يَكَضِّب فيهُم. عَلَشان كِدا، نِحنا الهَربنا ليهو عَشان نَمسِك بِالرَّجاء المَختوت قِدّامنا، عِندَنا شَجاعَه شَديدَه.

١ يُوحَنَّا 5:10

البِآمِن بِإبن الله، عِندو الشَّهادَه في نَفسو. الما بِآمِنو بِالله سَوَّاهو كَضّاب، عَلَشان ما آمَن بِالشَّهادَه الشِّهِد بيها الله عَن إبنو.

١ يُوحَنَّا 5:20

و بِنَعرِف إبن الله جا و أدّانا فَهم عَشان نَعرِف هو الحَق. و نِحنا في الحَق، يَعني في إبنو يَسُوع المَسيح. دا هو الإلَه الحَقيقي و الحَياة الأبَديَّه.

رؤيا 3:7

و أكتِب كَمان لِمَلاك الكَنيسَه الفي فِيلَادَلْفِيَا: ديل الحاجات البِقولو القُدّوس الحَقيقي، العِندو مُفتاح دَاوُد. و هو يَفتَح و ما في واحِد يَقفِل، و يَقفِل و ما في واحِد يَفتَح.