رُومِيَه 2:7 - كِتاب العَهد الجَّديد مِن الكِتاب المُقَدَّس

⁷ و اليِستَمِرّو في العَمَل الطَّيب و يَطلُبو المَجد و الإحتِرام و الما بِموت، هو بِدّيهُم الحَياة الأبَديَّه.

رُومِيَه 2:7 Iomraidhean Croise

مَتَّى 25:46

بَعدين ديل بِمشو لِلجِّزا الأبَديَّه، و لَكِن البارين بِمشو لِلحَياة الأبَديَّه.“

لُوقَا 21:19

إذا تَكونو ثابِتين، تَخَلِّصو حَياتكُم.

لُوقَا 8:15

و الفي الأرض الكوَيسَه، هُم البِقَلِب كوَيس و صالِح، بَعَد ما سِمِعو الكِلمَه، يَحفَظوها، و يَجيبو ثِمار بِالصَّبر.

يُوحَنَّا 4:36

و البِلِم الدُّرَه ياخُد أُجرَتو، و يَلِم دُرَه لِلحَياة الأبَديَّه. عَشان كِدا، المُزارِع و البِلِم الدُّرَه يَفرَحو سَوا.

يُوحَنَّا 5:44

كيف تَقدَرو تَآمِنو و إنتو تَقبَلو مَجد، واحِد مِن التّاني، و لَكِن ما بِتفَتِّشو عَلى المَجد المِن الله الوَحيد.

رُومِيَه 2:10

و المَجد و الإحتِرام و السَّلام لِكُلّو واحِد بِسَوّي الخير، لِليَهودي في الأوَّل، و بَعدين لِلإغريقي.

رُومِيَه 6:23

عَشان أُجرَة الخَطيَّه هي الموت، و لَكِن هَديَّة الله هي الحَياة الأبَديَّه بِالمَسيح يَسُوع رَبَّنا.

رُومِيَه 8:18

أفتَكِر ما بَقدَر أقيس أتعاب الزَّمَن الحاضِر بِالمَجد الماشي يَظهَر لينا.

رُومِيَه 9:23

و عَمَل دا عَلَشان يَوَرّي غِنى مَجدو عَلى بُرام رَحمَه جَهَّزا مِن قُبّال لِلمَجد،

١ كُورِنْثُوس 15:42

و كِدا كَمان قيامَة المَيِّتين. يَزرَعوها جِسِم بِموت، و يَقوم جِسِم ما بِموت أبَداً.

١ كُورِنْثُوس 15:50

أقول دا، يا أخوان، أجسامنا المَصنوع مِن لَحَم و دَم ما بِقدَرو يورَثو مَلَكوت الله، و البِموت ما بِقدَر يورَث الما بِموت أبَداً.

١ كُورِنْثُوس 15:58

عَلَشان كِدا، يا أخوان المَحبوبين، كونو ثابِتين، ما مُحَرَّكين. و زيدو في عَمَل الرَّب دايماً، عَشان إنتو بِتَعرِفو تَعبكُم ما بِدون فايدَه في الرَّب.

غَلَاطِيَّه 6:9

و ما نَكون تَعبانين في عَمَل الخير، عَشان بِنلِم في وَكِت الحَصاد إذا ما نَكون بِدون رَجاء.

أفَسُس 6:24

النِّعمَه مَعَ كُل البِحِبّو رَبَّنا يَسُوع المَسيح بِمَحَبَّه ما بِتموت.

كُولُوسِّي 1:27

و الله إختار يَخَبِّر قِدِّسِينو بين الأُمَم بِغِنى مَجد السِّر دا. و هو المَسيح فيكُم، رَجاء المَجد.

١ تِيمُوثَاوُس 1:17

و لِلمَلِك الأبَدي، الما بِموت، الما نَقدَر نَشوفو، الإلَه الوَحيد، ليهو الإحتِرام و المَجد لِلأبَد. آمين.

٢ تِيمُوثَاوُس 1:10

لَكِن هَسَّع بِقَت بَايِنَه بِظُهور مُخَلِّصنا، المَسيح يَسُوع. هو بَطَّل الموت و وَرّانا الحَياة الما بِتموت بِواسطَة الإنجيل.

عِبرانيين 2:7

إنتَ عَمَلتو تِحِت شوَيَه مِن المَلائكَه، و خَتّيت تاج المَجد و الإحتِرام عَلى رَاسو، و خَتّيتو عَلى أعمال إيدينَك؛

عِبرانيين 6:12

و نِحنا ما عاوِزينكُم تَكونو كَسلانين، لَكِن تَعمِلو زي ديل البِالإيمان و الصَّبر الطَّويل يورَثو الوُعود.

عِبرانيين 6:15

و كِدا، بَعَد ما إستَنّى بِالصَّبر، إِبْرَاهِيم قِبِل الوَعَد ليهو.

١ يُوحَنَّا 2:25

دا هو الوَعد الهو وَعَدنا بيهو، الحَياة الأبَديَّه.