رُومِيَه 2:29 - كِتاب العَهد الجَّديد مِن الكِتاب المُقَدَّس

²⁹ لَكِن اليَهودي في جُوَّه، هو اليَهودي الحَقيقي. و طَهور القَلِب، هو الطَّهور الحَقيقي و دا بِالرّوح، مُش بِالكِتاب. و حَمدو ما مِن النّاس، لَكِن مِن الله.

رُومِيَه 2:29 Iomraidhean Croise

لُوقَا 11:39

و الرَّب قال ليهو: ”إنتو، يا فَرّيسيِّين، بِتنَضِّفو الفِنجان و الصَّحَن مِن بَرَّه. و لَكِن مِن جُوَّه، إنتو ناس طَمّاعين و شَرّيرين.

لُوقَا 17:21

و ما بِقولو، أهو هِنا، ولّا، أهو هِناك. عَشان مَلَكوت الله في وَسِطكُم.“

يُوحَنَّا 12:43

عَشان هُم حَبّو مَجد النّاس أكتَر مِن مَجد الله.

يُوحَنَّا 4:23

لَكِن السّاعَه تَجي و هي هَسَّع، لَمّا العابِدين بِالحَق يَعبُدو الأبو بِالرّوح و الحَق. عَشان الأبو بِطلُب زي ديل عَشان يَعبُدوهو.

يُوحَنَّا 5:44

كيف تَقدَرو تَآمِنو و إنتو تَقبَلو مَجد، واحِد مِن التّاني، و لَكِن ما بِتفَتِّشو عَلى المَجد المِن الله الوَحيد.

رُومِيَه 14:17

عَشان مَلَكوت الله ما أكل ولّا شُرُب، لَكِن هو بِر و سَلام و فَرَح في الرّوح القُدُس.

رُومِيَه 2:27

و الما مُطَهَّر دا بِطَبيعَه، لَمّا يَحفَظ القانون، بِيَحكُم عَليك. و إنتَ عِندَك القانون المَكتوب و الطَّهور، لَكِن تَكسِّر القانون.

رُومِيَه 3:1

عَلَشان دا، شِنو الخير فِشان إنتَ يَهودي؟ ولّا شِنو الفايدَه في الطَّهور؟

رُومِيَه 7:6

لَكِن هَسَّع، نِحنا حُرّين مِن القانون، عَلَشان مُتنا لِلشّي الكان يَربُطنا. و فِشان دا، نَخدِم بِالطَّرِيق الجَّديد بِتاع الرّوح، ما بِالطَّرِيق القَديم بِتاع القانون المَكتوب.

١ كُورِنْثُوس 4:5

فِشان كِدا، ما تَحكُمو في حاجَه قُبّال الوَكِت، قُبّال ما الرَّب يَجي. هو بِجيب لِلنّور الحاجات الهَسَّع مَدسوسَه في الضَّلام، و بِوَرّي أفكار القُلوب. في الوَكِت داك، كُلّو واحِد بِقبَل حَمدو مِن الله.

١ كُورِنْثُوس 7:19

الطَّهور ما شي و البِدون الطَّهور ما شي، لَكِن حِفظ أمر الله، دا مُهِم.

٢ كُورِنْثُوس 10:18

عَشان الزول الحَمَد نَفسو ما بِكون مَقبول، لَكِن لَمّا الرَّب يَحمِد الزّول، هو بِكون مَقبول.

٢ كُورِنْثُوس 3:6

و هو أدّانا قُوَّه عَشان نَكون خَدّامين إتِّفاق جَديد. و دا مُش بِالقانون المَكتوب، لَكِن بِالرّوح. عَشان القانون المَكتوب بِجيب الموت، لَكِن الرّوح بِدّي حَياة.

فيلِبّي 3:3

عَشان نِحنا المُطَهَّرين النَّعبُد الله بِروح. و عِندَنا كِبِر في المَسيح يَسُوع، و ما نَتَّكِل عَلى الجِّسِم.

١ تَسَالُونِيكِي 2:4

و لَكِن زي ما الله كان مَبسوط مِنَّنا، و أدانا مسؤليَة الإنجيل، كِدا نِتكَلَّم. و بِنَعمِل دا، ما عَشان نَبسِط النّاس، لَكِن عَشان نَبسِط الله اليَجَرِّب قُلوبنا.

١ بُطْرُس 3:4

لَكِن خَليهو يَكون مِن إنسان القَلِب المَدسوس، الرّوح المِتواضَع و اللَّطيف، الما يَخسَر. و داك عِندو تَمَن كَتير قِدّام الله.