رُومِيَه 2:10 - كِتاب العَهد الجَّديد مِن الكِتاب المُقَدَّس

¹⁰ و المَجد و الإحتِرام و السَّلام لِكُلّو واحِد بِسَوّي الخير، لِليَهودي في الأوَّل، و بَعدين لِلإغريقي.

رُومِيَه 2:10 Iomraidhean Croise

مَتَّى 10:13

و إذا أهل البيت مُستَحِقّين، خَلّي سَلامكُم يَستَنّى عَليهو. و لَكِن إذا ما مُستَحِقّين، خَلّي سَلامكُم يَرجَع ليكُم.

لُوقَا 1:79

عَشان يَنَوِّر عَلى القَاعِدين في الضَّلام و في ضُل الموت، عَشان يَسوق كِرعينّا في طَريق السَّلام.“

لُوقَا 12:37

مُبارَكين الخَدّامين ديل إذا سيدُم يَجي و يَلقاهُم حارِسين. بِالحَق أقول ليكُم، هو بِربُط حِزامو، و يَقَعِدُم في الطَّرَبيزَه و يَقَدِّم ليهُم أكِل.

لُوقَا 19:42

و قال: ”إذا إنتو كَمان عِرِفتو النَّهار دا الحاجات البِتجيب ليكُم سَلام. لَكِن هَسَّع، دي مَدسوسَه مِن عُيونكُم.

لُوقَا 22:14

و لَمّا السّاعَه جات، هو قَعَد في الطَّرَبيزَه، و الإتناشَر رَسول مَعاهو.

لُوقَا 9:48

و قال ليهُم: ”البِقبَل الوَلَد دا بِإسمي، بِقبَلني. و البِقبَلني، بِقبَل الرَّسَّلني. عَلى كِدا، الأصغَر فيكُم، دا هو الكَبير.“

يُوحَنَّا 12:26

إن كان واحِد يَخدِمني، لازِم يَتبَعني. و المَحَل الأنا أكون فيهو، هِناك يَكون خَدّامي كَمان. و إذا كان واحِد يَخدِمني، الأبو بِحتَرِمو.

يُوحَنَّا 14:27

أنا بَخَلّي سَلام مَعاكُم. بَدّيكُم سَلامي. أنا ما بَدّيكُم زي ما الدُّنيا بِتَدّي. ما تَضطَرِبو في قُلوبكُم، و ما تَخافو.

يُوحَنَّا 16:33

كَلَّمتَكُم كِدا عَشان يَكون ليهُم سَلام فِيني. في الدُّنيا يَكون عِندَكُم تَعب. و لَكِن شِدّو حيلكُم، أنا غَلَبتَ الدُّنيا.“

أعمال الرُّسُل 10:35

لَكِن في كُلّو أُمَّه، الزّول البِخاف مِنّو و بيَعمِل البِر، هو مَقبول عِندو.

رُومِيَه 14:17

عَشان مَلَكوت الله ما أكل ولّا شُرُب، لَكِن هو بِر و سَلام و فَرَح في الرّوح القُدُس.

رُومِيَه 15:13

و إلَه الرَّجاء يَملاكُم كُلّو فَرَح و سَلام في الإيمان، عَلَشان تَزيدو في الرَّجاء بِقوَّة الرّوح القُدُس.

رُومِيَه 2:7

و اليِستَمِرّو في العَمَل الطَّيب و يَطلُبو المَجد و الإحتِرام و الما بِموت، هو بِدّيهُم الحَياة الأبَديَّه.

رُومِيَه 2:9

التَّعب و الضّيق عَلى كُلّو إنسان بِعمِل الشَّر، عَلى اليَهودي في الأوَّل، و بَعدين عَلى الإغريقي.

رُومِيَه 5:1

هَسَّع عَلَشان إتبَرَّرنا بِالإيمان، عِندَنا سَلام مَعَ الله بِرَبَّنا يَسُوع المَسيح.

رُومِيَه 8:6

فِكر الجِّسِم هو موت، لَكِن فِكر الرّوح هو حَياة و سَلام.

رُومِيَه 9:21

دَقّاق البُرام ما عِندو سُلطَه عَلى الطّين عَشان يَعمِل مِن حِتَّت طين حاجَه واحدَه لِلإحتِرام و تانيَه لِفايدَه يوميَّه؟

رُومِيَه 9:23

و عَمَل دا عَلَشان يَوَرّي غِنى مَجدو عَلى بُرام رَحمَه جَهَّزا مِن قُبّال لِلمَجد،

غَلَاطِيَّه 5:22

لَكِن ثِمار الرّوح، هو المَحَبَّه، و الفَرَح و السَّلام، و الصَّبر، و الرَّحمَه، و الصَّلاح، و الأمانَه،

غَلَاطِيَّه 5:6

عَشان في المَسيح يَسُوع، الطَّهور ما ليهو فايدَه، ولّا الما مُطَهَّر، لَكِن الإيمان البِشتَغِل بِالمَحَبَّه.

فيلِبّي 4:7

و سَلام الله، الفوق كُلّو فَهم، بِحفَظ قُلوبكُم و أفكاركُم في المَسيح يَسُوع.

١ تِيمُوثَاوُس 1:17

و لِلمَلِك الأبَدي، الما بِموت، الما نَقدَر نَشوفو، الإلَه الوَحيد، ليهو الإحتِرام و المَجد لِلأبَد. آمين.

عِبرانيين 2:7

إنتَ عَمَلتو تِحِت شوَيَه مِن المَلائكَه، و خَتّيت تاج المَجد و الإحتِرام عَلى رَاسو، و خَتّيتو عَلى أعمال إيدينَك؛

يَعْقُوب 2:22

إنتَ تَشوف أن الإيمان كان بِشتَغِل مَعَ أعمالو، و الإيمان بِقى كامِل بِأعمالو.

يَعْقُوب 3:13

مِنو حَكيم و فاهِم بينكُم؟ خَليهو يَوَرّي مِن حَياتو الطَّيبَه، أعمالو في الوَداعَه بِتاعَت الحِكمَه.

١ بُطْرُس 1:7

و داك يَكون لِبيّنَة إيمانكُم. الدَّهَب، البِخسَر، يَمتَحِن بِالنّار. و كِدا إيمانكُم، الغالي مِن الدَّهَب، لازِم يَمتَحِن كَمان عَلَشان يَكون لِلحَمد و المَجد و الإحتِرام عِند ظُهور يَسُوع المَسيح.

١ بُطْرُس 5:4

و لَمّا يَظهَر رَئيس الرُّعاه، بِتاخدو تاج المَجد الما بِفوت.