رُومِيَه 16:27 - كِتاب العَهد الجَّديد مِن الكِتاب المُقَدَّس

²⁷ لِلَّه الفَهيم وَحدو، ليهو المَجد بِيَسُوع المَسيح لِلأبَد. آمين.

رُومِيَه 16:27 Iomraidhean Croise

رُومِيَه 11:36

عَشان كُل الحاجات، مِنّو، و بيهو، و ليهو. ليهو المَجد لِلأبَد! آمين.

أفَسُس 3:10

عَلَشان حِكمَة الله المُختَلِفَه جِدّاً هَسَّع تَكون مَعروفَه لِلرّؤساء و السَّلاطين في المَحَلّات الفي السَّما. و الله بيَعمِل دا بِالكَنيسَه.

فيلِبّي 4:20

و لِإلَهنا و أبونا، المَجد لِلأبَد. آمين.

١ تِيمُوثَاوُس 1:17

و لِلمَلِك الأبَدي، الما بِموت، الما نَقدَر نَشوفو، الإلَه الوَحيد، ليهو الإحتِرام و المَجد لِلأبَد. آمين.

١ تِيمُوثَاوُس 6:16

و هو بَس ما بِموت، و بِسكُن في نور الما نَقدَر نَقَرِّب مِنّو. ما في زول شافو ولّا بِقدَر يَشوفو. ليهو الإحتِرام و القُوَّه الأبَديَّه! آمين.

٢ تِيمُوثَاوُس 4:18

و الرَّب بِحفَظني مِن كُلّو عَمَل شَرّير، و بِخَلِّصني لِمَلَكوتو الفي السَّما. و ليهو المَجد لِلأبَد. آمين.

عِبرانيين 13:15

عَلَشان كِدا، خَلّونا نَقَدِّم بِيَسُوع ضَبيحَة الحَمد لِلَّه في كُلّو وَكِت، يَعني ثِمار خُشومنا البِعتَرِفو بِإسمو.

عِبرانيين 13:21

الله يَعمِلكُم كامِلين في كُلّو عَمَل طَيب عَشان تَعمِلو إرَادَتو. و هو يَشتَغِل فيكُم الحاجَه التَّبسِطو كَتير، بِيَسُوع المَسيح. و لِلمَسيح المَجد لِلأبَد. آمين.

١ بُطْرُس 2:5

و إنتو كَمان مِثِل حُجار حَيَّه، تِنبَنو بيت روحي و قُسُس مُقَدَّسين، عَشان تَقَدِّمو ضَبايح روحيَّه مَقبولَه عِند الله بِيَسُوع المَسيح.

٢ بُطْرُس 3:18

و لَكِن أكبَرو في النِّعمَه و في مَعرِفَة رَبَّنا و مُخَلِّصنا يَسُوع المَسيح. ليهو المَجد هَسَّع و لِلأبَد! آمين.

يَهُوذَا 1:25

لِلَّه الوَحيد، مُخَلِّصنا، بِيَسُوع المَسيح رَبَّنا، المَجد و العَظَمَه و القُدرَه و السُّلطَه قُبّال كُلّو زَمَن و هَسَّع و لِلأبَد. آمين.