رُومِيَه 16:26 - كِتاب العَهد الجَّديد مِن الكِتاب المُقَدَّس

²⁶ و لَكِن ظَهَر هَسَّع و خَبَّرو بيهو كُل الأُمَم بِالكُتُب النَّبَويَّه بِحَسَب الإلَه الأبَدي، عَشانُم يآمِنو و يَطيعوهو.

رُومِيَه 16:26 Iomraidhean Croise

مَرْقُس 16:15

و قال ليهُم: ”أمشو لِكُل الدُّنيا، و بَشِّرو بِالإنجيل لِكُلّو ناس الدُّنيا.

أعمال الرُّسُل 10:43

و كُل الأنبياء يَشهَدو ليهو أن كُلّو واحِد البِآمِن بيهو بِقبَل بِإسمو غُفران الخَطايا.“

أعمال الرُّسُل 6:7

و كِلمَة الله كانَت تَكبَر، و نِمرَت التَّلاميذ بِقَت كَتيرَه جِدّاً في أُورُشَلِيم. و نِمرَه كَتيرَه مِن القُسُس كانو بِطيعُو الإيمان.

رُومِيَه 1:2

و الله وَعَد بِالإنجيل مِن قُبّال بِواسطَة أنبياهو في الكُتُب المُقَدَّسَه.

رُومِيَه 1:20

النّاس ما بِقدَرو يَقولو هُم ما عارِفين عَن الله. مِن خَليقَة الدُّنيا النّاس قِدرو يَشوفو الله مِثِل شِنو مِن الحاجات الهو خَلَقا. دا يَوَرّي قُدرَتو البِتِستَمِر لِلأبَد. و دا يَوَرّي هو الله.

رُومِيَه 1:5

و بِالمَسيح قِبِلنا نِعمَه و بِقينا رُسُل. و هَسَّع الله يَرَسِّلنا عَشان نَبَشِّر كُل الأُمَم فِشان هُم كَمان بِطيعوهو و بِآمِنو بيهو.

رُومِيَه 15:18

أنا بَخاف أتكَلَّم بِحاجَه إلّا العَمَلو المَسيح بي عَلَشان الأُمَم يَطيعو الله، بِالكِلمَه و العَمَل،

رُومِيَه 15:4

كُل الكان مَكتوب مِن قُبّال مَكتوب لِتَعليمنا، عَلَشان يَكون عِندَنا الرَّجاء بِالصَّبر و تَعزيات الكُتُب.

رُومِيَه 3:21

لَكِن هَسَّع بِر الله ظَهَر بِدون القانون، و القانون و الأنبياء يَشهَدو ليهو.

غَلَاطِيَّه 3:8

الكِتاب إتقَدَّم و شاف أن الله يَبَرِّر الأُمَم بِالإيمان. و بَشَّر إِبْرَاهِيم مِن قُبّال و قال: ”كُل الأُمَم يَكونو مُبارَكين فيك.“

أفَسُس 1:9

و هو فَهَّمنا سِر إرَادَتو حَسَب فَرَحو الجَّهَّزو في المَسيح.

أفَسُس 2:20

و هو بَناكُم عَلى أساس الرُّسُل و الأنبياء، و يَسُوع المَسيح نَفسو، الحَجَر، الهو راس الرُّكن.

كُولُوسِّي 1:26

السِّر الكان مَدسوس مِن زَمَن طَويل و مِن الأجيال، لَكِن هَسَّع بِيَّنو لِقِدِّسِينو.

١ تِيمُوثَاوُس 1:17

و لِلمَلِك الأبَدي، الما بِموت، الما نَقدَر نَشوفو، الإلَه الوَحيد، ليهو الإحتِرام و المَجد لِلأبَد. آمين.

١ تِيمُوثَاوُس 3:16

و نَشهَد أن سِر الدّين بِتاعنا مُهِم: هو ظَهَر في الجِّسم، و إتبَرَّر في الرّوح، و المَلائكَه شافوهو، و بِشَّرو بيهو بين الأُمَم، و آمَنو بيهو في الدُّنيا، و رَفَعوهو في المَجد.

٢ تِيمُوثَاوُس 1:10

لَكِن هَسَّع بِقَت بَايِنَه بِظُهور مُخَلِّصنا، المَسيح يَسُوع. هو بَطَّل الموت و وَرّانا الحَياة الما بِتموت بِواسطَة الإنجيل.

عِبرانيين 13:8

يَسُوع المَسيح هو هو أُمبارِح، و النَّهار دا، و لِلأبَد.

عِبرانيين 9:14

و عَلَشان دا الحَق، كَم بِالأكتَر دَم المَسيح عَمَل لينا! هو قَدَّم نَفسو لِلَّه بِالرّوح الأبَدي بِدون عيب. و دَمّو بِنَضِّف ضَمايرنا مِن الأعمال المَيِّتَه عَشان نَخدِم الله الحَي.

١ يُوحَنَّا 5:20

و بِنَعرِف إبن الله جا و أدّانا فَهم عَشان نَعرِف هو الحَق. و نِحنا في الحَق، يَعني في إبنو يَسُوع المَسيح. دا هو الإلَه الحَقيقي و الحَياة الأبَديَّه.

رؤيا 1:17

و لَمّا شُفتو، وَقَعتَ عِند كِرعينو زي الزّول المَيِّت. و هو خَتَّ إيدو اليَمين عَلي و قال: ”ما تَخاف. أنا هو الأوَّل و الآخِر.

رؤيا 19:10

و وَقَعتَ عِند كِرعينو عَشان أعبُدو. لَكِن هو قال لَي: ”ما تَعمِل دا أبَداً! عَشان أنا خَدّام مَعاك و مَعَ أخوانَك البِحفَظو شَهادَة يَسُوع. أعبُد الله! عَشان شَهادَة يَسُوع، هي روح النُّبوَّه.“