رُومِيَه 16:21 - كِتاب العَهد الجَّديد مِن الكِتاب المُقَدَّس

²¹ يَسَلِّمو عَليكُم تِيمُوثَاوُس المِشتَغِل مَعاي، و لوكيوس و ياسون و سُسِبَترُس مِن أهل بيتي.

رُومِيَه 16:21 Iomraidhean Croise

أعمال الرُّسُل 13:1

و في الكَنيسَه الفي أَنْطَاكِيَه أنبياء و مُعَلِّمين، و هُم بَرْنَابَا، و سِمْعَان الإسمو نِيجَر، و لوكيوس القَيْرَوَانِي، و مَناين الكان أخو لِهِيرُودُس رَئيس المُديرِيَّه، و شَاوُل.

أعمال الرُّسُل 17:14

و بِسُرعَه، الأخوان رَسَّلو بُولُس عَشان يَمشي لِطَرَف البَحَر. لَكِن سِيلَا و تِيمُوثَاوُس قَعَدو في بيريَّه.

أعمال الرُّسُل 17:5

و اليَهود حَسَدو، و اَخَدو رُجال بَطّالين مِن ناس السّوق، و لَمّو ناس كُتار، و عَمَلو دَوشَه في المَدينَه. و جَرو لِبيت ياسون، و طَلَبو يَطَلِّعوهُم لِلنّاس.

أعمال الرُّسُل 18:5

و لَمّا سِيلَا و تِيمُوثَاوُس جو مِن مَكِدونيَّه، بُولُس أدّا نَفسو عَشان يَبَشِّر بَس، و يَشهَد لِليَهود يَسُوع هو المَسيح.

أعمال الرُّسُل 19:22

و رَسَّل لِمَكِدونيَّه إتنين مِن الكانو بِخدِموهو، تِيمُوثَاوُس و أَرَسْطُوس. و هو إستَنّى وَكِت زِيادَه في آسيا.

أعمال الرُّسُل 20:4

و مَشو مَعاهو لِآسيا. سُوبَاتَرُس إبن بِرُّس مِن بيريَّه، و وَأَرِسْتَرْخُس، و وَسَكُونْدُس مِن ناس تَسَالُونِيكِي، و غَايُوس مِن دَربَه، و تِيمُوثَاوُس. و وَتِيخِيكُس، و وَتُرُوفِيمُس مِن ناس آسيا.

رُومِيَه 16:11

سَلِّمو عَلى هِيرُودِيُون، واحِد مِن أهل بيتي. سَلِّمو عَليهُم المِن أهل نَرْكِيسُوس الهُم في الرَّب.

رُومِيَه 16:7

سَلِّمو عَلى أَنْدَرُونِيكُوس و وَيُونِيَاس مِن أهل بيتي، المَحبوسين مَعاي. هُم مَعروفين بين الرُّسُل، و هُم كانو في المَسيح قُبّالي.

رُومِيَه 9:3

عَشان انا كُنتَ بَدور أكون أنا نَفسي مَلعون و مَقطوع عَن المَسيح عَشان خاطِر أخواني، جِنسي حَسَب الجِّسِم،

٢ كُورِنْثُوس 1:1

مِن بُولُس رَسول المَسيح يَسُوع بِإرادَة الله، و مِن تِيمُوثَاوُس الأخو، لِكَنيسَة الله الفي كُورِنْثُوس، مَعَ كُل النّاس المُقَدَّسين في كُلّو أَخَائِيَه.

٢ كُورِنْثُوس 1:19

عَشان أنا و سِلْوَانُس و تِيمُوثَاوُس بَشَّرنا بينكُم بِإبن الله، يَسُوع المَسيح، و ما كان فيهو ”أيوَه“ و ”لا.“ لَكِن دايماً فيهو ”أيوَه.“

فيلِبّي 1:1

بُولُس، و تِيمُوثَاوُس، خَدّامين المَسيح يَسُوع، لِكُل المُقَدَّسين في المَسيح يَسُوع الفي فيلِبّي، مَعَ المُلاحِظين و خَدّامين الكَنيسَه.

كُولُوسِّي 1:1

مِن بُولُس رَسول المَسيح يَسُوع بِإرادَة الله، و تِيمُوثَاوُس الأخو.

١ تَسَالُونِيكِي 1:1

مِن بُولُس و سِلْوَانُس و تِيمُوثَاوُس لِكَنيسَة أهل تَسَالُونِيكِي في الله الأبو، و الرَّب يَسُوع المَسيح. نِعمَه ليكُم و سَلام.

١ تَسَالُونِيكِي 3:2

و رَسَّلنا تِيمُوثَاوُس، أخونا و خَدّام الله مَعانا في إنجيل المَسيح، عَشان يَشَدِّدكُم في إيمانكُم و يَشَجِّعكُم،

١ تَسَالُونِيكِي 3:6

و لَكِن هَسَّع تِيمُوثَاوُس جا لينا مِنَّكُم، و بَشَّرنا بِإيمانكُم و مَحَبَّتكُم. و هو خَبَّرنا كيف إنتو دايماً تِتذَكَّرونا بِلُطف، و عاوِزين بِشِدَّه تَشوفونا. و نِحنا كَمان عاوِزين بِشِدَّه نَشوفكُم.

٢ تَسَالُونِيكِي 1:1

مِن بُولُس و سِلْوَانُس و تِيمُوثَاوُس لِكَنيسَة أهل تَسَالُونِيكِي في الله الأبو و الرَّب يَسُوع المَسيح.

١ تِيمُوثَاوُس 1:2

لِتِيمُوثَاوُس وَلَدي بِالحَق في الإيمان: نِعمَه و رَحمَه و سَلام مِن الله الأبو و المَسيح يَسُوع رَبَّنا.

١ تِيمُوثَاوُس 6:11

و إنتَ، يا راجِل الله، أهرَب مِن دا. و أتبَع البِر، و خوف الله، و الإيمان، و المَحَبَّه، و الصَّبر، و الوَداعَه.

١ تِيمُوثَاوُس 6:20

يا تِيمُوثَاوُس، أحفَظ الحاجَه السَّلَّموها ليك. كون بَعيد مِن الكَلام الفاضي و الوَسخان و مِن البِعاكِس، البِسَمّوها ”المَعرِفَه“ بِالكِضِب.

٢ تِيمُوثَاوُس 1:2

لِتِيمُوثَاوُس، وَلَدي المَحبوب: نِعمَه و رَحمَه و سَلام مِن الله الأبو و المَسيح يَسُوع رَبّانا.

عِبرانيين 13:23

و أنا عاوِزكُم تَعرِفو، أخونا تِيمُوثَاوُس إتفَكّا مِن السِّجِن، و بِنشوفكُم سَوا إذا هو بِجي في وَكِت قَريب.