رُومِيَه 16:17 - كِتاب العَهد الجَّديد مِن الكِتاب المُقَدَّس

¹⁷ أطلُب ليكُم، يا أخوان، تَخُتّو بالكُم لِليَعمِلو إنقِسامات و البِخُتّو في سِكَّتكُم مُخالِف التَّعليم الإتعَلَّمتوهو. خَلّوهُم.

رُومِيَه 16:17 Iomraidhean Croise

مَتَّى 18:17

إذا يابا يَسمَع ليهُم، كَلَّم الكَنيسَه. و إذا يابا يَسمَع لِلكَنيسَه، خَليهو يَكون ليكُم زي واحِد مِن ناس الدُّنيا و البِلِمّو الضَّريبَه.

مَتَّى 18:7

حُزن لِناس الدُّنيا عَشان الحاجات البيها النّاس بِكونو مَجَرَّبين لِلخَطيَّه. لازِم الحاجات دي بِتَجي، لَكِن حُزن لِلزّول البِخَلّي الحاجات تَجي بيهو.

مَتَّى 7:15

خَلّو بالكُم مِن الأنبياء الكَضّابين، البِجوكُم بِهِدوم الخِرفان، و لَكِنَّهُم مِن جُوَّه مَرافعين جَعانين جِدّاً.

لُوقَا 17:1

و قال لِتَلاميذو: ”الحاجات البِتكون سَبَب الخَطيَّه لِلنّاس لازِم تَجي، و لَكِن مُصيبَه لِلزّول البِجيب الحاجات دي.

أعمال الرُّسُل 15:24

سِمِعنا بَعض النّاس مَرَقو مِنَّنا و حَرَّكوكُم و حَيَّرو نُفوسكُم بِكلماتُم. و نِحنا ما أمَرناهُم يَسَوّو كِدا.

١ كُورِنْثُوس 11:18

في الأوَّل، لَمَّن تِتلَمّو في الكَنيسَه، أسمَع إنّو في بينكُم إنقِسامات، و أصَدِّق بَعض مِن دا.

١ كُورِنْثُوس 3:3

عَشانكُم لِسَّع ناس جِسميين، عَشان إذا كان فيكُم حَسَد و شَكلَه، إنتو ما ناس جِسميين و ماشين حَسَب ناس الدُّنيا؟

غَلَاطِيَّه 2:4

و لَكِن كانو في أخوان كَضّابين دَخَلو بينَنا بِالسِّر. و هُم إندَسو عَشان يَحرَسو بِالسِّر حُرّيَتنا العِندَنا في المَسيح يَسُوع، عَشان يَعمِلونا عَبيد.

فيلِبّي 3:17

يا أخوان، عيشو مَعَ بَعض زي ما أنا بَعيش، و شوفو تَمام هُم البِعيشو بِالمَثَل النِحنا أدّيناهو ليكُم.

كُولُوسِّي 2:8

خَلّو بالكُم عَلَشان أي واحِد ما يَغِشّكُم بِتَعليم حِكمَة الإنسان و الغِش الفاضي حَسَب تَرتيب النّاس، حَسَب التَّعليم الأساسي بِتاع الدُّنيا، و مُش حَسَب المَسيح.

٢ تَسَالُونِيكِي 3:6

و نَدّيكُم أمر، يا أخوان، بِإسم رَبَّنا يَسُوع المَسيح، كونو بَعيدين مِن كُلّو أخو البِكون كَسلان و الما بِعِيش حَسَب التَّعليم القِبِلتوهو مِنَّنا.

١ تِيمُوثَاوُس 1:3

إستَنّى في أفَسُس زي ما طَلَبتَ ليك لَمّا كُنتَ ماشي لِمَكِدونيَّه. أنا عَاوِزَك تأمر بَعَض مِن النّاس أن ما يَعَلِّمو تَعليم تاني،

٢ تِيمُوثَاوُس 3:5

عِندَهُم صورَة خوف الله لَكِن هُم بِنكُرو قُوَّتو. كون بَعيد مِن ديل.

تِيطُس 3:10

و الرّاجِل البِحِب يَقَسِّم النّاس، حَزِّرو مَرَّه و مَرَّتين. و بَعَد دا، كون بَعيد مِنّو.

١ يُوحَنَّا 2:19

هُم مَرَقو مِنَّنا، لَكِن ما كانو مِنَّنا. عَشان إذا كانو مِنَّنا، كانو إستَنّو مَعانا. لَكِن مَرَقو عَشان يَوَرّو إنّو ما كُلَّهُم مِنَّنا.

يَهُوذَا 1:19

ديل، هُم البِسَوو أقسام بينكُم، و أفكارُم في حاجات الدُّنيا، و ما عِندَهُم الرّوح.