رُومِيَه 15:3 - كِتاب العَهد الجَّديد مِن الكِتاب المُقَدَّس

³ عَشان المَسيح ما عَجَب نَفسو، لَكِن زي ما هو مَكتوب: ”شَتِيمَة الشَّتَموك وَقَعَت عَلي.“

رُومِيَه 15:3 Iomraidhean Croise

مَتَّى 10:25

كِفايَه لِلتِّلميذ أن يَكون زي مُعَلِّمو، و الخَدّام زي سيدو. إذا كان سَمّو رَب البيت بَعلَزَبول، كيف بِالأكتَر ناس بيتو.

مَتَّى 26:39

و بَعدين مَشى قِدّام شوَيَه، و وَقَع عَلى وَشّو و صَلّى و قال: ”يا أبوي، إذا مُمكِن، خَلّي الشّي التَّقيل دا البِجي لَي يَفوت مِنّي. و لَكِن ما زي ما أنا عاوِز، لَكِن زي ما إنتَ عاوِز.“

مَتَّى 26:42

و مَشى مَرَّه تانيَه و صَلّى و قال: ”يا أبوي، إذا ما في طَرِيقَه تانيَه، إلّا أقبَل الشّي التَّقيل دا، أنا رَضيان بِالإنتَ عاوِز تَجيب عَلي.“

مَتَّى 27:44

و الحَراميَه الكانو مَصلوبين مَعاهو شَتَموهو زي دا كَمان.

يُوحَنَّا 15:10

إذا حَفَظتو أوامِري، بِتَسكُنو في مَحَبَّتي، زي ما أنا حَفَظتَ أوامِر أبوي، و أسكُن في مَحَبَّتو.

يُوحَنَّا 15:24

أنا عَمَلتَ بِينُم أعمال زول تاني ما عَمَلا. عَلَشان كِدا عِندَهُم خَطيَّه. لَكِن هَسَّع هُم شافو و كِرهوني أنا و أبوي.

يُوحَنَّا 4:34

يَسُوع قال ليهُم: ”الأكل بِتاعي هو أن أعمِل إرادَة الرَّسَّلني، و أكَمِّل عَمَلو.

يُوحَنَّا 5:30

أنا ما بَقدَر أعمِل شي مِن نَفسي. زي ما أسمَع، أنا أحكُم. و حُكمي عَديل، عَشان أنا ما بَطلُب إرادَتي، لَكِن إرادَة الرَّسَّلني.

يُوحَنَّا 6:38

عَشان أنا نَزَلتا مِن السَّما، مُش عَشان أعمِل إرادَتي، لَكِن إرادَة الرَّسَّلني.

يُوحَنَّا 8:29

و الرَّسَّلني، هو مَعاي. هو ما بِخَلّيني بَراي، عَشان أنا دايماً بَعمِل الحاجات الهو بِكون مَبسوط مِنَّها.“

٢ كُورِنْثُوس 8:9

عَشان إنتو بِتَعرِفو نِعمَة رَبَّنا يَسُوع المَسيح، إنّو هو غَني لَكِن بِقى مِسكين فِشانّا، عَلَشان نِحنا نَبقى غَنيين عَشان هو كان مِسكين.

فيلِبّي 2:5

خَلّي الفِكر دا بِكون فيكُم، الفِكر الفي المَسيح يَسُوع:

فيلِبّي 2:8

و كان زي إنسان في المَنظَر، و خَتَّ نَفسو تِحِت، و طاع الله لِغايَة الموت، موت الصَّليب!