رُومِيَه 15:19 - كِتاب العَهد الجَّديد مِن الكِتاب المُقَدَّس

¹⁹ بِقوَّة العَلامات و العَجايِب، بِقوَّة الرّوح القُدُس. كِدا بَشَّرتَ بِالتَّمام بِإنجيل المَسيح مِن أُورُشَلِيم و الحَواليها لِإِلِّيرِيكُون.

رُومِيَه 15:19 Iomraidhean Croise

مَتَّى 12:28

و لَكِن إذا أنا بِروح الله بَطَلِّع الشّياطين، دا يَعني مَلَكوت الله جا ليكُم.

يُوحَنَّا 4:48

و يَسُوع قال ليهو: ”إنتو ما بِتآمِنو أبَداً إذا ما تَشوفو عَلامات و عَجايِب.“

أعمال الرُّسُل 1:8

لَكِن إنتو بِتَقبَلو قُوَّه لَمّا الرّوح القُدُس بِجي عَليكُم. و بِتكونو شاهِدين لَي في أُورُشَلِيم و في كُل اليَهُودِيَّه و السَّامِرَه لِغايَة آخِر الدُّنيا.“

أعمال الرُّسُل 13:14

لَكِن هُم مَشو مِن بَرجَه و جو لِأَنْطَاكِيَه في بِيسِيدِيَه. و دَخَلو بيت الرَّب يوم السَّبِت و قَعَدو.

أعمال الرُّسُل 13:51

و لَكِن هُم هَزّو التُّراب مِن كِرعينُم، و جو لِإِيْقُونِيَه.

أعمال الرُّسُل 14:10

و قال بِصوت عالي: ”قوم عَلى كِرعينَك!“ و الرّاجِل نَطَّ و إبتَدا يَمشي.

أعمال الرُّسُل 14:20

و لَكِن لَمّا التَّلاميذ وَقَفو حَواليهو، هو قام و دَخَل المَدينَه. و اليوم البَعدو، هو مَرَق مَعَ بَرْنَابَا لِدَربَه.

أعمال الرُّسُل 14:25

و لَمّا بِشَّرو بِالكِلمَه في بَرجَه، نَزَلو لِأتّاليَه.

أعمال الرُّسُل 14:6

هُم سِمِعو بيهو، و هَرَبو لِمُدُن لِسترَه و دَربَه في لِكأونيَّه، و لِلبِلاد القَريبَه.

أعمال الرُّسُل 15:12

و كُل النّاس سَكَتو، و كانو يَسمَعو لِبَرْنَابَا و بُولُس و هُم يَقولو ليهُم كُل العَمَلو الله بِإيديهُم مِن العَلامات و العَجايِب.

أعمال الرُّسُل 16:18

و هي عَمَلَت كِدا أيام كَتيرَه، حَتّى بُولُس تِعِب كَتير مِن دا، و إتلَفَت و قال لِلرّوح: ”أنا آمُرَك بِإسم يَسُوع المَسيح، أمرُق مِنَّها.“ و مَرَق في الدَّقيقَه ديك.

أعمال الرُّسُل 17:10

و طَوّالي، الأخوان رَسَّلو بُولُس و سِيلَا بِاللّيل لِبيريَّه. و هُم، لَمّا وِصلو، دَخَلو بيت الرَّب اليَهودي.

أعمال الرُّسُل 17:15

و الرُّجال المَشو مَعَ بُولُس، جابوهو لِأَثِينَا. و هُم مَشو بَعَد ما اَخَدو أمر مِنّو لِسِيلَا و تِيمُوثَاوُس عَشان يَجو ليهو أوَّل ما مُمكِن.

أعمال الرُّسُل 18:1

و بَعَد دا، بُولُس مَشى مِن أَثِينَا و جا لِكُورِنْثُوس.

أعمال الرُّسُل 18:19

و وِصلو لِأفَسُس، و بُولُس خَلّاهُم الإتنين هِناك، و دَخَل بيت الرَّب و عَلَّم اليَهود.

أعمال الرُّسُل 19:1

و حَصَل لَمّا أَبُلُّوس كان في كُورِنْثُوس، بُولُس فات بِالمَحَلّات العاليَه و جا لِأفَسُس. و هِناك لِقى بَعض مِن التَّلاميذ.

أعمال الرُّسُل 20:20

و بِتَعرِفو أنا ما أبيت أبَشِّركُم بِأي حاجَه الفيها فايدَه ليكُم، لَكِن عَلَّمتَكُم قِدّام النّاس و في كُلّو بيت.

أعمال الرُّسُل 20:6

و لَكِن نِحنا سافَرنا بِمُركَب مِن فيلِبّي بَعَد أيام عيد الفَطير. و جينا ليهُم في خَمسَة أيام في تَرُوَاس، و قَعَدنا هِناك أُسبوع.

رُومِيَه 15:13

و إلَه الرَّجاء يَملاكُم كُلّو فَرَح و سَلام في الإيمان، عَلَشان تَزيدو في الرَّجاء بِقوَّة الرّوح القُدُس.

رُومِيَه 15:16

و عَشان أكون خَدّام لِلمَسيح يَسُوع فِشان الأُمَم. و أبَشِّر خِدمَة الإنجيل زي قَسّيس، عَلَشان الأُمَم تَبقى هَدِيَّه مَقبولَه، مُقَدَّسَه بِالرّوح القُدُس.

رُومِيَه 15:24

و لَمّا أمشي لِأسبانيا، عِندي رَجاء أشوفكُم وَكِت ما بَمُر في طَرِيقي. و تَساعِدوني في سَفَري لِهِناك، بَعَد ما فِرِحتَ بِزِيارَتكُم وَكِت قَليل.

١ كُورِنْثُوس 2:4

و كَلامي و بِشارَتي ما كانو بِكَلام حَسَب حِكمَة الإنسان الفَهيم، لَكِن بِبيّنَة الرّوح و القُوَّه،

٢ كُورِنْثُوس 12:12

بِالحَق أنا عَمَلتَ في وَسِطكُم عَلامات الرَّسول بِكُلّو صَبر، العَلامات، و العَجايِب، و القُوّات.

غَلَاطِيَّه 3:5

البِدّيكُم روحو و بيَعمِل عَجايِب بينكُم، هو بيَعمِلو عَلَشان إنتو تَحفَظو القانون ولّا عَشان بِتآمِنو السِّمِعتوها؟

كُولُوسِّي 1:25

و أنا بِقيت خَدّام حَسَب المُسؤليَه الأدّاني الله فِشانكُم. و عِندي المُسؤليَه دي عَشان أدّيكُم مَعرِفَه كاملَه في كِلمَة الله،

١ تَسَالُونِيكِي 1:5

عَشان إنجيلنا ما جا ليكُم بِالكَلام بَس، و لَكِن بِالقُوَّه كَمان، و بِالرّوح القُدُس و بِتأكيد شَديد. بِتَعرِفو كيف مَشينا بينكُم فِشانكُم.

٢ تِيمُوثَاوُس 4:17

و لَكِن الرَّب وَقَف مَعاي و شَدَّدني عَلَشان أبَشِّر بِالإنجيل، و كُل الأُمَم بِسمَعو. و هو خَلَّصني مِن خَشم الأسَد.

عِبرانيين 2:4

و الله كَمان شِهِد بيهو مَعاهُم بِالعَلامات و العَجايِب و القُوّات المُختَلِفَه و هَدايات الرّوح القُدُس، الهو قَسَّمُم حَسَب إرَادَتو.

١ بُطْرُس 1:12

الله وَرّاهُم إنّو شُغلُم كان لِفايدَتكُم و ما لِفايدَة نُفوسُم. و هُم الخَبَروكُم عَن الحاجات السِّمِعتو هَسَّع مِن البَشَّروكُم بِالإنجيل بِالرّوح القُدُس المُرسَل مِن السَّما. المَلائكَه كَمان عاوِزين بِشِدَّه يَعرِفو عَن الحاجات ديل.