رُومِيَه 15:18 - كِتاب العَهد الجَّديد مِن الكِتاب المُقَدَّس

¹⁸ أنا بَخاف أتكَلَّم بِحاجَه إلّا العَمَلو المَسيح بي عَلَشان الأُمَم يَطيعو الله، بِالكِلمَه و العَمَل،

رُومِيَه 15:18 Iomraidhean Croise

مَتَّى 25:16

و هو القِبِل الخُمسُمِيَّة جِنيه مَشى طَوّالي و إشتَرى و تاجَر بيهو، و زادو بِخُمسُمِيَّة جِنيه تاني.

مَرْقُس 16:20

و لَكِن هُم مَرَقو، و بِشَّرو في كُلّو مَكان. و الرَّب كان يَشتَغِل مَعاهُم و يَثَبِّت الكِلمَه بِالعَلامات الكانَت تَمشي مَعاها.

أعمال الرُّسُل 14:27

و لَمَّن وِصلو، جَمَعو الكَنيسَه، و خَبَّرو بِكُلّو حاجَه الله عَمَل مَعاهُم، و كيف فَتَح لِلأُمَم باب الإيمان.

أعمال الرُّسُل 15:12

و كُل النّاس سَكَتو، و كانو يَسمَعو لِبَرْنَابَا و بُولُس و هُم يَقولو ليهُم كُل العَمَلو الله بِإيديهُم مِن العَلامات و العَجايِب.

أعمال الرُّسُل 15:4

و لَمَّن وِصلو لِأُورُشَلِيم، الكَنيسَه و الرُّسُل و الشُّيوخ قابَلَتُم. و خَبَّروهُم بِكُل العَمَلو الله مَعاهُم.

أعمال الرُّسُل 21:19

و بَعَد ما سَلّم عَليهُم، بُولُس كَلَّمُم مِن اول، لِآخِر، بِكُلّو حاجَه الله عَمَلا بين الأُمَم بِخِدمَتو.

أعمال الرُّسُل 26:20

لَكِن خَبَّرتَ في الأوَّل النّاس الفي دِمَشق، و بَعدين، ديل الفي أُورُشَلِيم و كُلّو مَحَلّات اليَهُودِيَّه، و بَعدين الأُمَم كَمان. و خَبَّرتُم أن يَتوبو و يَرجَعو لِلَّه، و يَعمِلو أعمال تِستَحِق التّوبَه.

رُومِيَه 1:5

و بِالمَسيح قِبِلنا نِعمَه و بِقينا رُسُل. و هَسَّع الله يَرَسِّلنا عَشان نَبَشِّر كُل الأُمَم فِشان هُم كَمان بِطيعوهو و بِآمِنو بيهو.

رُومِيَه 16:26

و لَكِن ظَهَر هَسَّع و خَبَّرو بيهو كُل الأُمَم بِالكُتُب النَّبَويَّه بِحَسَب الإلَه الأبَدي، عَشانُم يآمِنو و يَطيعوهو.

رُومِيَه 6:17

لَكِن شُكراً لِلَّه! إنتو الكُنتو خَدّامين لِلخَطيَّه قُبّال دا، طِعتو بِقُلوبكُم حَق التَّعليم القِبِلتوها.

٢ كُورِنْثُوس 11:31

الله أبو الرَّب يَسُوع، المُبارَك لِلأبَد، يَعرِف أنا ما بَكَضِّب.

٢ كُورِنْثُوس 12:6

عَشان إذا عاوِز أشكُر نَفسي، ما بَكون غَشيم، عَلَشان بَقول الحَق. لَكِن أبيت أسَوّي كِدا، عَلَشان واحِد ما يَفتَكِر فِيني فوق ما هو بِشوف فِيني و بِسمَع مِنّي.

٢ كُورِنْثُوس 3:5

نِحنا مُش كِفايَه مِن نُفوسنا عَشان نَفتَكِر أي شي مِن نُفوسنا. لَكِن عِندَنا قُدرَه مِن الله.

٢ كُورِنْثُوس 6:1

و نِحنا نَشتَغِل مَعاهو، و نَطلُب مِنَّكُم أن ما تَقبَلو نِعمَة الله بِدون فايدَه.

غَلَاطِيَّه 2:8

عَشان هو، العَمَل في بُطْرُس عَشان يَكون رَسول لِلمُطَهَّر، عَمَل فِيني كَمان عَشان أكون رَسول لِلأُمَم.

كُولُوسِّي 3:17

و كُل البِتَعمِلو، إذا بِكِلمَه ولّا عَمَل، أعمِلو الكُل بِإسم الرَّب يَسُوع، شاكِرين الله الأبو بيهو.

٢ تَسَالُونِيكِي 2:17

يَشَجِّع قُلوبكُم و يَثَبِّتكُم في كُلّو عَمَل و كَلام كوَيس.

عِبرانيين 11:8

بِالإيمان إِبْرَاهِيم، لَمّا الله ناداهو، طاع عَشان يَمرُق لِلمَحَل الهو ماشي ياخُدو ميراث. و هو مَرَق و ما عارِف هو ماشي وين.

عِبرانيين 5:9

و لَمّا كَمَّل شُغلو، هو بِقى سَبَب خَلاص أبَدي لِكُل البِطيعوهو.

يَعْقُوب 1:22

و لَكِن كونو عامِلين بِالكِلمَه، ما سامعين ليها بَس، و كِدا تَغِشّو نُفوسكُم.

١ يُوحَنَّا 3:18

يا أولادي، خَلّونا نَحِب، ما بِالكَلام، و لا بِاللِّسان، لَكِن بِالعَمَل و الحَق.

يَهُوذَا 1:9

و لَكِن مِخائيل، رَئيس المَلائكَه، لَمّا شاكَل إبْلِيس عَن جِسِم مُوسَى، خاف يَجيب حُكم بِشَتيمَه، لَكِن قال: ”الرَّب يَوَبِّخَك!“