رُومِيَه 14:15 - كِتاب العَهد الجَّديد مِن الكِتاب المُقَدَّس

¹⁵ إن كان أخوك يِتحَيَّر بِسَبَب أكل إنتَ تاكلو، إنتَ ما تَمشي بَعَد دا في المَحَبَّه. ما تَكَسِّر بِأكلَك داك، الزّول المات المَسيح فِشانو.

رُومِيَه 14:15 Iomraidhean Croise

رُومِيَه 13:10

المَحَبَّه ما تَعمِل شَر لِلقَريب. عَشان كِدا، المَحَبَّه تَكَمِّل القانون.

رُومِيَه 14:20

ما تَكَسِّر عَمَل الله عَلَشان الأكل. كُلّو شي نَضيف، لَكِن هو شَر لِلزّول الياكُل و يَكون سَبَب وقوع في خَطيَّه لِلتّانيين.

رُومِيَه 15:2

خَلّي كُلّو واحِد مِنَّنا يَبسِط قَرِيبو لِخيرو عَشان يَشَدِّدو.

١ كُورِنْثُوس 13:1

إذا كان بَتكَلَّم بِلُغات النّاس و المَلائكَه، و لَكِن ما عِندي مَحَبَّه، بِقيت زي جَرَس لَمّا واحِد يَدُقّو، ولّا نَحاس لَمّا الزّول يَضرُبو.

١ كُورِنْثُوس 8:1

هَسَّع عَن الأكل اليَضبَحوهو لِلأصنام. بِنَعرِف كُلُّنا عِندَنا مَعرِفَه. المَعرِفَه تَعمِل الزّول مِتكَبِّر، لَكِن المَحَبَّه تَبني.

غَلَاطِيَّه 5:13

يا أخوان، الله ناداكُم لِلحُرّيَّه. لَكِن ما تَسَوو الحُرّيَّه فُرصَه لِلجِّسِم، لَكِن أخدِمو بَعضَكُم بَعض بِالمَحَبَّه.

أفَسُس 5:2

و عيشو في المَحَبَّه، زي المَسيح حَبّانا و أدّا نَفسو عَشان خاطِرنا، تَقدِمَه و ضَبيحَه لِلَّه زي ريحَه كوَيسَه.

٢ بُطْرُس 2:1

و كانو بين النّاس أنبياء كاضِبين كَمان، زي ما بِكونو بينكُم مُعَلِّمين كاضِبين كَمان. و هُم بِجيبو بِالسِّر أفكار خَرابيَه، حَتّى يَنكُرو الرَّب الإشتَراهُم. و يَجيبو عَلى نُفوسُم خَراب سَريع.

١ يُوحَنَّا 2:2

و هو دَفَع عَن خَطايانا بِضَبيحَة نَفسو عَشان يَصالِحنا مَعَ الله. و هو دَفَع عَن خَطايا كُل الدُّنيا كَمان و مُش عَن خَطايانا بَس.