رُومِيَه 14:1 - كِتاب العَهد الجَّديد مِن الكِتاب المُقَدَّس

¹ و هو الضَّعيف في الإيمان، أقبَلوهو، و ما تَحكُمو الأفكار.

رُومِيَه 14:1 Iomraidhean Croise

مَتَّى 12:20

هو ما بِقطَع القَش المَكسور، و لا بِبَطِل نور اللَّمبَه الضَعيف، لِغايَة ما يَجيب العَدل لِلغَلَبَه.

مَتَّى 14:31

و طَوّالي، يَسُوع مَدَّ إيدو و مَسَك بيهو، و قال ليهو: ”يا قَليل الإيمان، لِشِنو ما صَدَّقتَ؟“

مَتَّى 18:10

شوفو، ما تابو تَحتَرِمو واحِد مِن الصُّغار ديل. عَشان أقول ليكُم، في السَّما مَلائكَتُم دايماً بِشوفو وَش أبوي الفي السَّما.

مَرْقُس 7:19

عَشان ما يَدخُل قَلبو، لَكِن بَطنو، و يَطلَع مِن جِسمو.“ و بِالكَلام دا، خَبَّر النّاس إنّو كُل الأكِل نَضيف.

لُوقَا 17:2

أحسَن ليهو إذا كان رَبَطو مُرحاكَه كَبيرَه في رَقَبتو و بِرموهو في البَحَر، مِن أن يَكون سَبَب الخَطيَّه لِواحِد مِن الصُّغار ديل.

يُوحَنَّا 13:20

الحَق الحَق أقول ليكُم، البِقبَل الزّول البَرَسِّلو، بِقبَلني. و البِقبَلني، بِقبَل الرَّسَّلني.“

أعمال الرُّسُل 28:2

و ناس الجَّزيرَه عَمَلو لينا مَعروف فوق العادَه، عَشان هُم وَلَّعو نار و قِبلو كُلُّنا، عَشان الدُّنيا كانَت مَطَرَه و كان في بَرد.

رُومِيَه 11:15

عَشان بِالرَّفَض بِتاعُم، النّاس في الدُّنيا بِقو مُصالِحين مَعَ الله. عَلى كِدا، قُبولُم بِكون شِنو إلّا حَياة مِن بين المَيِّتين؟

رُومِيَه 14:2

إيمان واحِد يَخَلِيهو ياكُل كُلّو حاجَه، لَكِن الضَّعيف بياكُل خُضارات بَس.

رُومِيَه 14:21

أحسَن ما تَاكُل لَحَم ولّا تَشرَب خَمرَه ولّا تَعمِل أي شي اليَعمِل أخوك يَقَع.

رُومِيَه 14:3

الزّول البياكُل كُلّو حاجَه ما يَحتَقِر الما بياكُل. و الزّول الما بياكُل كُلّو حاجَه ما يَحكُم عَلى البياكُل، عَشان الله قِبلو.

رُومِيَه 15:1

نِحنا، القَوّيين، لازِم نَشيل ضُعف الضَّعيفين، و ما نَبسِط نُفوسنا.

رُومِيَه 15:7

عَلَشان كِدا، أقبَلو بَعضَكُم بَعض، زي ما المَسيح قِبِلنا لِمَجد الله.

رُومِيَه 4:19

و هو ما كان ضَعيف في الإيمان لَمّا فَكَّر في جِسمو، الكان قَريب لِلموت. عَلَشان كان ليهو مِيَّة سَنَه تَقريباً. و إيمانو ما كان ضَعيف لَمّا فَكَّر في رَحِم سَارَه المَيِّت.

١ كُورِنْثُوس 9:22

لِلضَّعيفين بِقيت ضَعيف، عَشان أربَح الضَّعيفين. بِقيت لِكُل النّاس كُلّو حاجَه، عَشان أخَلِّص بِكُلّو طَرِيقَه بَعض مِن النّاس.

فيلِبّي 2:29

كِدا، أقبَلوهو في الرَّب بِكُلّو فَرَح. و إحتَرِمو ناس زيهو.

١ تَسَالُونِيكِي 5:14

و نَطلُب ليكُم، يا أخوان، حَزِّرو النّاس الكَسلانين، و شَدِّدو الخايفين، ساعِدو الضَّعيفين، و أصبُرو عَلى الكُل.

عِبرانيين 5:14

لَكِن الأكِل القَوّي هو ليهُم البِقو كامِلين و دايماً إستَعمَلو عَقلُم عَشان يَحكُمو بين الكَويس و البَطّال.

٢ يُوحَنَّا 1:10

إذا واحِد يَجيكُم و ما يَجيب التَّعليم دا، ما تَقبَلوهو في البيت و ما تَقولو ليهو ”سَلام.“