رُومِيَه 13:11 - كِتاب العَهد الجَّديد مِن الكِتاب المُقَدَّس

¹¹ و أعمِلو دا، و أفهَمو الوَكِت الحاضِر. السّاعَه جات عَشان تَقومو مِن النّوم. فِشان خَلاصنا هَسَّع قَريب مِن ما كان لَمّا آمَنّا في الأوَّل.

رُومِيَه 13:11 Iomraidhean Croise

مَتَّى 16:3

و في الصَّباح تَقولو: هَبوب بِتَجي، عَشان السَّما حَمرَه و الواطَه ضُلُمَّه. إنتو تَعرِفو كيف تَفهَمو وَش السَّما، لَكِن ما بِتَقدَرو تَفهَمو عَلامات الزَّمَن.

لُوقَا 21:28

و لَمّا الحاجات ديل يَبتَدو يَحصَلو، خَلّو بالكُم، و أرفَعو رُسينكُم. خَلاصكُم قَرَّب.“

١ كُورِنْثُوس 10:11

و كُل الحاجات دي حَصَلَت ليهُم زي مَثَل، لَكِن كانَت مَكتوبَه عَشان يَحَذِّرونا. عَشان نِحنا بِنعيش في الوَكِت لَمّا آخِر الزَّمَن قَرَّب.

١ كُورِنْثُوس 15:34

أرجَعو لِنُفوسكُم زي الواجِب، و ما تَعمِلو خَطيَّه. عَشان بَعض مِن النّاس ما عِندَهُم مَعرِفَه بِالله. بَقول داك عَشان أخَجِّلكُم.

أفَسُس 5:14

عَلَشان كِدا هو بِقول: ”أفتَح عُيونَك، إنتَ البِتنوم، و قوم مِن بين المَيِّتين، و المَسيح بِدّيك نور.“

يَعْقُوب 5:8

إنتو كَمان أصبُرو. كونو ثابتين في قُلوبكُم، فِشان الرَّب بِجي قَريب.

١ بُطْرُس 4:7

نِهايَة كُلّو حاجَه قَرَّبَت. عَلَشان كِدا، كونو عاقلين و أحرِسو لِلصَّلَوات.

٢ بُطْرُس 3:11

و ما دام كُل الحاجات دي بِتَهلِكو كِدا، ياتو نوع مِن النّاس لازِم تَكونو في مَشي مُقَدَّس و في خوف الله؟

٢ بُطْرُس 3:9

و الرَّب ما مِتأخِّر بِوَعدو زي ما بَعض مِن النّاس يَفتَكِرو. لَكِن هو عِندو صَبر عَليكُم، و ما عاوِز واحِد يَموت، لَكِن عاوِز الكُل يَجو لِلتّوبَه.

١ يُوحَنَّا 2:18

يا أولاد، دي السّاعَه الأخيرَه. و زي ما سِمِعتو ضِد المَسيح جاي، كِدا، هَسَّع جو كَتيرين مِن أضداد لِلمَسيح. بِدا بِنَعرِف دي السّاعَه الأخيرَه.

رؤيا 1:3

مُبارَك هو البِقرا و هُم البِسمَعو كِلمات النُّبوَّه دي، و يَحفَظو الحاجات المَكتوبَه فيها. عَشان الوَكِت قَريب.

رؤيا 22:10

و هو قال لَي: ”ما تَخُت خِتِم عَلى كِلمات نُبُوَّة الكِتاب دا، عَلَشان الوَكِت قَريب.

رؤيا 22:12

”شوف! أنا جاي قَريب! و أُجرَتي مَعاي عَشان أَدِّي لِكُلّو واحِد حَسَب أعمالو.

رؤيا 22:20

الشّاهِد بِالحاجات دي يَقول: ”أيوَه، أنا جاي قَريب.“ آمين! تَعال، يا رَب يَسُوع!