رُومِيَه 12:7 - كِتاب العَهد الجَّديد مِن الكِتاب المُقَدَّس

⁷ إذا هَديَّاتو الخِدمَه، خَليهو يَخدِم، ولّا التَعليم، خَليهو يَعَلِّم.

رُومِيَه 12:7 Iomraidhean Croise

مَتَّى 28:19

عَشان كِدا، أمشو و أعمِلو تَلاميذ مِن كُلّو ناس الدُّنيا. و عَمِّدوهُم بِإسم الأبو، و الإبن، و الرّوح القُدُس.

يُوحَنَّا 3:2

هو جا لِيَسُوع في اللّيل، و قال ليهو: ”نِحنا عارفين إنَّك جيت مُعَلِّم مِن الله. عَشان ما في واحِد يَقدَر يَعمِل العَلامات الأنتَ بِتَعمِلا، إذا الله ما مَعاهو.“

أعمال الرُّسُل 13:1

و في الكَنيسَه الفي أَنْطَاكِيَه أنبياء و مُعَلِّمين، و هُم بَرْنَابَا، و سِمْعَان الإسمو نِيجَر، و لوكيوس القَيْرَوَانِي، و مَناين الكان أخو لِهِيرُودُس رَئيس المُديرِيَّه، و شَاوُل.

أعمال الرُّسُل 20:20

و بِتَعرِفو أنا ما أبيت أبَشِّركُم بِأي حاجَه الفيها فايدَه ليكُم، لَكِن عَلَّمتَكُم قِدّام النّاس و في كُلّو بيت.

أعمال الرُّسُل 20:28

أحرِسو نُفوسكُم و كُل المُراح، العَمَلكُم الرّوح القُدُس فيهو وكَلاء، عَشان تَكونو رُعاه كَنيسَة الله الإشتَراها بِدَمّو.

أعمال الرُّسُل 6:1

و في الأيام ديلاك لَمَّن التَّلاميذ زادو، اليَهود البِتكَلَّمو اللُغَه الأغريقيَّه إشتَكو عَلى اليَهود الوَطَنيين عَلَشان ما كانو يِتذَكَّرو أرَامِلُم في التَّعيين كُلّو يوم.

١ كُورِنْثُوس 12:28

و الله خَتَّ في الكَنيسَه، الأوَّل رُسُل، التّاني أنبياء، التّالِت مُعَلِّمين، بَعدين عامِلين عَجايِب، بَعَد دا هَدايا الشِّفا، مُساعَدات، تَرتيبات، و أنواع اللُّغات.

١ كُورِنْثُوس 12:5

و في أنواع خِدمَه، و لَكِن الرَّب واحِد.

١ كُورِنْثُوس 14:26

و كِدا نَقول شِنو، يا أخوان؟ لَمّا تِتلَمّو، كُلّو واحِد مِنَّكُم عِندو مَزمور، ولّا عِندو تَعليم، ولّا عِندو رؤيا، ولّا عِندو لُغَه، ولّا عِندو تَرجَمَه. خَلّي كُلّو حاجَه تَكون لِلمُساعَدَه.

غَلَاطِيَّه 6:6

خَلّي أي واحِد البِتعَلَّم الكِلمَه يَدّي جُزو لِمُعَلِّمو مِن كُل الحاجات الكوَيسَه.

أفَسُس 4:11

و هو أدّا البَعض يَكونو رُسُل، و البَعض، أنبياء، و البَعض، مُبَشِّرين، و البَعض، رُعاه و مُعَلِّمين.

كُولُوسِّي 4:17

و قولو لِلأَرْخِبُّس: ”شوف الخِدمَه الأنتَ قِبِلتا مِن الرَّب، عَشان تَكَمِّلا.“

١ تِيمُوثَاوُس 2:7

و لِلقَصِد دا كُنتَ مُختار أكون مُبَشِّر و رَسول. (أنا بَقول الحَق و ما بَكَضِّب.) و أنا مُعَلِّم لِلأُمَم في الإيمان و الحَق.

١ تِيمُوثَاوُس 3:2

و المُلاحِظ لازِم يَكون بِدون عيب، راجِل عِندو مَرَه واحدَه، ماسِك نَفسو، عاقِل، مُحتِرَم، بِفتَح بيتو لِلغَريبين، بِقدَر يَعَلِّم.

١ تِيمُوثَاوُس 4:16

شوف نَفسَك كوَيس و التَعليم. إستَمِر في الحاجات ديل، عَلَشان إذا عَمَلتَ كِدا، بِتَخلَص نَفسَك و البِسمَعو ليك كَمان.

١ تِيمُوثَاوُس 5:17

الشُّيوخ البِقودو كوَيس أحسِبوهُم مُستَحِقّين لِإحتِرام مَرَّتين، و بِالأكتَر البِتعَبو في الكِلمَه و التَعليم.

٢ تِيمُوثَاوُس 2:2

و الحاجات السِّمِعتَ مِنّي قِدّام شاهِدين كُتار، سَلِّما لِرُجال أُمَنا البِقدَرو يَعَلِّمو التّانيين كَمان.

٢ تِيمُوثَاوُس 2:24

و خَدّام الرَّب ما لازِم يَشاكِل، لَكِن يَكون لَطيف مَعَ كُلّو زول، و بِقدَر يَعَلِّم بِالصَّبر.

٢ تِيمُوثَاوُس 4:2

بَشِّر بِالكِلمَه، و كون جاهِز في وَكتو و مُش في وَكتو، صَلِّح، و وَبِّخ، و شَجِّع بِكُلّو صَبر و تَعليم.