رُومِيَه 12:5 - كِتاب العَهد الجَّديد مِن الكِتاب المُقَدَّس

⁵ كِدا كَمان نِحنا الكَتيرين جِسِم واحِد في المَسيح، و أعضاء بَعَضَنا لِبَعض، كُلّو واحِد لِلتاني.

رُومِيَه 12:5 Iomraidhean Croise

يُوحَنَّا 17:11

أنا ما بَكون في الدُّنيا بَعَد دا، لَكِن هُم في الدُّنيا. و أنا جاي ليك. يا أبوي القُدّوس، أحفَظُم في إسمَك، الأدّيتُم لَي، عَشان يَكونو واحِد زي ما نِحنا واحِد.

رُومِيَه 12:4

نِحنا عِندَنا في جِسِم واحِد أعضاء كَتيرَه، و كُل الأعضاء ما عِندَهُم شُغل واحِد.

١ كُورِنْثُوس 10:17

عَلَشان في عيش واحِد، نِحنا، الكَتيرين، جِسم واحِد، عَشان كُلُّنا نَشتَرِك في العيش الواحِد.

١ كُورِنْثُوس 10:33

زي ما أنا كَمان أبسِط كُل النّاس في كُلّو شي. و ما بَطلُب البِكون لِفايدَة نَفسي، لَكِن البِكون لِفايدَة كَتيرين عَشان يَخلَصو.

١ كُورِنْثُوس 12:20

و كِدا، في أعضاء كَتيرَه، و لَكِن جِسِم واحِد.

١ كُورِنْثُوس 6:15

ما بِتَعرِفو أجسامكُم هُم أعضاء المَسيح؟ عَلَشان كِدا باخُد أعضاء المَسيح و أعمِلُم أعضاء زانيَه؟ أبَداً!

أفَسُس 1:23

و الكَنيسَه جِسمو الإتمَلا بيهو، و هو اليَملى كُلّو شي في كُلّو مَكان.

أفَسُس 4:12

و هو عَمَل دا عَلَشان القِدِّسين يَكونو كاملين في شُغل الخِدمَه، عَشان يَبنو جِسِم المَسيح.

أفَسُس 4:25

عَلَشان كِدا، أرمو مِنَّكُم الكِضِب، و إتكَلَّمو الحَق كُلّو واحِد مَعَ جارو، عَلَشان نِحنا أعضاء بَعَضَنا مَعَ بَعض.

أفَسُس 5:23

عَشان الرّاجِل هو راس المَرَه، زي ما المَسيح كَمان راس الكَنيسَه، و هو مُخَلِّص الجِّسِم.

أفَسُس 5:30

عَلَشان نِحنا أعضاء جِسمو.

كُولُوسِّي 1:24

و هَسَّع أنا مَبسوط بِأتعابي فِشانكُم. و أنا بَكَمِّل في جِسمي الحاجات النّاقصَه مِن ضيقات المَسيح. و بَعمِل دا فِشان جِسمو، الهو الكَنيسَه.

كُولُوسِّي 2:19

و هو ما ماسِك بِالمَسيح الرّاس. و كُل الجِّسِم مَربوط سَوا في المَسيح بِرُباطو و مَفاصِلو. و الجِّسِم يَكبَر زي ما الله يَعمِلو يَكبَر.