رُومِيَه 12:10 - كِتاب العَهد الجَّديد مِن الكِتاب المُقَدَّس

¹⁰ حِبّو بَعضَكُم بَعض بِمَحَبَّه زي أخوان. إحتَرِمو بَعضَكُم بَعض.

رُومِيَه 12:10 Iomraidhean Croise

مَتَّى 20:26

و لَكِن ما بِكون زي دا بينكُم. لَكِن العاوِز يَكون كَبير بينكُم لازِم يَكون خَدّامكُم.

لُوقَا 14:10

لَكِن لَمّا إنتَ مَعزوم، أمشي أقعُد في المَحَل الأخير، عَشان لَمّا العَزَمَك بِجي، يَقول ليك: يا صَحبي، إتفَضَّل قِدّام. و عَلى كِدا القاعِدين مَعاك في الطَّرَبيزَه بِحتَرِموك.

يُوحَنَّا 15:17

دا أمري، أن تَحِبّو بَعضَكُم بَعض.

يُوحَنَّا 17:21

أنا بَصَلّي عَشان كُلُّهُم بِكونو واحِد، زي ما إنتَ فِيني يا أبوي، و أنا فيك. و بَصَلّي كَمان عَشان هُم بِكونو فينا، فِشان ناس الدُّنيا بِآمِنو إنتَ رَسَّلتَني.

أعمال الرُّسُل 4:32

و كُل المؤمِنين كانو عِندَهُم قَلب واحِد و فِكر واحِد. و لا واحِد قال حاجَه مِن أموالو كانَت ليهو بَس، لَكِن كانو عِندَهُم كُلّو شي مَعَ بَعض.

رُومِيَه 13:7

أدفَعو لِكُلُّهُم الإنتو مَديونين ليهُم. أدفَعو الضَّرايب، و المَحصول. و إحتَرِمو و شَرِّفو كُلُّهُم.

غَلَاطِيَّه 5:13

يا أخوان، الله ناداكُم لِلحُرّيَّه. لَكِن ما تَسَوو الحُرّيَّه فُرصَه لِلجِّسِم، لَكِن أخدِمو بَعضَكُم بَعض بِالمَحَبَّه.

غَلَاطِيَّه 5:22

لَكِن ثِمار الرّوح، هو المَحَبَّه، و الفَرَح و السَّلام، و الصَّبر، و الرَّحمَه، و الصَّلاح، و الأمانَه،

غَلَاطِيَّه 5:6

عَشان في المَسيح يَسُوع، الطَّهور ما ليهو فايدَه، ولّا الما مُطَهَّر، لَكِن الإيمان البِشتَغِل بِالمَحَبَّه.

فيلِبّي 2:3

ما تَعمِلو أي شي بِمَحَبَّة النَّفس، ولّا بِكِبر. و لَكِن خُتّو نُفوسكُم تِحِت، و أحسِبو التّانيين أحسَن مِن نُفوسكُم.

كُولُوسِّي 1:4

عَلَشان نِحنا سِمِعنا بِإيمانكُم في المَسيح يَسُوع و مَحَبَّتكُم لِكُل القِدِّسين.

١ تَسَالُونِيكِي 4:9

لَكِن بِخُصوص المَحَبَّه لِلأخوان، إنتو ما مُحتاجين أن أكتِب ليكُم عَن دي. عَشان نُفوسكُم مِتعَلِّمين مِن الله أن تَحِبّو بَعضَكُم بَعض.

٢ تَسَالُونِيكِي 1:3

لازِم نَشكُر الله كُلّو وَكِت فِشانكُم، يا أخوان، زي ما يِستَحِق لينا، عَلَشان إيمانكُم بِيَكبَر كَتير جِدّاً، و مَحَبَّة كُلّو واحِد مِنَّكُم بَعضَكُم لِبَعض تَزيد.

عِبرانيين 13:1

خَلّو مَحَبَّة الأخوان تِستَمِر.

١ بُطْرُس 1:22

هَسَّع عَشان نَضَّفتو نُفوسكُم بِطاعَة الحَق لِمَحَبَّه مُخلِصَه لِلأخوان، حِبّو بَعضَكُم بَعض مَحَبَّه حارَّه مِن كُلّو قُلوبكُم.

١ بُطْرُس 2:17

إحتَرِمو كُل النّاس. حِبّو الأخوان. خافو الله. إحتَرِمو المَلِك.

١ بُطْرُس 5:5

يا شَباب، إنتو كَمان زي دا، طيعو الشُّيوخ. و كُلُّكُم، طيعو بَعضَكُم لِبَعض و ألبَسو توب التَّواضُع، عَشان: ”الله يَقاوِم المَتكَبِّرين، و لَكِن يَدّي المِتواضِعين نِعمَه.“

٢ بُطْرُس 1:7

و لِخوف الله حُب الأخوان، و لِحُب الأخوان المَحَبَّه.

١ يُوحَنَّا 4:11

يا مَحبوبين، إن كان الله حَبّانا كِدا، نِحنا كَمان واجِب عَلينا نَحِب بَعَضَنا بَعض.

١ يُوحَنَّا 4:20

إذا واحِد يَقول: ”أنا بَحِب الله،“ و بِكرَه أخوهو، هو كَضّاب. عَلَشان الما بِحِب أخوهو الشّافو، ما بِقدَر يَحِب الله الهو ما شافو.