رُومِيَه 1:30 - كِتاب العَهد الجَّديد مِن الكِتاب المُقَدَّس

³⁰ و يَشتِمو، و يَكرَهو الله، و يَرفَعو مَناخيرُم، و يَشكُرو نُفوسُم. و هُم نَفّاخين، مِفَكِّرين في طُرُق جَديدَه عَشان يَعمِلو الشَّر، ما يَطيعو والِدينُم،

رُومِيَه 1:30 Iomraidhean Croise

مَتَّى 15:4

عَشان الله قال: إحتَرِم أبوك و أُمَّك، و كَمان: أي واحِد البقول لَعنَه عَلى أبوهو ولّا أُمّو، لازِم يَكتُلوهو.

مَتَّى 16:21

مِن الوَكِت دا، يَسُوع المَسيح بَدا يَوَرّي تَلاميذو هو لازِم يَمشي لِأُورُشَلِيم و بِتعَب كَتير مِن الشُّيوخ و القُسُس الكُبار و مُعَلِّمين القانون، و بِيَكتُلوهو، و في اليوم التّالِت بِقوم.

لُوقَا 21:16

و الوالِدين و الأخوان و القَريبين و الأصحاب بِسَلِّموكُم. و بِكتُلو بَعض مِنَّكُم.

يُوحَنَّا 7:7

ناس الدُّنيا ما بِقدَرو يَكرَهوكُم، لَكِن يَكرَهوني أنا، عَشان أنا بَشهَد عَليهُم إنّو أعمالُم بَطّالَه.

أعمال الرُّسُل 5:36

عَشان قُبّال الأيام دي، قام توداس، القال عَن نَفسو، هو كَبير. و بَعض مِن الرُّجال إتلَمّو ليهو أُربُعمِيَّه تَقريباً. لَكِن هو كان مَكتول، و كُل المَشو وَراهو أتفَرتَقو، و كُلّو بِقو كَلام فاضي.

رُومِيَه 2:17

و شوف إنتَ بِتسَمّي نَفسَك يَهودي، و مِتَّكِل عَلى القانون و إنتَ بِقيت مِتكَبِّر و تَقول إنتَ تَعرِف الله.

رُومِيَه 2:23

إنتَ البِتمَجِّد القانون، إنتَ تَشتِم الله لَمّا تَكسِّر القانون؟

رُومِيَه 3:27

و كِدا، وين الكِبِر؟ ما في مَكان ليهو. و السَّبَب شِنو؟ عَشان نِحنا بِنطيع القانون؟ أبَداً! لَكِن عَشان بِنآمِن.

٢ كُورِنْثُوس 10:15

عَلَشانّا ما نَشكُر نُفوسنا بِدون قِياس بِأشغال ناس تانيين. لَكِن عِندَنا رَجاء إنّو زي ما إيمانكُم يِستَمِر يَزيد، كَمان شُغُلنا بينكُم بِزيد حَسَب قِياس خِدمَتنا.

٢ كُورِنْثُوس 12:20

أنا بَخاف لَمّا بَجي ليكُم ما بَلقاكُم زي ما أنا عاوِز، و إنتو ما تَلقوني زي ما إنتو عاوزين. أنا بَخاف إنّو بِتكون بينكُم شَكلات و حَسَد و زَعل و إنقِسامات و شَتايِم و وَسوَسَه و كِبِر و دَوشَه.

٢ تَسَالُونِيكِي 2:4

هو يَقاوِم و يَرفَع نَفسو فوق كُلّو حاجَه اليَسَموها إلَه ولّا يَعبُدوها، حَتّى هو يَقعُد في هيكَل الله و يَوَرّي نَفسو زي ما هو إلَه.

٢ تِيمُوثَاوُس 3:2

عَشان النّاس بِحِبّو نُفوسُم و بِحِبّو المال، بِحمَدو نُفوسُم، بِكونو مِتكَبِّرين، بِشتِمو، ما بِطيعُو والِدينُم، ما بِشكُرو، بِكونو وَسخانين،

تِيطُس 3:3

عَشان نِحنا كَمان كُنّا مِن قُبّال بَليدين، و ما طيعنا، و غَشّونا، و خَدَمنا شَهوات مُختَلِفَه و السُّرور. و كُنّا نَعيش في الفِكر البَطّال و الحَسَد، مَكروهين و كارِهين بَعَضَنا بَعض.

يَعْقُوب 3:5

كِدا كَمان اللِّسان، هو عُضو صَغَيِر، لَكِن يتكَلَّم بِكِبِر عَن حاجات عَظيمَه. شوفو كيف شوَيَة نار تَوَلِّع غابَه كَبيرَه.

يَعْقُوب 4:16

لَكِن هَسَّع بِتَشكُرو و بِتَرفَعو نُفوسكُم. كُلّو كِبِر زي دا شَرّير.

٢ بُطْرُس 2:18

عَشان هُم يِتكَلَّمو بِكِلمات مِتكَبِّرَه و فاضيَه. و يَغِشّو بِشَهوات الجِّسِم و الخَراب، النّاس القَرَّبو يَنجو مِن ديل البِعيشو في الغَلطَه.

يَهُوذَا 1:16

و ديل يَشتَكو و يَنَقنِقو، و هُم يَمشو حَسَب شَهوَاتُم. و خُشومُم يِتكَلَّمو بِكِلمات كِبِر، و يَشوفو الوشوش فِشان الفايدَه.