رُومِيَه 1:25 - كِتاب العَهد الجَّديد مِن الكِتاب المُقَدَّس

²⁵ عَشانُم غَيَّرو حَق الله بِالكِضِب، و عَبَدو و خَدَمو المَخلوق بِدال الخالِق، الهو مُبارَك لِلأبَد.

رُومِيَه 1:25 Iomraidhean Croise

مَتَّى 10:37

البِحِب أبوهو ولّا أُمّو أكتَر مِنّي ما مُستَحِقّني. و البِحِب وَلَدو ولّا بِتو أكتَر مِنّي ما مُستَحِقّني.

مَتَّى 6:24

واحِد ما يَقدَر يَخدِم سَيِّدين، عَشان يا بِكرَه الواحِد و بِحِب التّاني، ولّا بِمسِك الواحِد و بيابا التّاني. ما تَقدَرو تَخدِمو الله و المال.

يُوحَنَّا 2:8

و بَعدين قال ليهُم: ”كُبّو مِنّو شوَيَه، و قَدِّموهو لِرَئيس العَزومَه.“ و قَدَّمو ليهو.

رُومِيَه 1:18

عَشان الله بِبَيِّن غَضَبو مِن السَّما ضِد كُلّو شَر النّاس، و ذَنبُم، النّاس اليَمنَعو الحَق بِالذَّنب.

رُومِيَه 1:23

و غَيَّرو مَجد الله الأبَدي بِشَكل صورَة الإنسان البِموت، و طُيور، و حَيوانات، و دَبايب.

رُومِيَه 9:5

و ليهُم الأبَهات، و مِنَّهُم المَسيح بِحَسَب الجِّسِم، الهو فوق الكُل. الله مُبارَك لِلأبَد. آمين.

٢ كُورِنْثُوس 11:31

الله أبو الرَّب يَسُوع، المُبارَك لِلأبَد، يَعرِف أنا ما بَكَضِّب.

أفَسُس 3:21

ليهو المَجد في الكَنيسَه و في يَسُوع المَسيح لِلأبَد و لِلزَّمَن بِدون نِهايَه! آمين.

١ تَسَالُونِيكِي 1:9

عَلَشان هُم نُفوسُم يَخَبِّرو كيف قِبِلتونا، و كيف رَجَعتو لِلَّه مِن الأصنام عَشان تَخدِمو الله الحَي الحَقيقي.

١ تِيمُوثَاوُس 1:11

البِكون حَسَب إنجيل مَجد الله المُبارَك، الهو أدّاني زي أمانَه.

١ تِيمُوثَاوُس 1:17

و لِلمَلِك الأبَدي، الما بِموت، الما نَقدَر نَشوفو، الإلَه الوَحيد، ليهو الإحتِرام و المَجد لِلأبَد. آمين.

٢ تِيمُوثَاوُس 3:4

و هُم خايِنين، جَرّايين، مُحِبّين نُفوسُم، بِحِبّو السُّرور لَكِن ما بِحِبّو الله.

١ يُوحَنَّا 5:20

و بِنَعرِف إبن الله جا و أدّانا فَهم عَشان نَعرِف هو الحَق. و نِحنا في الحَق، يَعني في إبنو يَسُوع المَسيح. دا هو الإلَه الحَقيقي و الحَياة الأبَديَّه.