رُومِيَه 1:16 - كِتاب العَهد الجَّديد مِن الكِتاب المُقَدَّس

¹⁶ أنا ما خَجلان مِن الإنجيل، عَشان هو قُوَّة الله عَشان يَخَلِّص كُل البِآمِنو، لِليَهود في الأوَّل، و بَعدين لِناس إغريقيين.

رُومِيَه 1:16 Iomraidhean Croise

مَرْقُس 8:38

الزّول البِكون خَجلان مِنّي، و مِن كَلامي بين ناس الزَّمَن الزّاني الخاطي دا، إبن الإنسان بِكون خَجلان مِنّو كَمان، لَمّا بِجي في مَجد أبوهو مَعَ المَلائكَه المُقَدَّسين.“

لُوقَا 9:26

عَشان إذا واحِد يَكون خَجلان مِنّي و مِن كَلامي، إبن الإنسان بِكون خَجلان مِنّو وَكِت ما يَجي في مَجدو و في مَجد الأبو و المَلائكَه المُقَدَّسين.

يُوحَنَّا 7:35

اليَهود قالو الواحِد لِلتاني: ”الرّاجِل دا عاوِز يَمشي وين حَتّى نِحنا ما ماشين نَلقاهو؟ هو عاوِز يَمشي لِشَعبنا السّاكنين في اليونان و يَعَلِّم اليونانيين؟

أعمال الرُّسُل 3:26

عَشان الله بَعَد ما قَوَّم خَدّامو، رَسَّلو ليكُم في الأوَّل، فِشان يَبارِكُم و يَرَجِّع كُلّو واحِد مِنَّكُم مِن خَطاياهو.“

رُومِيَه 10:17

عَلَشان كِدا، الإيمان يَجي مِن الخَبَر، و الخَبَر بِكِلمَة المَسيح.

رُومِيَه 15:19

بِقوَّة العَلامات و العَجايِب، بِقوَّة الرّوح القُدُس. كِدا بَشَّرتَ بِالتَّمام بِإنجيل المَسيح مِن أُورُشَلِيم و الحَواليها لِإِلِّيرِيكُون.

رُومِيَه 15:29

أنا بَعرِف لَمّا أجي ليكُم، بَجي ليكُم بِبَرَكَه كاملَه مِن المَسيح.

رُومِيَه 2:9

التَّعب و الضّيق عَلى كُلّو إنسان بِعمِل الشَّر، عَلى اليَهودي في الأوَّل، و بَعدين عَلى الإغريقي.

رُومِيَه 4:11

و أخَد عَلامَة الطَّهور زي خِتِم لِلبِر الكان عِندو بِإيمان لَمّا هو لِسَّع ما كان مُطَهَّر. و بِدا بِقى أبو لِكُل البِآمِنو و هُم لِسَّع ما مُطَهَّرين، عَلَشان يَحسِبو ليهُم البِر كَمان.

١ كُورِنْثُوس 15:2

و بِالإنجيل دا تَخلَصو إذا كُنتو تَمسِكو بِالكَلام البَشَّرتَكُم بيهو، إذا ما آمَنتو بِدون فايدَه.

١ كُورِنْثُوس 2:2

عَشان ما كانَت إرادَتي أن أعرِف أي حاجَه بينكُم إلّا يَسُوع المَسيح و هو مَصلوب.

١ كُورِنْثُوس 2:4

و كَلامي و بِشارَتي ما كانو بِكَلام حَسَب حِكمَة الإنسان الفَهيم، لَكِن بِبيّنَة الرّوح و القُوَّه،

١ كُورِنْثُوس 9:12

إذا كان تانيين شُرَكا في السُّلطَه عَليكُم، مُش نِحنا في الأوَّل؟ لَكِن ما نَشتَغِل بِالسُّلطَه دي، لَكِن عِندَنا صَبر عَلى كُلّو شي عَشان ما نَخُت مانِع لِإنجيل المَسيح.

١ كُورِنْثُوس 9:18

عَلَشان كِدا أُجرَتي شِنو؟ وَكِت ما أبَشِّر، بَدّي إنجيل المَسيح مَجّاناً، و ما بَشتَغِل بِسُلطَتي في الإنجيل.

٢ كُورِنْثُوس 2:12

و لَمّا مَشيت لِتَرُوَاس عَشان أبَشِّر بِإنجيل المَسيح، أنا لِقيت إنّو الرَّب كان فَتَح باب لَي.

٢ كُورِنْثُوس 4:4

و إلَه الزَّمَن دا عَمَل أفكار الما مؤمِنين عَميانين، عَلَشان ما بِقدَرو يَشوفو نور إنجيل مَجد المَسيح الهو صورَة الله.

٢ كُورِنْثُوس 9:13

و عَلَشان إنتو بِيَّنتو نُفوسكُم بِالخِدمَه دي، ناس كُتار بِشكُرو الله عَلَشان طاعَتكُم و شَهادَتكُم لِإنجيل المَسيح، و عَلَشان الهَدِيَّه الكَبيرَه القَسَّمتوها ليهُم و لِلكُل.

غَلَاطِيَّه 1:7

بِالحَق ما في إنجيل تاني. لَكِن بَعض مِن النّاس يَلَخبِتكُم، و بِدورو يَغَيِّرو إنجيل المَسيح.

١ تَسَالُونِيكِي 2:13

و نِحنا كَمان نَشكُر الله دايماً لِلسَّبَب دا. لَمّا أخَدتو كِلمَة الله السِّمِعتو مِنَّنا، قِبِلتوها مُش زي كِلمَة النّاس، لَكِن زي ما هي بِالحَقيقَه، كِلمَة الله. و الكِلمَه دي تَشتَغِل فيكُم، إنتو المؤمِنين كَمان.

١ تِيمُوثَاوُس 1:11

البِكون حَسَب إنجيل مَجد الله المُبارَك، الهو أدّاني زي أمانَه.

٢ تِيمُوثَاوُس 1:12

و لِلسَّبَب دا كَمان أتحَمَّل الحاجات دي. و لَكِن أنا ما بَخجَل، عَلَشان انا بَعرِف الآمَنتَ بيهو، و أنا مِتأكِّد هو بِقدَر يَحفَظ السَّلَّمتو ليهو لِغايَة اليوم داك.

٢ تِيمُوثَاوُس 1:16

و الرَّب يَدّي رَحمَه لِبيت أُونِيسِيفُورُس عَلَشانّو مَرّات كَتيرَه أدّاني راحَه، و ما خَجَل مِن جَنازِيري.

٢ تِيمُوثَاوُس 1:8

عَشان كِدا، ما تَخجَل بِشَهادَة رَبَّنا، ولّا بي، أنا مَحبوس و. لَكِن أشتَرِك في الأتعاب فِشان الإنجيل بِحَسَب قُوَّة الله.

عِبرانيين 4:12

عَشان كِلمَة الله حَيَه و نَشيطَه، و سنينا مِن كُلّو سيف العِندو طَرفين. و هي تَقطَع حَتّى تَقَسِّم النَّفس و الرّوح، و المَفاصِل و المُخ، و تَحكُم في أفكار القَلِب و إرَادَتو.

١ بُطْرُس 4:16

و لَكِن إذا إتوَجَّعتَ زي مَسيحي، ما تَخجَل، لَكِن أحمَد الله عَشان خاطِر الإسم دا.