رؤيا 9:21 - كِتاب العَهد الجَّديد مِن الكِتاب المُقَدَّس

²¹ و هُم ما تابو عَشان كَتَلو النّاس ولّا مِن سِحِرُم ولّا مِن زِناهُم ولّا مِن سِرقَتُم.

رؤيا 9:21 Iomraidhean Croise

مَتَّى 15:19

عَشان مِن القَلب يَجو الأفكار البَطّالَه، و الكَتل، و الزِّنا، و الأخلاق البَطّالَه، و السِّرقَه، و الشَّهادَه الكَضّابَه، و الشَّتيمَه.

٢ كُورِنْثُوس 12:21

و أنا بَخاف لَمّا بَجي ليكُم تاني مَرَّه، إلَهي بِنَزِّلني قِدّامكُم. و بَكون حَزنان عَلى ناس كُتار العَمَلو خَطيَّه قُبّال دا، و ما تابو عَن الحاجات العَمَلوها مِن النَّجاسَه و الزِّنا و السَّفاهَه.

غَلَاطِيَّه 5:20

و عِبادَة الأصنام، و السَّحِر، و العَداوَه، و الخُصومَه، و الحَسَد، و الغَضَب، و مَحَبَّة النَّفس، و الشَّكلات، و الأقسام،

رؤيا 13:13

و هو يَعمِل عَلامات عَظيمَه، حَتّى يَنَزِّل نار مِن السَّما لِلأرض قِدّام النّاس.

رؤيا 13:15

و أدّو ليهو أن يَدّي روح لِصَنَم الوَحَش عَشان يتكَلَّم، و يَعمِل كُل النّاس الما بِيَعبُدو صَنَم الوَحَش يَكونو مَكتولين.

رؤيا 13:7

و أدّو ليهو أن يَحارِب القِدِّسين و يَغلِبُم. و أدّو ليهو سُلطَه عَلى كُلّو قَبيلَه و شَعب و لُغَه و أُمَّه.

رؤيا 14:8

و مَلاك تاني تَبَعو و يَقول: ”وَقَعَت! وَقَعَت بابِل المَدينَه الكَبيرَه، العَمَلَت كُل الأُمَم يَشرَبو مِن خَمر غَضَب زِناها.“

رؤيا 16:6

عَلَشان هُم كَبّو دَم القِدِّسين و الأنبياء، و إنتَ أدّيتُم دَم عَشان يَشرَبو، عَلَشان هُم مُستَحِقّين!“

رؤيا 17:2

و مُلوك الأرض عَمَلو زِنا مَعاها، و السّاكنين عَلى الأرض سَكَرو مِن خَمر زِناها.“

رؤيا 17:4

و المَرَه كانَت لابِسَه بَنَفسَجي و أحمَر، و مَزيَنَه بِالدَّهَب و الحُجار الغاليَه و اللّولي. و عِندَها فِنجان مِن دَهَب في إيدا، مَليان مِن الحاجات الشَّرّيرَه و النَّجسَه بِتاعَت زِناها.

رؤيا 17:5

و مَكتوب عَلى جَبهَتا إسم سِرّي: ”بابِل العَظيمَه، أُم الزّانين و الحاجات المَكروهَه في الأرض.“

رؤيا 18:3

عَشان كُل الأُمَم شِرِبو مِن خَمر غَضَب زِناها. و مُلوك الأرض زَنو مَعاها، و تُجّار الأرض بِقو غَنيين مِن قُوَّة حاجاتا النّاعِمَه.“

رؤيا 19:2

عَشان أحكامو حَق و عادِلَه. هو دان الزّانيَه العَظيمَه، الخَرَبَت الأرض بِزِناها، و إنتَقَم لِدَم خَدّامينو مِن إيدا.“

رؤيا 21:8

لَكِن الخَوافين و الما مؤمِنين و المَكروهين و الكاتِلين و الزّانيين و البيَعمِلو السِّحِر و البِيَعبُدو الأصنام و كُل الكَضّابين، مَحَلُّم بِكون في البِركَه المَوَلَّعَه بِالنّار و الكِبريت. و دا هو الموت التّاني.“

رؤيا 22:15

عَشان بَرَّه في الكِلاب و البيَعمِلو السِّحِر و الزّانيين و الكاتِلين و البِيَعبُدو الأصنام، و كُلّو واحِد البِحِب الكِضِب و بِشتَغِل بيهو.

رؤيا 9:20

و باقي النّاس الما كانو مَكتولين بِالضَّرَبات دي لِسَّع ما تابو مِن أعمال إيدينُم. و هُم إستَمَرّو يَعبُدو الشّياطين و الأصنام الدَّهَبي و الفِضَّه و النَّحاس الأصفَر و الحَجَر و الخَشَب. و الأصنام ديل ما بِقدَرو يَشوفو ولّا يَسمَعو ولّا يَمشو.