رؤيا 9:18 - كِتاب العَهد الجَّديد مِن الكِتاب المُقَدَّس

¹⁸ و تِلت النّاس كانو مَكتولين بِالتّلاتَه ضَرَبات دي، النّار و الدُّخان و الكِبريت الجّو مِن خُشومُم.

رؤيا 9:18 Iomraidhean Croise

رؤيا 8:10

و المَلاك التّالِت ضَرَب بِالبوق، و نَجمَه كَبيرَه وَقَعَت مِن السَّما، مَوَلَّعَه زي فانوس. و وَقَعَت عَلى تِلت البِحار و عَلى عُيون المويَه.

رؤيا 8:11

و إسم النَّجمَه مَرارَه. و تِلت المويَه كُلَّها بِقَت مُرَّه، و ناس كُتار ماتو مِن المويَه عَلَشان بِقَت مُرَّه.

رؤيا 8:12

و المَلاك الرّابِع ضَرَب بِالبوق، و تِلت الشَّمِش إنضَرَب، و تِلت القَمَر، و تِلت النُّجوم كَمان. و عَلَشان كِدا، تِلت مِنَّهُم بِقى مَضَلِّم. و تِلت مِن النَّهار كان بِدون نور، و تِلت مِن اللّيل كَمان.

رؤيا 8:7

و المَلاك الأوَّل ضَرَب بِالبوق، و جا بَرَد و نار مَلَخبَتَه بِدَم، و رَموهُم عَلى الأرض. و تِلت مِن الأرض كُلَّها إنحَرَق، و تِلت الشَّجَر إنحَرَق، و كُلّو قَش أخدَر إنحَرَق.

رؤيا 8:8

و المَلاك التّاني ضَرَب بِالبوق، و حاجَه زي جَبَل كَبير مَوَلَّع بِالنّار إترَمَت في البَحَر. و تِلت البَحَر بِقى دَم.

رؤيا 8:9

و تِلت المَخلوقات الفي البَحَر ماتو، و خَرَبو تِلت المَراكِب.

رؤيا 9:15

و فَكّو الأربَعَه مَلائكَه. و هُم كانو مَجَهَّزين لِلسّاعَه و اليوم و الشَّهَر و السَّنَه عَلَشان يَكتُلو تِلت النّاس.

رؤيا 9:17

و كِدا في الرّؤيَه شُفتَ الحَصين و الرّاكبين فوقُم: ديل كانو عِندَهُم دُروع، و لون الدُّروع زي النّار و أزرَق غامِق و أصفَر زي الكِبريت. و روسين الحَصين كانو زي روسين الأُسود، و مَرَقو مِن خُشومُم نار و دُخان و كِبريت.

رؤيا 9:19

عَشان قُوَّة الحَصين في خُشومُم و في أضنابُم. عَشان أضنابُم زي الدَّبايب، و بِروسينُم بِضُرّو.