رؤيا 8:8 - كِتاب العَهد الجَّديد مِن الكِتاب المُقَدَّس

⁸ و المَلاك التّاني ضَرَب بِالبوق، و حاجَه زي جَبَل كَبير مَوَلَّع بِالنّار إترَمَت في البَحَر. و تِلت البَحَر بِقى دَم.

رؤيا 8:8 Iomraidhean Croise

مَرْقُس 11:23

أقول ليكُم الحَق، أي زول اليَقول لِلجَّبَل دا: أمرُق، و أرمي نَفسَك في البَحَر، و هو ما بِشِك في قَلبو، لَكِن يَصَدِّق الهو يَقولو يَحصُل، دا بِكون عِندو.

رؤيا 11:6

و الراجلين ديل عِندَهُم سُلطَه يَقفِل السَّما، عَشان المَطَر ما بِنزِل في الأيام لَمّا يِتنَبّو فيها. و عِندَهُم سُلطَه فوق المويَه عَشان يَغَيِّروها لِدَم، و عَشان يَضرُبو الأرض بِكُلّو ضَربَه مَرّات كَتيرَه زي ما بِدورو.

رؤيا 12:4

و ضَنَبو يَجُر تِلت مِن نُجوم السَّما، و رَماهُم لِلأرض. و التّنين وَقَف قِدّام المَرَه القَرَّبَت تَلِد، عَشان يَبلَع وَلَدا لَمّا وِلدَت.

رؤيا 8:7

و المَلاك الأوَّل ضَرَب بِالبوق، و جا بَرَد و نار مَلَخبَتَه بِدَم، و رَموهُم عَلى الأرض. و تِلت مِن الأرض كُلَّها إنحَرَق، و تِلت الشَّجَر إنحَرَق، و كُلّو قَش أخدَر إنحَرَق.

رؤيا 9:15

و فَكّو الأربَعَه مَلائكَه. و هُم كانو مَجَهَّزين لِلسّاعَه و اليوم و الشَّهَر و السَّنَه عَلَشان يَكتُلو تِلت النّاس.

رؤيا 9:18

و تِلت النّاس كانو مَكتولين بِالتّلاتَه ضَرَبات دي، النّار و الدُّخان و الكِبريت الجّو مِن خُشومُم.