رؤيا 8:3 - كِتاب العَهد الجَّديد مِن الكِتاب المُقَدَّس

³ بَعدين، تاني مَلاك جا و وَقَف عِند المَضبَح، و كان عِندو حَلَّه مِن دَهَب. و أدّو ليهو بَخور كَتير عَشان يَقَدِّمو مَعَ كُلّو صَلَوات القِدِّسين عَلى المَضبَح الدَّهَبي قِدّام الكُرسي.

رؤيا 8:3 Iomraidhean Croise

لُوقَا 1:10

و النّاس كُلُّهُم كانو بِصَلّو بَرَّه ساعَة البَخور.

رُومِيَه 8:34

مِنو البِحكُم عَليهُم؟ المَسيح يَسُوع يَطلُب فِشانّا، و هو المات، لَكِن بِالأكتَر قام مِن بين المَيِّتين، و هو عَن يَمين الله.

عِبرانيين 7:25

عَلَشان كِدا، هو بِقدَر يَخَلِّص بِالتَّمام ديل اليَقَرِّبو بيهو لِلَّه، عَلَشان هو دايماً يَعيش عَشان يِتوَسَّط ليهُم.

عِبرانيين 9:4

و فيهو مَضبَح البَخور مِن دَهَب و تابوت الإتِّفاق، المُغَطّى مِن كُلّو جَمب بِالدَّهَب. و فيهو حَلَّه مِن الدَّهَب، فيها المَنّا، و عَصايَه هارون الجّابَت أوراق، و لوح الإتِّفاق.

رؤيا 10:1

و بَعدين شُفتَ مَلاك تاني قَوّي نازِل مِن السَّما. هو كان مَلفوف بِسَحابَه، و عَلى رَاسو قوس سَحاب. و وَشّو زي الشَّمِش، و كِرعينو زي عَمودين مِن نار.

رؤيا 14:18

بَعدين مَلاك تاني مَرَق مِن المَضبَح. و هو كان عِندو سُلطَه عَلى النّار. و نادى المَلاك العِندو المَنجَل السَّنين بِصوت عالي يَقول: ”أرمي مَنجَلَك السَّنين، و لِم عَناقيد العِنَب مِن كَرم الأرض، عَشان عِنَبا بِقى نَجيض.“

رؤيا 5:8

و لَمّا أخَد الكِتاب، الأربَعَه حَيوانات وَقَعو قِدّام الحَمَل، و كِدا الأربَعَه و عِشرين شيخ كَمان. و كُلّو واحِد مِنَّهُم كانَت عِندو رَبابَه و حَلَّه مِن دَهَب، مَليانَه بَخور، و هو صَلَوات القِدِّسين.

رؤيا 6:9

و لَمّا فَتَح الخِتِم الخامِس، شُفتَ تِحِت المَضبَح، نُفوس النّاس الكانو مَكتولين عَشان خاطِر كِلمَة الله، و فِشان الشَّهادَه الكانَت عِندَهُم.

رؤيا 7:2

و شُفتَ مَلاك تاني يَطلَع مِن طُلوع الشَّمِش، و مَعاهو خِتِم الله الحَي. و هو نادى بِصوت عالي لِلأربَعَه مَلائكَه. و الله أدّاهُم القُوَّه عَشان يَضُرّو الأرض و البَحَر.

رؤيا 8:4

و دُخان البَخور مَعَ صَلَوات القِدِّسين طَلَع قِدّام الله مِن إيد المَلاك.

رؤيا 8:5

و المَلاك أخَد الحَلَّه و مَلأ مِن نار المَضبَح و رَماها عَلى الأرض. و كانو في رُعود و أصوات و بُروق و زَلزَلَه.

رؤيا 9:13

و بَعدين المَلاك السّادِس ضَرَب بِالبوق، و سِمِعتَ صوت جاي مِن الأربَعَه قُرون بِتوع المَضبَح الدَّهَبي القِدّام الله.