رؤيا 7:2 - كِتاب العَهد الجَّديد مِن الكِتاب المُقَدَّس

² و شُفتَ مَلاك تاني يَطلَع مِن طُلوع الشَّمِش، و مَعاهو خِتِم الله الحَي. و هو نادى بِصوت عالي لِلأربَعَه مَلائكَه. و الله أدّاهُم القُوَّه عَشان يَضُرّو الأرض و البَحَر.

رؤيا 7:2 Iomraidhean Croise

مَتَّى 16:16

سِمْعَان بُطْرُس رَدَّ عَليهو و قال: ”إنتَ المَسيح، إبن الله الحَي!“

مَتَّى 26:63

و لَكِن يَسُوع سَكَت. و رَئيس القُسُس قال ليهو: ”آمُرَك أن تَحلِف بِالله الحَي، قول لينا إذا إنتَ المَسيح، إبن الله.“

يُوحَنَّا 6:27

ما تَشتَغِلو لِلأكل البِخسَر، لَكِن لِلأكِل البِستَمِر لِلحَياة الأبَديَّه. و إبن الإنسان بِدّي ليكُم، عَشان الله الأبو ثَبَّتو.“

٢ كُورِنْثُوس 1:22

و خَتَّ الخِتِم عَلينا، و خَتَّ الرّوح بِتاعو في قُلوبنا زي عَربون.

أفَسُس 1:13

و إنتو كَمان إتَّكَلتو عَلى المَسيح لَمّا سِمِعتو كِلمَة الحَق، إنجيل خَلاصكُم. و لَمّا آمَنتو بيهو، الله خَتَّ عَليكُم خِتِم، الرّوح القُدُس، الوَعَد بيهو.

أفَسُس 4:30

ما تَعمِلو روح الله القُدّوس حَزنان، عَشان بيهو الله خَتَّ عَليكُم الخِتِم لِغايَة يوم الفِداء.

١ تَسَالُونِيكِي 1:9

عَلَشان هُم نُفوسُم يَخَبِّرو كيف قِبِلتونا، و كيف رَجَعتو لِلَّه مِن الأصنام عَشان تَخدِمو الله الحَي الحَقيقي.

٢ تِيمُوثَاوُس 2:19

و لَكِن أساس الله الثّابِت يَقوم، و فوقو الخِتِم دا: ”الرَّب بِيَعرِف النّاس بِتاعو،“ و: ”كُلّو واحِد البِعتَرِف بِإسم الرَّب لازِم يَكون بَعيد مِن الخَطيَّه.“

عِبرانيين 12:22

لَكِن إنتو قَرَبتو لِجَبَل صِهيون، لِمَدينَة الله الحَي، أُورُشَلِيم السَّماويَّه، و لِجَماعات عَشَرَة آلاف مِن المَلائكَه، و لِإجتِماع،

رؤيا 1:3

مُبارَك هو البِقرا و هُم البِسمَعو كِلمات النُّبوَّه دي، و يَحفَظو الحاجات المَكتوبَه فيها. عَشان الوَكِت قَريب.

رؤيا 10:1

و بَعدين شُفتَ مَلاك تاني قَوّي نازِل مِن السَّما. هو كان مَلفوف بِسَحابَه، و عَلى رَاسو قوس سَحاب. و وَشّو زي الشَّمِش، و كِرعينو زي عَمودين مِن نار.

رؤيا 10:4

و لَمّا السَّبعَه رُعود إتكَلَّمو، أنا قَرَّبتَ أكتِب. لَكِن سِمِعتَ صوت مِن السَّما يَقول: ”خُت خِتِم عَلى الحاجات السَّبعَه رُعود إتكَلَّمو بيها، و ما تَكتِبا.“

رؤيا 16:12

و المَلاك السّادِس كَبَّ حَلَّتو عَلى البَحَر الكَبير، الفُرات. و البَحَر بِقى يابِس، عَشان يَجَهِّز سِكَّه لِلمُلوك البِجو مِن الشَّرق.

رؤيا 5:2

و شُفتَ مَلاك قَوّي يَنادي بِصوت عالي: ”مِنو يَكون مُستَحِق يَفتَح الكِتاب و يَفِك أختامو؟“

رؤيا 8:3

بَعدين، تاني مَلاك جا و وَقَف عِند المَضبَح، و كان عِندو حَلَّه مِن دَهَب. و أدّو ليهو بَخور كَتير عَشان يَقَدِّمو مَعَ كُلّو صَلَوات القِدِّسين عَلى المَضبَح الدَّهَبي قِدّام الكُرسي.

رؤيا 9:14

و هو قال لِلمَلاك السّادِس العِندو البوق: ”فِك الأربَعَه مَلائكَه المَربوطين عِند الفُرات، البَحَر الكَبير.“

رؤيا 9:4

و قالو ليهُم أن ما يَضُرّو قَش الأرض ولّا أي شي أخدَر ولّا أي شَجَرَه، إلّا النّاس الما عِندَهُم خِتِم الله عَلى جَبهاتُم.