رؤيا 7:13 - كِتاب العَهد الجَّديد مِن الكِتاب المُقَدَّس

¹³ و واحِد مِن الشُّيوخ إتكَلَّم و قال لَي: ”مِنو ديل اللابسين التّيبان البيضَة، و هُم جو مِن وين؟“

رؤيا 7:13 Iomraidhean Croise

يُوحَنَّا 7:28

لَمّا يَسُوع كان قاعِد بِعَلِّم في الهيكَل، هو نادى و قال: ”إنتو كُلُّكُم تَعرِفوني، و تَعرِفو مِن وين أنا جيت. أنا ما جيت مِن نَفسي. لَكِن الرَّسَّلني هو حَق، و إنتو ما بِتَعرِفوهو.

أعمال الرُّسُل 3:12

و لَمّا بُطْرُس شاف دا، قال لِلنّاس: ”يا رُجال إِسْرَائِيل، مالكُم تِستَغرَبو مِن دا؟ و لِشِنو تَعاينو لينا زي نِحنا عَمَلنا الرّاجِل دا يَمشي بِقُوَّتنا ولّا عَشان نِحنا قِدِّيسين؟

رؤيا 3:4

لَكِن عِندَك في ساردِس ناس قَليلين و هُم ما نَجَّسو هِدُومُم. و هُم بِيَمشو مَعاي في هِدوم أبيَض، عَشان هُم مُستَحِقّين.

رؤيا 4:10

و لَمّا بيَعمِلو كِدا، الأربَعَه و عِشرين شيخ يَقَعو قِدّام القاعِد عَلى الكُرسي. و هُم يَعبُدو اليَعيش لِلأبَد. و يَرمو تيجانُم قِدّام الكُرسي و يَقولو:

رؤيا 4:4

و كانو في حَول الكُرسي أربَعَه و عِشرين كُرسي. و شُفتَ عَلى الكَراسي أربَعَه و عِشرين شيخ لابسين هِدوم أبيَض، و عَلى روسينُم تيجان مِن دَهَب.

رؤيا 5:11

و شُفتَ و سِمِعتَ صوت مَلائكَه كَتيرين حَول الكُرسي و الحَيوانات و الشُّيوخ. و كان عَدَدُم عَشَرَة آلاف في عَشَرَة آلاف و آلاف آلاف.

رؤيا 5:5

و واحِد مِن الشُّيوخ قال لَي: ”ما تَبكي! شوف، الأسَد المِن قَبيلَة يَهُوذَا، عِرق دَاوُد، هو غَلَب عَشان يَفتَح الكِتاب و أختامو السَّبعَه.“

رؤيا 7:9

و بَعَد دا عايَنتَ، و شوف! كانو في ناس كُتار، و واحِد ما يَقدَر يَحسِبُم. و هُم كانو مِن كُل الأُمَم و القَبايل و الشُّعوب و اللُّغات. و كانو واقفين قِدّام الكُرسي و قِدّام الحَمَل. و هُم لابسين تيبان بيضَة و في إيدينُم فُروع النَّخَل.