رؤيا 6:12 - كِتاب العَهد الجَّديد مِن الكِتاب المُقَدَّس

¹² و شُفتَ لَمّا فَتَح الخِتِم السّادِس. و كانَت في زَلزَلَه كَبيرَه. الشَّمِش بِقَت سودَه زي شَوال أسوَد، و القَمَر كُلّو بِقى زي الدَّم.

رؤيا 6:12 Iomraidhean Croise

مَتَّى 11:21

”حُزن ليكي، يا كُورَزِين، حُزن ليكي، يا بيت صَيدا. عَشان إذا كان القُوّات العَمَلوها فيكُم، عَمَلوها في صُور و صَيدا، كانو تابو مِن زَمان و لَبَسو الشَّوال، و خَتّو الرَّماد فوق راسُم.

مَتَّى 24:29

طَوّالي بَعَد ضيق الأيام ديك، الشَّمِش بِتكون ضُلُمَّه، و القَمَر ما بِدّي نورو. النِّجوم بِقَعو مِن السَّما، و قُوّات السَّما بِتهِزّو.

مَتَّى 24:7

عَشان بَلَد تَقوم عَلى بَلَد، و مَملَكَه عَلى مَملَكَه. و بِكونو في جوع و زَلازِل في بَعَض المَحَلّات.

مَتَّى 27:45

و مِن السّاعَه إتناشَر، كانَت في ضُلُمَّه في كُل الأرض لِغايَة السّاعَه تلاتَه.

مَتَّى 27:54

و لَمّا رَئيس الجّيش و المَعاهو الكانو يَحرَسو يَسُوع شافو الزَّلزَلَه و الحَصَل، كانو خايفين جِدّاً، و قالو: ”بِالحَق، دا كان إبن الله!“

مَتَّى 28:2

و شوف! كانَت في زَلزَلَه كَبيرَه. عَلَشان مَلاك الرَّب نَزَل مِن السَّما، و جا و لَزَّ الحَجَر مِن خَشم القَبر، و قَعَد فوقو.

مَرْقُس 15:33

و السّاعَه إتناشَر، كانَت في ضُلُمَّه عَلى الأرض كُلَّها لِغايَة السّاعَه تلاتَه.

رؤيا 11:13

و في السّاعَه ديك كانَت في زَلزَلَه كَبيرَه، و عُشر المَدينَه وَقَع. و سَبعَة آلاف مِن النّاس كانو مَكتولين بِالزَّلزَلَه. و باقي النّاس خافو شَديد خالِص و مَجَّدو إلَه السَّما.

رؤيا 16:18

و بَعدين حَصَلَت بُروق و أصوات و رُعود و زَلزَلَه كَبيرَه. و ما حَصَلَت زيَها أبَداً مِن وَكِت النّاس كانو عَلى الأرض، زَلزَلَه شَديدَه زي دي.

رؤيا 16:8

و المَلاك الرّابِع كَبَّ حَلَّتو عَلى الشَّمِس، و أدّو لِلشَّمِس أن تَحرَق النّاس بِالنّار.

رؤيا 8:12

و المَلاك الرّابِع ضَرَب بِالبوق، و تِلت الشَّمِش إنضَرَب، و تِلت القَمَر، و تِلت النُّجوم كَمان. و عَلَشان كِدا، تِلت مِنَّهُم بِقى مَضَلِّم. و تِلت مِن النَّهار كان بِدون نور، و تِلت مِن اللّيل كَمان.

رؤيا 8:5

و المَلاك أخَد الحَلَّه و مَلأ مِن نار المَضبَح و رَماها عَلى الأرض. و كانو في رُعود و أصوات و بُروق و زَلزَلَه.