رؤيا 5:8 - كِتاب العَهد الجَّديد مِن الكِتاب المُقَدَّس

⁸ و لَمّا أخَد الكِتاب، الأربَعَه حَيوانات وَقَعو قِدّام الحَمَل، و كِدا الأربَعَه و عِشرين شيخ كَمان. و كُلّو واحِد مِنَّهُم كانَت عِندو رَبابَه و حَلَّه مِن دَهَب، مَليانَه بَخور، و هو صَلَوات القِدِّسين.

رؤيا 5:8 Iomraidhean Croise

يُوحَنَّا 1:29

في اليوم التّاني، يُوحَنَّا شاف يَسُوع جاي ليهو. و قال: ”شوفو حَمَل الله البِشيل خَطيّة الدُّنيا.

يُوحَنَّا 5:23

عَشان كُل النّاس يَحتَرِمو الإبن، زي ما هُم يَحتَرِمو الأبو. الما يَحتَرِم الإبن، ما يَحتَرِم الأبو الرَّسَّلو.

عِبرانيين 1:6

و كَمان، لَمّا يَجيب البِكر لِلدُّنيا، هو يَقول: ”خَلّي كُلّو مَلائِكَة الله يَعبُدوهو.“

رؤيا 13:8

و كُلّو سُكّان الأرض بِيَعبُدو الوَحَش، يَعني كُلّو واحِد إسمو ما كان مَكتوب مِن خَليقَة الدُّنيا في كِتاب الحَياة بِتاع الحَمَل الكان مَكتول.

رؤيا 15:2

و شُفتَ حاجَه زي بَحَر مِن قِزاز مَلَخبَط بِالنّار. و شُفتَ ديل، الغَلَبو الوَحَش و صَنَمو و عَدَد إسمو، واقفين عَلى بَحَر مِن قِزاز، و عِندَهُم رَباب الله.

رؤيا 15:7

و واحِد مِن الأربَعَه حَيوانات أدّا لِلسَّبعَه مَلائكَه سَبعَه حِلَل مِن دَهَب مَليانَه مِن غَضَب الله، البِعِيش لِلأبَد.

رؤيا 19:4

و الأربَعَه و عِشرين شيخ و الأربَعَه حَيوانات وَقَعو و عَبَدو الله القاعِد عَلى الكُرسي و قالو: ”آمين، هَلِّلويا!“

رؤيا 4:10

و لَمّا بيَعمِلو كِدا، الأربَعَه و عِشرين شيخ يَقَعو قِدّام القاعِد عَلى الكُرسي. و هُم يَعبُدو اليَعيش لِلأبَد. و يَرمو تيجانُم قِدّام الكُرسي و يَقولو:

رؤيا 4:4

و كانو في حَول الكُرسي أربَعَه و عِشرين كُرسي. و شُفتَ عَلى الكَراسي أربَعَه و عِشرين شيخ لابسين هِدوم أبيَض، و عَلى روسينُم تيجان مِن دَهَب.

رؤيا 4:6

و قِدّام الكُرسي كَمان زي بَحَر مِن قِزاز، يَشبَه بَلّور. و في وَسِط الكُرسي و حَول الكُرسي، أربَعَه و عِشرين حَيوانات مُغَطّين بِعُيون مِن قِدّام و مِن وَرا.

رؤيا 4:8

و كُلّو واحِد مِن الأربَعَه حَيوانات كان عِندو سِتَّه جِنحين، مَليان عُيون مِن حَولو و مِن جواهو. و هُم ما بِوَقِّفو ليل و نَهار يَقولو: ”قُدّوس، قُدّوس، قُدّوس، الرَّب الإلَه القادِر عَلى كُلّو شي، و هو كان مَوجود و هو مَوجود و ماشي يَجي.“

رؤيا 5:11

و شُفتَ و سِمِعتَ صوت مَلائكَه كَتيرين حَول الكُرسي و الحَيوانات و الشُّيوخ. و كان عَدَدُم عَشَرَة آلاف في عَشَرَة آلاف و آلاف آلاف.

رؤيا 5:12

و يَقولو بِصوت عالي: ”الحَمَل الكان مَكتول مُستَحِق يَقبَل القُدرَه و الغِنى و الحِكمَه و القُوَّه و الإحتِرام و المَجد و البَرَكَه!“

رؤيا 5:14

و الأربَعَه حَيوانات قالو: ”آمين!“ و الشُّيوخ وَقَعو و عَبَدو.

رؤيا 5:6

و شُفتَ حَمَل واقِف بين الكُرسي و الأربَعَه حَيوانات و في وَسِط الشُّيوخ. و مَنظَر الحَمَل كان زي ما هو مَكتول. و هو كان عِندو سَبعَه قُرون و سَبعَه عُيون، و هُم السَّبعَه أرواح الله المُرَسَّلين لِكُل الأرض.

رؤيا 6:1

و شُفتَ لَمّا الحَمَل فَتَح واحِد مِن السَّبعَه أختام. و سِمِعتَ واحِد مِن الأربَعَه حَيوانات يَقول بِصوت زي صوت الرَّعد: ”تَعال!“