رؤيا 5:6 - كِتاب العَهد الجَّديد مِن الكِتاب المُقَدَّس

⁶ و شُفتَ حَمَل واقِف بين الكُرسي و الأربَعَه حَيوانات و في وَسِط الشُّيوخ. و مَنظَر الحَمَل كان زي ما هو مَكتول. و هو كان عِندو سَبعَه قُرون و سَبعَه عُيون، و هُم السَّبعَه أرواح الله المُرَسَّلين لِكُل الأرض.

رؤيا 5:6 Iomraidhean Croise

لُوقَا 1:69

و قَوَّم لينا قَرن الخَلاص في بيت دَاوُد خَدّامو.

يُوحَنَّا 1:29

في اليوم التّاني، يُوحَنَّا شاف يَسُوع جاي ليهو. و قال: ”شوفو حَمَل الله البِشيل خَطيّة الدُّنيا.

يُوحَنَّا 1:36

و شاف يَسُوع ماشي، و قال: ”شوفو حَمَل الله.“

أعمال الرُّسُل 8:32

و دا هو فَصِل الكِتاب الكان بِقراهو: ”زي ما يَسوقو الخَروف لِلضَّبيحَه، و زي حَمَل يَسكُت قِدّام البِقطَع شَعرو، كِدا ما فَتَح خَشمو.

رؤيا 1:4

مِن يُوحَنَّا لِلسَّبعَه كَنايس الفي آسيا: النِّعمَه ليكُم و السَّلام مِنّو المَوجود و الكان مَوجود و الماشي يَجي، و مِن السَّبعَه أرواح الفي قِدّام كُرسيهو.

رؤيا 12:11

و هُم غَلَبوهو بِدَم الحَمَل و بِكِلمَة شَهادَتُم. و ما حَبّو حَياتُم كَتير و ما أبو يَموتو.

رؤيا 13:8

و كُلّو سُكّان الأرض بِيَعبُدو الوَحَش، يَعني كُلّو واحِد إسمو ما كان مَكتوب مِن خَليقَة الدُّنيا في كِتاب الحَياة بِتاع الحَمَل الكان مَكتول.

رؤيا 14:1

و بَعدين عايَنتَ، و شوف! الحَمَل واقِف عَلى جَبَل صِهيون، و مَعاهو مِيَّه و أربَعَه و أربَعين ألف. و هُم كانو عِندَهُم إسمو و إسم أبوهو مَكتوبين عَلى جَبهاتُم.

رؤيا 17:14

و ديل بِحارِبو الحَمَل. و الحَمَل بِغلِبُم، عَلَشان هو رَب الأرباب و مَلِك المُلوك. و ديل الناداهُم، مُختارين و أُمَنا، بِكونو مَعاهو.“

رؤيا 21:22

و ما شُفتَ هيكَل فيها، عَشان الرَّب الله القادِر عَلى كُلّو شي و الحَمَل، هُم هَيكَله.

رؤيا 21:23

و المَدينَه ما مُحتاجَه لِلشَّمِس ولّا لِلقَمَر عَشان يَنَوِّرو فيها. عَلَشان مَجد الله بِدّيها نور، و الحَمَل فانوسا.

رؤيا 22:1

و بَعدين المَلاك وَرّاني بَحَر مويَة الحَياة صافي زي القِزاز إسمو البَلّور. و البَحَر جا مِن كُرسي الله و الحَمَل،

رؤيا 22:3

و بَعَد دا ما بِكون في لَعنَه. و كُرسي الله و الحَمَل بِكون فيها. و خَدّامينو بِيَخِموهو.

رؤيا 4:8

و كُلّو واحِد مِن الأربَعَه حَيوانات كان عِندو سِتَّه جِنحين، مَليان عُيون مِن حَولو و مِن جواهو. و هُم ما بِوَقِّفو ليل و نَهار يَقولو: ”قُدّوس، قُدّوس، قُدّوس، الرَّب الإلَه القادِر عَلى كُلّو شي، و هو كان مَوجود و هو مَوجود و ماشي يَجي.“

رؤيا 5:11

و شُفتَ و سِمِعتَ صوت مَلائكَه كَتيرين حَول الكُرسي و الحَيوانات و الشُّيوخ. و كان عَدَدُم عَشَرَة آلاف في عَشَرَة آلاف و آلاف آلاف.

رؤيا 5:12

و يَقولو بِصوت عالي: ”الحَمَل الكان مَكتول مُستَحِق يَقبَل القُدرَه و الغِنى و الحِكمَه و القُوَّه و الإحتِرام و المَجد و البَرَكَه!“

رؤيا 5:13

و كُلّو خَليقَه الفي السَّما و عَلى الأرض و تِحِت الأرض و الفي البَحَر و كُل الفيها سِمِعتُم يَقولو: ”ليهو القاعِد عَلى الكُرسي و لِلحَمَل البَرَكَه و الإحتِرام و المَجد و القُدرَه لِلأبَد!“

رؤيا 5:14

و الأربَعَه حَيوانات قالو: ”آمين!“ و الشُّيوخ وَقَعو و عَبَدو.

رؤيا 6:16

و هُم يَقولو لِلجِّبال و الحُجار: ”أقَعو عَلينا، و دِسّونا مِن وَش القاعِد عَلى الكُرسي، و مِن غَضَب الحَمَل.