رؤيا 4:8 - كِتاب العَهد الجَّديد مِن الكِتاب المُقَدَّس

⁸ و كُلّو واحِد مِن الأربَعَه حَيوانات كان عِندو سِتَّه جِنحين، مَليان عُيون مِن حَولو و مِن جواهو. و هُم ما بِوَقِّفو ليل و نَهار يَقولو: ”قُدّوس، قُدّوس، قُدّوس، الرَّب الإلَه القادِر عَلى كُلّو شي، و هو كان مَوجود و هو مَوجود و ماشي يَجي.“

رؤيا 4:8 Iomraidhean Croise

أعمال الرُّسُل 20:31

عَلَشان كِدا، أحرِسو و إتزَكَّرو أنا مُدَّة تلاتَه سِنين ما وَقَّفتَ ليل و نَهار أهَظِّر كُلّو واحِد مِنَّكُم بِالدِّموع.

٢ كُورِنْثُوس 6:18

و بَكون ليكُم أبو، و إنتو بِتكونو لَي أولاد و بَنات، يَقول الرَّب القادِر عَلى كُلّو شي.“

١ تَسَالُونِيكِي 2:9

و إنتو تِتزَكَّرو، يا أخوان، الشُّغل بِتاعنا و التَّعب. إشتَغَلنا بِاللّيل و بِالنَّهار عَشان ما نَكون حِمِل عَلى أي واحِد مِنَّكُم وَكِت ما بَشَّرنا بِإنجيل الله.

١ تِيمُوثَاوُس 4:16

شوف نَفسَك كوَيس و التَعليم. إستَمِر في الحاجات ديل، عَلَشان إذا عَمَلتَ كِدا، بِتَخلَص نَفسَك و البِسمَعو ليك كَمان.

٢ تِيمُوثَاوُس 4:2

بَشِّر بِالكِلمَه، و كون جاهِز في وَكتو و مُش في وَكتو، صَلِّح، و وَبِّخ، و شَجِّع بِكُلّو صَبر و تَعليم.

عِبرانيين 13:8

يَسُوع المَسيح هو هو أُمبارِح، و النَّهار دا، و لِلأبَد.

رؤيا 1:4

مِن يُوحَنَّا لِلسَّبعَه كَنايس الفي آسيا: النِّعمَه ليكُم و السَّلام مِنّو المَوجود و الكان مَوجود و الماشي يَجي، و مِن السَّبعَه أرواح الفي قِدّام كُرسيهو.

رؤيا 1:8

”أنا البِدايَه و النِّهايَه،“ يَقول الله الرَّب، المَوجود و الكان مَوجود و الماشي يَجي، القادِر عَلى كُلّو شي.

رؤيا 11:17

و قالو: ”نَشكُرَك، يا رَب، الإلَه القادِر، المَوجود و الكان مَوجود، عَلَشان إنتَ أخَدتَ قُدرَتَك العَظيمَه و إبتَديت تَملِك.

رؤيا 14:11

و دُخان عَذابُم يَمشي فوق لِلأبَد. و ما عِندَهُم راحَه نَهار ولّا ليل، ديل البِيَعبُدو الوَحَش و صَنَمو، و كُلّو واحِد اليَقبَل عَلامَة إسمو.“

رؤيا 14:3

و هُم رَتَّلو تَرتيلَه جَديدَه قِدّام الكُرسي و قِدّام الأربَعَه حَيوانات و الشُّيوخ. و ما في واحِد قِدِر يِتعَلَّم التَّرتيلَه إلّا المِيَّه و الأربَعَه و الأربَعين ألف الكانو مُشتَرين مِن الأرض.

رؤيا 15:3

و هُم يَرَتِّلو تَرتيلَة مُوسَى، خَدّام الله، و تَرتيلَة الحَمَل، و يَقولو: ”أعمالَك عَظيمَه و عَجيبَه، يا رَب، الإلَه القادِر عَلى كُلّو شي! طُرُقَك عَدل و حَق، يا مَلِك الأُمَم!

رؤيا 15:7

و واحِد مِن الأربَعَه حَيوانات أدّا لِلسَّبعَه مَلائكَه سَبعَه حِلَل مِن دَهَب مَليانَه مِن غَضَب الله، البِعِيش لِلأبَد.

رؤيا 16:14

عَشان هُم أرواح شياطين بيَعمِلو عَلامات. و يَمرُقو لِمُلوك الدُّنيا كُلَّها عَشان يَلِمّوهُم لِكِتال اليوم الكَبير، يوم الله القادِر عَلى كُلّو شي.

رؤيا 16:7

و سِمِعتَ صوت مِن المَضبَح يَقول: ”أيوَه، يا رَب الإلَه القادِر عَلى كُلّو شي، أحكامَك حَق و عادِلَه!“

رؤيا 19:15

و سيف سَنين يَمرُق مِن خَشمو عَشان يَضرُب بيهو الأُمَم. و هو بِيَحكُم عَليهُم بِعَصايَه مِن حَديد. و هو بِدوس عَصارَة العِنَب بِتاعَت شِدَّة خَمر غَضَب الله القادِر عَلى كُلّو شي.

رؤيا 19:4

و الأربَعَه و عِشرين شيخ و الأربَعَه حَيوانات وَقَعو و عَبَدو الله القاعِد عَلى الكُرسي و قالو: ”آمين، هَلِّلويا!“

رؤيا 21:22

و ما شُفتَ هيكَل فيها، عَشان الرَّب الله القادِر عَلى كُلّو شي و الحَمَل، هُم هَيكَله.

رؤيا 3:7

و أكتِب كَمان لِمَلاك الكَنيسَه الفي فِيلَادَلْفِيَا: ديل الحاجات البِقولو القُدّوس الحَقيقي، العِندو مُفتاح دَاوُد. و هو يَفتَح و ما في واحِد يَقفِل، و يَقفِل و ما في واحِد يَفتَح.

رؤيا 4:4

و كانو في حَول الكُرسي أربَعَه و عِشرين كُرسي. و شُفتَ عَلى الكَراسي أربَعَه و عِشرين شيخ لابسين هِدوم أبيَض، و عَلى روسينُم تيجان مِن دَهَب.

رؤيا 4:6

و قِدّام الكُرسي كَمان زي بَحَر مِن قِزاز، يَشبَه بَلّور. و في وَسِط الكُرسي و حَول الكُرسي، أربَعَه و عِشرين حَيوانات مُغَطّين بِعُيون مِن قِدّام و مِن وَرا.

رؤيا 4:9

و الحَيوانات يَدّو مَجد و إحتِرام و شُكر لِلقاعِد عَلى الكُرسي، و ليهو الحَي لِلأبَد.

رؤيا 5:6

و شُفتَ حَمَل واقِف بين الكُرسي و الأربَعَه حَيوانات و في وَسِط الشُّيوخ. و مَنظَر الحَمَل كان زي ما هو مَكتول. و هو كان عِندو سَبعَه قُرون و سَبعَه عُيون، و هُم السَّبعَه أرواح الله المُرَسَّلين لِكُل الأرض.

رؤيا 6:1

و شُفتَ لَمّا الحَمَل فَتَح واحِد مِن السَّبعَه أختام. و سِمِعتَ واحِد مِن الأربَعَه حَيوانات يَقول بِصوت زي صوت الرَّعد: ”تَعال!“

رؤيا 6:6

و سِمِعتَ زي صوت في وَسِط الأربَعَه حَيوانات يَقول: ”كيلة دُرَه بِأُجرَة يوميَّه و تلاتَه كيلات شَعير بِأُجرَة يوميَّه. و ما تَضُر الزّيت و الخَمر.“

رؤيا 7:11

و كُل المَلائكَه كانو واقفين حَول الكُرسي و حَول الشُّيوخ و الأربَعَه حَيوانات. و هُم وَقَعو عَلى وُشوشُم قِدّام الكُرسي، و عَبَدو الله.

رؤيا 7:15

عَلَشان كِدا هُم قِدّام كُرسي الله و يَخدِموهو ليل و نَهار في هَيكَلو. و القاعِد عَلى الكُرسي بِفَرِّش خيمَتو فوقُم.