رؤيا 4:4 - كِتاب العَهد الجَّديد مِن الكِتاب المُقَدَّس

⁴ و كانو في حَول الكُرسي أربَعَه و عِشرين كُرسي. و شُفتَ عَلى الكَراسي أربَعَه و عِشرين شيخ لابسين هِدوم أبيَض، و عَلى روسينُم تيجان مِن دَهَب.

رؤيا 4:4 Iomraidhean Croise

مَتَّى 19:28

يَسُوع قال ليهُم: ”الحَق أنا بَقول ليكُم: في الزَّمَن الجَّديد، لَمّا إبن الإنسان يَقعُد عَلى كُرسي المَلِك في مَجدو، إنتو كَمان التَّبَعتوني بِتَقعُدو عَلى إتناشَر كُرسي، و تَحكُمو عَلى قَبايل إِسْرَائِيل الإتناشَر.

لُوقَا 22:30

عَشان تَاكُلو و تَشرَبو في طَرَبيزَتي في مَلَكوتي، و تَقعُدو عَلى كَراسي و تَحكُمو عَلى قَبايل إِسْرَائِيل الإتناشَر.

٢ تِيمُوثَاوُس 4:8

و مِن هَسَّع مَحفوظ لَي تاج البِر. و الرَّب، القاضي العادِل، بِدّيهو لَي في اليوم داك، و مُش لَي بَس، لَكِن لِكُلُّهُم البِحِبّو ظُهورو كَمان.

رؤيا 11:16

و الأربَعَه و عِشرين شيخ، الكانو قاعِدين عَلى كَراسيهُم قِدّام الله، وَقَعو عَلى وُشوشُم و عَبَدو الله.

رؤيا 14:3

و هُم رَتَّلو تَرتيلَه جَديدَه قِدّام الكُرسي و قِدّام الأربَعَه حَيوانات و الشُّيوخ. و ما في واحِد قِدِر يِتعَلَّم التَّرتيلَه إلّا المِيَّه و الأربَعَه و الأربَعين ألف الكانو مُشتَرين مِن الأرض.

رؤيا 19:14

و جُيوش السَّما تَبَعو، راكبين حَصين بُيُض، لابسين تيل أبيَض و نَضيف.

رؤيا 19:4

و الأربَعَه و عِشرين شيخ و الأربَعَه حَيوانات وَقَعو و عَبَدو الله القاعِد عَلى الكُرسي و قالو: ”آمين، هَلِّلويا!“

رؤيا 2:10

ما تَخاف مِن الحاجات الأنتَ ماشي تِتوَجَّع بيها. شوف، الشّيطان قَرَّب يَرمي بَعض مِنَّكُم في السِّجِن عَشان يِمتَحِنكُم. و بِكون عِندَكُم ضيق عَشَرَة أيام. كون أمين لِغايَة الموت، و أنا بَدّيك تاج الحَياة.

رؤيا 20:4

و بَعدين شُفتَ كَراسي و ديل القاعِدين فوقُم، و أدّاهُم السُّلطَه عَشان يَحكُمو. و شُفتَ كَمان نُفوس النّاس الرّوسينُم كانو مَقطوعين فِشان شَهادَة يَسُوع و فِشان كِلمَة الله. و هُم ما عَبَدو الوَحَش ولّا صَنَمو، و ما قِبِلو عَلامتو عَلى جَبهاتُم ولّا عَلى إيدينُم. و هُم عاشو تاني مَرَّه و مَلَكو مَعَ المَسيح ألف سَنَه.

رؤيا 3:18

أنا بَدّيك نَصيحَه أن تَشتَري مِنّي دَهَب مُجَرَّب بِالنّار، عَلَشان تَبقى غَني. و تَشتَري هِدوم أبيَض عَشان تَلبَس و تَغَطّي خَجلَك عَشان إنتَ عَريان. و تَشتَري مَسَحَه عَشان تَمسَح عُيونَك بيهو عَلَشان تَشوف.

رؤيا 4:10

و لَمّا بيَعمِلو كِدا، الأربَعَه و عِشرين شيخ يَقَعو قِدّام القاعِد عَلى الكُرسي. و هُم يَعبُدو اليَعيش لِلأبَد. و يَرمو تيجانُم قِدّام الكُرسي و يَقولو:

رؤيا 4:6

و قِدّام الكُرسي كَمان زي بَحَر مِن قِزاز، يَشبَه بَلّور. و في وَسِط الكُرسي و حَول الكُرسي، أربَعَه و عِشرين حَيوانات مُغَطّين بِعُيون مِن قِدّام و مِن وَرا.

رؤيا 5:11

و شُفتَ و سِمِعتَ صوت مَلائكَه كَتيرين حَول الكُرسي و الحَيوانات و الشُّيوخ. و كان عَدَدُم عَشَرَة آلاف في عَشَرَة آلاف و آلاف آلاف.

رؤيا 5:14

و الأربَعَه حَيوانات قالو: ”آمين!“ و الشُّيوخ وَقَعو و عَبَدو.

رؤيا 5:6

و شُفتَ حَمَل واقِف بين الكُرسي و الأربَعَه حَيوانات و في وَسِط الشُّيوخ. و مَنظَر الحَمَل كان زي ما هو مَكتول. و هو كان عِندو سَبعَه قُرون و سَبعَه عُيون، و هُم السَّبعَه أرواح الله المُرَسَّلين لِكُل الأرض.

رؤيا 5:8

و لَمّا أخَد الكِتاب، الأربَعَه حَيوانات وَقَعو قِدّام الحَمَل، و كِدا الأربَعَه و عِشرين شيخ كَمان. و كُلّو واحِد مِنَّهُم كانَت عِندو رَبابَه و حَلَّه مِن دَهَب، مَليانَه بَخور، و هو صَلَوات القِدِّسين.

رؤيا 6:11

و أدّو لِكُلّو واحِد مِنَّهُم توب أبيَض. و قالو ليهُم أن يستَريحو مُدَّه قَليلَه، لِغايَة ما يَتِم عَدَد الخَدّامين شُرَكاهُم و أخوانُم البِكونو مَكتولين زيَهُم.

رؤيا 7:11

و كُل المَلائكَه كانو واقفين حَول الكُرسي و حَول الشُّيوخ و الأربَعَه حَيوانات. و هُم وَقَعو عَلى وُشوشُم قِدّام الكُرسي، و عَبَدو الله.

رؤيا 7:9

و بَعَد دا عايَنتَ، و شوف! كانو في ناس كُتار، و واحِد ما يَقدَر يَحسِبُم. و هُم كانو مِن كُل الأُمَم و القَبايل و الشُّعوب و اللُّغات. و كانو واقفين قِدّام الكُرسي و قِدّام الحَمَل. و هُم لابسين تيبان بيضَة و في إيدينُم فُروع النَّخَل.

رؤيا 9:7

و شَكل الجَّراد كان زي حَصين جاهِزين لِلحَرب. و عَلى رُسينُم حاجَه زي تيجان مِن دَهَب، و وُشوشُم زي وشوش النّاس.