رؤيا 4:11 - كِتاب العَهد الجَّديد مِن الكِتاب المُقَدَّس

¹¹ ”إنتَ مُستَحِق، يا رَب إلَهنا أن تَقبَل المَجد و الإحتِرام و القُدرَه. عَلَشان إنتَ خَلَقتَ كُل الحاجات، و بِإرادَتَك كانو مَوجودين و مَخلوقين.“

رؤيا 4:11 Iomraidhean Croise

أعمال الرُّسُل 14:15

”يا رُجال، بِتسَوّو دا لِشِنو؟ نِحنا كَمان ناس، عِندَنا نَفس الطَّبيعَه زيَكُم. و نَبَشِّركُم عَشان تَرجَعو مِن الحاجات البِدون فايدَه دي لِلَّه الحَي، الخَلَق السَّما و الأرض و البَحَر و كُل الفيها.

أعمال الرُّسُل 17:24

الله الخَلَق الدُّنيا و كُل الفيها، هو رَب السَّما و الأرض. و هو ما يَسكُن في هياكِل مَعمولَه بِالإيدين.

رُومِيَه 11:36

عَشان كُل الحاجات، مِنّو، و بيهو، و ليهو. ليهو المَجد لِلأبَد! آمين.

أفَسُس 3:9

و أوَرّي كُل النّاس شِنو تَرتيب السِّر دا، الكان مَدسوس مِن زَمان في الله، الخَلَق كُلّو شي.

عِبرانيين 1:10

و هو يَقول كَمان: ”إنتَ، يا رَب، في البِدايَه خَتّيت أساسات الأرض و السَّما شُغل إيدينَك.

عِبرانيين 1:2

كَلَّمنا في الأيام الأخيرَه دي في الإبن. و هو عَمَلو وارِث لِكُلّو حاجَه، و بيهو كَمان هو عَمَل الخَليقَه كُلَّها.

رؤيا 1:6

وَ عَمَلنا مَلَكوت و قُسُس لِلَّه أبوهو، ليهو المَجد و السُّلطَه لِلأبَد! آمين.

رؤيا 10:6

و هو حَلَف بيهو البِعِيش لِلأبَد، الخَلَق السَّما و كُل الفيها، و الأرض و كُل الفيها، و البَحَر و كُل الفيهو. و قال: ”ما بِكون في زَمَن بَعَد دا!

رؤيا 14:7

و يَقول بِصوت عالي: ”خافو الله و مَجِّدوهو، عَلَشان ساعَة حُكمو جات. أعبُدو خالِق السَّما و الأرض و البَحَر و عُيون المويَه.“

رؤيا 19:1

و بَعَد الحاجات دي، سِمِعتَ زي صوت عالي مِن ناس كُتار في السَّما يَقولو: ”هَلِّلويا! الخَلاص و المَجد و القُدرَه لِإلَهنا،

رؤيا 5:12

و يَقولو بِصوت عالي: ”الحَمَل الكان مَكتول مُستَحِق يَقبَل القُدرَه و الغِنى و الحِكمَه و القُوَّه و الإحتِرام و المَجد و البَرَكَه!“

رؤيا 5:2

و شُفتَ مَلاك قَوّي يَنادي بِصوت عالي: ”مِنو يَكون مُستَحِق يَفتَح الكِتاب و يَفِك أختامو؟“

رؤيا 5:9

و هُم يَرَتِّلو تَرتيلَه جَديدَه، و بِقولو: ”إنتَ مُستَحِق تاخُد الكِتاب و تَفِك أختامو، عَلَشان كُنتَ مَكتول، و بِدَمَّك أشتَريت لِلَّه مِن كُلّو قَبيلَه و لُغَه و شَعب و أُمَّه.