رؤيا 4:1 - كِتاب العَهد الجَّديد مِن الكِتاب المُقَدَّس

¹ و بَعَد دا عايَنتَ. و شوف! كان في باب مَفتوح في السَّما. و الصّوت الأوَّل، السِّمِعتو يَكَلِّمني زي صوت بوق، قال: ”اطلَع هِنا، و أنا بَوَرّيك حاجات لازِم تَحصَل بَعَد دا.“

رؤيا 4:1 Iomraidhean Croise

مَتَّى 3:16

و لَمّا يُوحَنَّا عَمَّد يَسُوع، هو طَلَع طَوّالي مِن المويَه. و شوف، السَّما إنفَتَحَت، و هو شاف روح الله نازِل زي حَمامَه، و جاي فوقو.

مَرْقُس 1:10

و يَسُوع، لَمّا طَلَع مِن المويَه، طَوّالي شاف السَّما مَفتوحَه، و الرّوح نازِل زي حَمامَه فوقو.

لُوقَا 3:21

و لَمّا كُل النّاس إتعَمَّدو، و بَعَد ما يَسُوع كَمان إتعَمَّد، و وَكِت ما كان بِصَلّي، السَّما إنفَتَحَت.

يُوحَنَّا 16:13

لَكِن لَمّا روح الحَق يَجي، هو بِوَرّيكُم كُل الحَق. عَشان هو ما بِتكَلَّم مِن نَفسو، لَكِن كُل البِسمَع، هو بِتكَلَّم بيهو. و بِوَرّيكُم الحاجات الجّايَه.

أعمال الرُّسُل 10:11

و شاف السَّما مَفتوحَه، و حاجَه زي مِلايَه كَبيرَه تَنزِل لِلأرض، مَربوطَه بِأربَعَه أركان.

أعمال الرُّسُل 7:56

و قال: ”شوفو، أنا بَشوف السَّما مَفتوحَه، و إبن الإنسان واقِف عَن يَمين الله.“

رؤيا 1:10

و كُنتَ في الرّوح في يوم الرَّب، و سِمِعتَ وَراي صوت عالي زي صوت بوق.

رؤيا 1:12

و إتلَفَتَّ عَشان أشوف الصّوت الإتكَلَّم مَعاي. و لَمّا إتلَفَتَّ، شُفتَ سَبعَه مَناوِر مِن دَهَب.

رؤيا 1:19

عَلَشان كِدا، أكتِب الحاجات الشُّفتَها، و الحاجات المَوجودَه، و الحاجات البِتَحصُل بَعَد دا.

رؤيا 11:12

و بَعدين سِمِعو صوت عالي مِن السَّما يَقول ليهُم: ”أطلَعو لِهِنا!“ و طَلَعو لِلسَّما في سَحابَه و عُدوانُم عايَنو ليهُم.

رؤيا 11:19

و هيكَل الله الفي السَّما إنفَتَح، و تابوت الإتِّفاق ظَهَر في هيكَل الله. و حَصَل بُروق و أصوات و رُعود و زَلزَلَه و بَرَد تَقيل.

رؤيا 16:17

و المَلاك السّابِع كَبَّ حَلَّتو عَلى الهَوا، و جا صوت عالي مِن الهيكَل، مِن الكُرسي، يَقول: ”هو خَلاص!“

رؤيا 19:11

و بَعدين شُفتَ السَّما مَفتوحَه. و شوف! حُصان أبيَض، و الرّاكِب فوقو إسمو، الأمين و الصّادِق. و هو يَحكُم و يَحارِب بِالعَدل.

رؤيا 22:6

و المَلاك قال لَي: ”الكِلمات دي صادِقَه و أمينَه. و الرَّب، إلَه أرواح الأنبياء، رَسَّل ملاكو عَشان يَوَرّي خَدّامينو الحاجات اللازِم تَحصَل بَعَد شوَيَه.