رؤيا 3:8 - كِتاب العَهد الجَّديد مِن الكِتاب المُقَدَّس

⁸ أنا بَعرِف أعمالَك. و شوف، أنا خَتّيت قِدَّامَك باب مَفتوح، و ما في واحِد يَقدَر يَقفِلو. بَعرِف إنتَ عِندَك شوَيَة قُوَّه، و حَفَظتو كلمَتي و ما نَكَرتَ إسمي.

رؤيا 3:8 Iomraidhean Croise

لُوقَا 12:9

و البِنكِرني قِدّام النّاس، أنا كَمان بَنكِرو قِدّام مَلائِكَة الله.

يُوحَنَّا 15:20

إتزَكَّرو الكَلام القُلتو ليكُم: الخَدّام ما أكبَر مِن سيدو. إذا طَرَدوني، هُم ماشين بِطرُدوكُم. و إذا كانو حَفَظو كَلامي، هُم بِحفَظو كَلامكُم.

يُوحَنَّا 17:6

أنا وَرّيت إسمَك لِلنّاس الأدّيتُم لَي مِن الدُّنيا. هُم كانو ليك، و إنتَ أدّيتُم لَي، و هُم حَفَظو كَلامَك.

أعمال الرُّسُل 14:27

و لَمَّن وِصلو، جَمَعو الكَنيسَه، و خَبَّرو بِكُلّو حاجَه الله عَمَل مَعاهُم، و كيف فَتَح لِلأُمَم باب الإيمان.

١ كُورِنْثُوس 16:9

عَشان إنفَتَح لَي باب عَظيم لِلعَمَل النّاجِح. و في عُدوان كَتيرين.

٢ كُورِنْثُوس 2:12

و لَمّا مَشيت لِتَرُوَاس عَشان أبَشِّر بِإنجيل المَسيح، أنا لِقيت إنّو الرَّب كان فَتَح باب لَي.

فيلِبّي 4:13

أنا بَقدَر أعمِل كُلّو شي في المَسيح البِشَدِّدني.

كُولُوسِّي 4:3

و صَلّو سَوا فِشانّا كَمان، عَشان الله يَفتَح لينا باب لِلكِلمَه، عَشان نِتكَلَّم بِسِر المَسيح. و بِالسَّبَب دا أنا مَربوط بِجَنازِير.

١ تِيمُوثَاوُس 5:8

و إذا أي واحِد ما يَهتَم بِأقاريبو و خُصوصاً لِأهل بيتو، هو نَكَر الإيمان، و هو أكعَب مِن الما مؤمِن.

٢ تِيمُوثَاوُس 4:7

أنا حارَبتَ الحَرب الكَويس، و تَميت سَبَقي، و حَفَظتو الإيمان.

يَهُوذَا 1:4

عَشان بَعض مِن النّاس دَخَلو بينكُم بِالسِّر، و هُم ما بِخافو الله. و هُم يَغَيِّرو نِعمَة إلَهنا لِلفَضيحَه و بِنكُرو سَيِدنا و رَبَّنا الوَحيد، يَسُوع المَسيح. و مِن وَكِت طَويل دينونَتُم كانَت مَكتوبَه.

رؤيا 2:13

أنا بَعرِف المَحَل الأنتَ ساكِن فيهو، و كُرسي الشّيطان في المَحَل دا. لَكِن إنتَ ماسِك بِإسمي. و إنتَ ما نَكَرتَ الإيمان بي، حَتّى في أيام أَنْتِيبَاس، شاهِدي الأمين. و هو كان مَكتول بينكُم، في المَحَل الشّيطان بِسكُن فيهو.

رؤيا 2:2

أنا بَعرِف أعمالَك و تَعبَك و صَبرَك، و إنتَ ما تَقدَر تِتحَمَّل الشَّرّيرين. و إنتَ جَرَّبتُم البِسَمّو نُفوسُم رُسُل، لَكِن هُم مُش رُسُل، و لِقيتُم كاضِبين.

رؤيا 22:7

شوف! أنا جاي قَريب! مُبارَك البِحفَظ كِلمات نُبُوَّة الكِتاب دا.“

رؤيا 3:1

و أكتِب كَمان لِمَلاك الكَنيسَه الفي ساردِس: ديل الحاجات البِقولو العِندو السَّبعَه أرواح الله و السَّبعَه نُجوم. أنا بَعرِف أعمالَك، و عِندَك إسم زي كَنيسَه حَيَّه، لَكِن إنتَ مَيِّت.

رؤيا 3:10

و عَلَشان إنتَ حَفَظتَ أمري بِالصَّبر، أنا كَمان بَحفَظَك مِن ساعَة التَجرِبَه القَرَّبَت تَجي عَلى كُل الدُّنيا. و السّاعَه دي بِتَجي عَشان تَجَرِّب السّاكنين عَلى الأرض.

رؤيا 3:15

أنا بَعرِف أعمالَك، إنتَ مُش بارِد و مُش حار. أنا عَاوِزَك تَكون بارِد ولّا حار!

رؤيا 3:7

و أكتِب كَمان لِمَلاك الكَنيسَه الفي فِيلَادَلْفِيَا: ديل الحاجات البِقولو القُدّوس الحَقيقي، العِندو مُفتاح دَاوُد. و هو يَفتَح و ما في واحِد يَقفِل، و يَقفِل و ما في واحِد يَفتَح.