رؤيا 3:7 - كِتاب العَهد الجَّديد مِن الكِتاب المُقَدَّس

⁷ و أكتِب كَمان لِمَلاك الكَنيسَه الفي فِيلَادَلْفِيَا: ديل الحاجات البِقولو القُدّوس الحَقيقي، العِندو مُفتاح دَاوُد. و هو يَفتَح و ما في واحِد يَقفِل، و يَقفِل و ما في واحِد يَفتَح.

رؤيا 3:7 Iomraidhean Croise

مَتَّى 16:19

و بَدّيك مَفاتيح مَلَكوت السَّما. و كُل الأنتَ بِتَربُطو عَلى الأرض، بِكون الكان مَربوط في السَّما. و كُل الأنتَ بِتفِك عَلى الأرض، بِكون الفَكّوهو في السَّما.“

مَتَّى 24:35

السَّما و الأرض بِفوتو، و لَكِن كَلامي ما بِفوت أبَداً.

مَرْقُس 1:24

و هو كورَك، و قال: ”مالنا و مالَك، يا يَسُوع النّاصِري؟ إنتَ جيت عَشان تَخرِبنا؟ أنا عارِف مِنو إنتَ. إنتَ قُدّوس الله.“

لُوقَا 1:32

و هو بِكون عَظيم، و بِسَمّوهو إبن الله. و الرَّب الإلَه يَدّيهو كُرسي دَاوُد أبوهو.

لُوقَا 4:34

”آه! مالنا و مالَك، يا يَسُوع النّاصِري؟ إنتَ جيت عَشان تَخرِبنا؟ أنا عارفَك مِنو إنتَ. إنتَ قُدّوس الله.“

يُوحَنَّا 14:6

يَسُوع قال ليهو: ”أنا هو الطَّرِيق و الحَق و الحَياة. ما في واحِد يَجي لِلأبو إلّا بي.

أعمال الرُّسُل 3:14

و لَكِن إنتو نَكَرتو القُدّوس البار، و طَلَبتو مِن بِيلاطُس أن يَدّيكُم راجِل كاتِل النّاس.

١ يُوحَنَّا 5:20

و بِنَعرِف إبن الله جا و أدّانا فَهم عَشان نَعرِف هو الحَق. و نِحنا في الحَق، يَعني في إبنو يَسُوع المَسيح. دا هو الإلَه الحَقيقي و الحَياة الأبَديَّه.

رؤيا 1:11

و الصّوت قال: ”أكتِب الحاجَه التَّشوفا في كِتاب، و رَسِّلو لِلسَّبعَه كَنايس، لِأفَسُس و لِسِمِيرْنَا و لِبَرْغَامُس و لِثَيَاتِيرَا و لِسَارْدِس و لِفِيلَادَلْفِيَا و لِلاوُدِكِيَّه.“

رؤيا 1:18

أنا هو الحَي. و كُنتَ مَيِّت، و شوف، أنا حَي لِلأبَد! و أنا عِندي مَفاتيح الموت و الهاويَه.

رؤيا 1:5

و مِن يَسُوع المَسيح الشّاهِد الأمين و البِكر مِن بين المَيِّتين و رَئيس مُلوك الأرض. ليهو البِحِبّنا و أدّانا الحُرّيَّه مِن خَطايانا بِدَمّو.

رؤيا 15:3

و هُم يَرَتِّلو تَرتيلَة مُوسَى، خَدّام الله، و تَرتيلَة الحَمَل، و يَقولو: ”أعمالَك عَظيمَه و عَجيبَه، يا رَب، الإلَه القادِر عَلى كُلّو شي! طُرُقَك عَدل و حَق، يا مَلِك الأُمَم!

رؤيا 16:7

و سِمِعتَ صوت مِن المَضبَح يَقول: ”أيوَه، يا رَب الإلَه القادِر عَلى كُلّو شي، أحكامَك حَق و عادِلَه!“

رؤيا 19:11

و بَعدين شُفتَ السَّما مَفتوحَه. و شوف! حُصان أبيَض، و الرّاكِب فوقو إسمو، الأمين و الصّادِق. و هو يَحكُم و يَحارِب بِالعَدل.

رؤيا 19:2

عَشان أحكامو حَق و عادِلَه. هو دان الزّانيَه العَظيمَه، الخَرَبَت الأرض بِزِناها، و إنتَقَم لِدَم خَدّامينو مِن إيدا.“

رؤيا 2:1

أكتِب لِمَلاك الكَنيسَه الفي أفَسُس: هو اليَمسِك السَّبعَه نُجوم بِيَمينو، و الماشي في وَسِط السَّبعَه مَناوِر مِن دَهَب، بِقول الحاجات دي.

رؤيا 21:5

و القاعِد عَلى الكُرسي قال: ”شوف! أنا بَسَوّي كُلّو شي جَديد.“ و قال لَي كَمان: ”أكتِب، عَشان الكِلمات دي صادِقَه و أمينَه.“

رؤيا 3:14

و أكتِب كَمان لِمَلاك الكَنيسَه الفي لاوُدِكِيَّةَ: ديل الحاجات البِقولو الآمين، الشّاهِد الأمين الحَقيقي، بِدايَة خَليقَة الله.

رؤيا 4:8

و كُلّو واحِد مِن الأربَعَه حَيوانات كان عِندو سِتَّه جِنحين، مَليان عُيون مِن حَولو و مِن جواهو. و هُم ما بِوَقِّفو ليل و نَهار يَقولو: ”قُدّوس، قُدّوس، قُدّوس، الرَّب الإلَه القادِر عَلى كُلّو شي، و هو كان مَوجود و هو مَوجود و ماشي يَجي.“

رؤيا 5:9

و هُم يَرَتِّلو تَرتيلَه جَديدَه، و بِقولو: ”إنتَ مُستَحِق تاخُد الكِتاب و تَفِك أختامو، عَلَشان كُنتَ مَكتول، و بِدَمَّك أشتَريت لِلَّه مِن كُلّو قَبيلَه و لُغَه و شَعب و أُمَّه.

رؤيا 6:10

و هُم كورَكو بِصوت عالي و قالو: ”يا سَيِّد، القُدّوس و الحَقيقي، لِغايَة مِتين ما تَحكُم و ما تَنتَقِم لِدَمّنا مِن السّاكنين عَلى الأرض؟“