رؤيا 3:4 - كِتاب العَهد الجَّديد مِن الكِتاب المُقَدَّس

⁴ لَكِن عِندَك في ساردِس ناس قَليلين و هُم ما نَجَّسو هِدُومُم. و هُم بِيَمشو مَعاي في هِدوم أبيَض، عَشان هُم مُستَحِقّين.

رؤيا 3:4 Iomraidhean Croise

مَتَّى 10:11

و أي مَدينَه ولّا حِلَّه دَخَلتوها فَتِّشو عَلى زول مُستَحِق، و أقعُدو في بيتو لِغايَة ما تَمرُقو.

مَرْقُس 16:5

و دَخَلو القَبر، و شافو شاب قاعِد عَلى اليَمين، و لابِس توب أبيَض. و خافو جِدّاً.

لُوقَا 20:35

و لَكِن ديل اليَحسِبوهُم مُستَحِقّين لِلزَّمَن الجّاي، و القيامَه مِن المَيِّتين، ما بِزَوِّجو ولّا بِتزَوَّجو.

لُوقَا 21:36

لَكِن أحرِسو و صَلّو في كُلّو وَكِت، عَشان تَقدَرو تَهرَبو مِن كُل الحاجات دي البِتَحصُل، و تَقيفو قِدّام إبن الإنسان.“

أعمال الرُّسُل 1:15

و في الأيام ديلاك قام بُطْرُس في وَسِط الأخوان. و العَدَد بِتاعُم كُلُّهُم كان مِيَّه و عِشرين زول تَقريباً.

٢ تَسَالُونِيكِي 1:5

عَشان دا يَبَيِّن حُكم الله العَديل. و عَشان كِدا، يَعمِلكُم مُستَحِقّين لِمَلَكوت الله، الإنتو بِتَتعَبو فِشانو كَمان.

يَهُوذَا 1:23

و طَلِّعو البَعض مِن النّار و خَلِّصوهُم. لَكِن أرحَمو التّانيين بِخوف كارِهين الهِدوم البِقي نَجِس مِن شَهوات الجِّسِم.

رؤيا 1:11

و الصّوت قال: ”أكتِب الحاجَه التَّشوفا في كِتاب، و رَسِّلو لِلسَّبعَه كَنايس، لِأفَسُس و لِسِمِيرْنَا و لِبَرْغَامُس و لِثَيَاتِيرَا و لِسَارْدِس و لِفِيلَادَلْفِيَا و لِلاوُدِكِيَّه.“

رؤيا 11:13

و في السّاعَه ديك كانَت في زَلزَلَه كَبيرَه، و عُشر المَدينَه وَقَع. و سَبعَة آلاف مِن النّاس كانو مَكتولين بِالزَّلزَلَه. و باقي النّاس خافو شَديد خالِص و مَجَّدو إلَه السَّما.

رؤيا 14:4

ديل هُم الما نَجَّسو نُفوسُم مَعَ النِّسوان، عَشان هُم نُضاف. و هُم يَتبَعو الحَمَل لِأي مَحَل الهو يَمشي ليهو. و كانو مُشتَرين مِن بين النّاس، أوَّل ثِمار لِلَّه و لِلحَمَل.

رؤيا 19:14

و جُيوش السَّما تَبَعو، راكبين حَصين بُيُض، لابسين تيل أبيَض و نَضيف.

رؤيا 19:8

و أدّوها أن تَلبَس تيل لامِع و نَضيف.“ عَشان التّيل هو أعمال البِر بِتاعَت القِدِّسين.

رؤيا 3:18

أنا بَدّيك نَصيحَه أن تَشتَري مِنّي دَهَب مُجَرَّب بِالنّار، عَلَشان تَبقى غَني. و تَشتَري هِدوم أبيَض عَشان تَلبَس و تَغَطّي خَجلَك عَشان إنتَ عَريان. و تَشتَري مَسَحَه عَشان تَمسَح عُيونَك بيهو عَلَشان تَشوف.

رؤيا 3:5

و كِدا، الزّول البِغلِب، هو بِلبَس هِدوم أبيَض، و أنا أبَداً ما بَشيل إسمو مِن كِتاب الحَياة. لَكِن أنا بَعتَرِف بِإسمو قِدّام أبوي و قِدّام مَلائكَتو.

رؤيا 4:4

و كانو في حَول الكُرسي أربَعَه و عِشرين كُرسي. و شُفتَ عَلى الكَراسي أربَعَه و عِشرين شيخ لابسين هِدوم أبيَض، و عَلى روسينُم تيجان مِن دَهَب.

رؤيا 6:11

و أدّو لِكُلّو واحِد مِنَّهُم توب أبيَض. و قالو ليهُم أن يستَريحو مُدَّه قَليلَه، لِغايَة ما يَتِم عَدَد الخَدّامين شُرَكاهُم و أخوانُم البِكونو مَكتولين زيَهُم.

رؤيا 7:9

و بَعَد دا عايَنتَ، و شوف! كانو في ناس كُتار، و واحِد ما يَقدَر يَحسِبُم. و هُم كانو مِن كُل الأُمَم و القَبايل و الشُّعوب و اللُّغات. و كانو واقفين قِدّام الكُرسي و قِدّام الحَمَل. و هُم لابسين تيبان بيضَة و في إيدينُم فُروع النَّخَل.