رؤيا 22:11 - كِتاب العَهد الجَّديد مِن الكِتاب المُقَدَّس

¹¹ خَليهو اليَعمِل الشَّر يِستَمِر يَعمِل الشَّر. و خَليهو اليَكون نَجِس يِستَمِر يَكون نَجِس. و خَليهو اليَكون بار يِستَمِر يَعمِل البِر. و خَليهو اليَكون مُقَدَّس يِستَمِر يَكون مُقَدَّس.“

رؤيا 22:11 Iomraidhean Croise

مَتَّى 15:14

خَلّوهُم. هُم ناس عَميانين بِسوقو عَميانين. و إذا عَميان بِسوق عَميان، هُم الإتنين يَقَعو في حُفرَه.“

مَتَّى 21:19

و لَمّا شاف شَجَرَة تين جَمب السِّكَّه، قَرَّب ليها، و لَكِن ما لِقى حاجَه فيها إلّا وَرَق بَس. و قال ليها: ”ما بِكون ثِمار مِنَّك تاني مَرَّه لِلأبَد.“ و طَوّالي الشَّجَرَه يِبسَت.

مَتَّى 25:10

و وَكِت ما مَشو يَشتَرو، العَريس وِصِل. و البَنات الجّاهِزات، دَخَلو مَعاهو لِلعِرِس. و الباب كان مَقفول.

مَتَّى 5:45

عَشان تَكونو أولاد أبوكُم الفي السَّما. عَلَشان هو يَعمِل شَمسو تَطلَع عَلى البَطّالين و الكوَيسين، و يَرَسِّل المَطَر عَلى البارين و الشَّرّيرين.

مَتَّى 5:6

مُبارَكين الجَّعانين و العَطشانين لِلبِر عَشانُم بِكونو شَبعانين.

يُوحَنَّا 8:21

يَسُوع قال ليهُم تاني: ”أنا بَمشي، و إنتو بِتفَتِّشو عَلي، و تَموتو في خَطِيَّتكُم. و المَحَل الأنا ماشي ليهو، إنتو ما بِتَقدَرو تَجو ليهو.“

أفَسُس 5:27

عَشان يَقَدِّما لِنَفسو كَنيسَه مَجيدَه، ما فيها نُقطَه ولّا كَرمَش ولّا أي شي زي دا، و لَكِن تَكون مُقَدَّسَه و بِدون عيب.

كُولُوسِّي 1:22

لَكِن هَسَّع هو صالَحكُم بِجِسمو الإنساني بِالموت. و هو عَمَل دا عَلَشان يَجيبكُم قِدّامو قِدِّيسين و بِدون عيب ولّا لوم.

٢ تِيمُوثَاوُس 3:13

لَكِن النّاس البَطّالين و البِغِشّو بِزيدو في الشَّر، و هُم بِغِشّو و بِكونو مَغشوشين.

يَهُوذَا 1:24

و لِلقادِر يَحفَظكُم مِن الوقوع، و يَجيبكُم قِدّام مَجدو بِدون عيب بِفَرَح عَظيم،

رؤيا 16:21

و بَرَد كَبير مِن السَّما نَزَل عَلى النّاس، وَزِن كُلّو حَجَر كان مِيَّة رَطل تَقريباً. و النّاس جَدَّفو عَلى الله بِسَبَب ضَربَة البَرَد، عَلَشان الضَّربَه كانَت مِخَوِفَه جِدّاً.

رؤيا 22:3

و بَعَد دا ما بِكون في لَعنَه. و كُرسي الله و الحَمَل بِكون فيها. و خَدّامينو بِيَخِموهو.