رؤيا 21:8 - كِتاب العَهد الجَّديد مِن الكِتاب المُقَدَّس

⁸ لَكِن الخَوافين و الما مؤمِنين و المَكروهين و الكاتِلين و الزّانيين و البيَعمِلو السِّحِر و البِيَعبُدو الأصنام و كُل الكَضّابين، مَحَلُّم بِكون في البِركَه المَوَلَّعَه بِالنّار و الكِبريت. و دا هو الموت التّاني.“

رؤيا 21:8 Iomraidhean Croise

مَتَّى 10:28

و ما تَخافو مِن اليَكتُلو الجِّسِم و لَكِن ما يَقدَرو يَكتُلو النَفس. لَكِن خافو مِن اليَقدَر يَكتُل النَّفس و الجِّسِم، هُم الإتنين، في جَهَنَّم.

مَتَّى 25:25

كِدا، أنا كُنتَ خايِف، و مَشيت و دَسيت المِيَّة جِنيه في الأرض. شوف، أهو دا حَقَّك.

مَتَّى 8:26

و هو قال ليهُم: ”يا ناس الإيمانكُم ناقِص، إنتو خايفين لِشِنو؟“ بَعدين قام و أمَر الهَبوب و البَحَر بِشِدَّه، و هُم سَكَتو بِالتَّمام.

مَرْقُس 9:44

أحسَن ليك تَدخُل الحَياة بِإيد واحدَه مِن أن تَمشي لِجَهَنَّم لِلنّار الما بِتموت، و عِندَك إيدين.

يُوحَنَّا 8:44

إنتو مِن أبوكُم هو إبْلِيس، و إنتو بِتَعمِلو زي ما أبوكُم عاوِز. هو كان كَتّال النّاس مِن الأوَّل، و ما ثَبَت في الحَق، عَشان ما فيهو حَق. و لَمّا يتكَلَّم بِالكِضِب، هو بِتكَلَّم مِن عِندو، عَشان هو كَضّاب، و أبو الكِضِب.

٢ تَسَالُونِيكِي 2:9

و إنسان الخَطيَّه بِجي بِعَمَل الشّيطان و بِكُلّو قُوَّه، و عَلامات و عَجايِب كَضب،

١ تِيمُوثَاوُس 4:2

تَعليم زي دا بِجي مِن ناس كَضّابين البِغِشّو، و ضَمايرُم مَحروقين زي بِمَكوَه سُخنَه.

تِيطُس 1:16

هُم بِقولو إنَّهُم بِيَعرِفو الله، و لَكِن هُم بِنكُروهو بِأعمالُم. و هُم مَكروهين، و ما بِطيعُو، و ما عِندَهُم فايدَه لِأي عَمَل كوَيس.

عِبرانيين 12:24

و لِيَسُوع وَسيط الإتِّفاق الجَّديد، و لِرَش الدَّم اليتكَلَّم حاجَه أحسَن مِن دَم هابيل.

عِبرانيين 13:4

خَلّي الزَّواج يَكون مُحتِرَم بِكُل النّاس. و الرّاجِل و المَرَه لازِم يَكونو أُمَنا. عَلَشان الله بِيَحكُم عَلى النّاس البيَعمِلو الزِّنا و الفُجّار.

١ يُوحَنَّا 2:22

مِنو الكَضّاب؟ هو البِنكُر إنّو يَسُوع هو المَسيح. دا هو ضِد المَسيح، البِنكُر الأبو و الإبن.

١ يُوحَنَّا 3:15

كُل البِكرَه أخوهو، هو كاتِل. و إنتو بِتَعرِفو كُلّو كاتِل ما عِندو حَياة أبَديَّه فيهو.

١ يُوحَنَّا 5:10

البِآمِن بِإبن الله، عِندو الشَّهادَه في نَفسو. الما بِآمِنو بِالله سَوَّاهو كَضّاب، عَلَشان ما آمَن بِالشَّهادَه الشِّهِد بيها الله عَن إبنو.

رؤيا 14:10

هو كَمان بِشرَب مِن خَمر غَضَب الله، الإتكَبّى بِدون لَخبَطَه في فِنجان غَضَبو. و بِتعَذَّب بِالنّار و الكِبريت قِدّام المَلائكَه القِدِّسين و قِدّام الحَمَل.

رؤيا 19:20

و الوَحَش كان مَقبوض، و مَعاهو النَّبي الكَضّاب الصَنَع العَلامات قِدّامو. و بِالعَلامات دي هو غَشّا ديل، القِبِلو عَلامَة الوَحَش و عَبَدو صَنَمو. و هُم الإتنين إترَمو و هُم حَيين في بِركَة النّار، المَوَلَّعَه بِالكِبريت.

رؤيا 2:11

العِندو أضان، خَليهو يَسمَع البِقولو الرّوح لِلكَنايس. و هو البِغلِب، الموت التّاني ما بِضُرّو.

رؤيا 2:2

أنا بَعرِف أعمالَك و تَعبَك و صَبرَك، و إنتَ ما تَقدَر تِتحَمَّل الشَّرّيرين. و إنتَ جَرَّبتُم البِسَمّو نُفوسُم رُسُل، لَكِن هُم مُش رُسُل، و لِقيتُم كاضِبين.

رؤيا 21:27

و ما في شي نَجِس بِدخُل فيها أبَداً، ولّا أي واحِد اليَعمِل الحاجَه البِتَخجَل ولّا الكِضِب. لَكِن بَس النّاس الأساميهُم مَكتوبين في كِتاب الحَياة بِتاع الحَمَل يدخُلو.

رؤيا 22:15

عَشان بَرَّه في الكِلاب و البيَعمِلو السِّحِر و الزّانيين و الكاتِلين و البِيَعبُدو الأصنام، و كُلّو واحِد البِحِب الكِضِب و بِشتَغِل بيهو.

رؤيا 9:17

و كِدا في الرّؤيَه شُفتَ الحَصين و الرّاكبين فوقُم: ديل كانو عِندَهُم دُروع، و لون الدُّروع زي النّار و أزرَق غامِق و أصفَر زي الكِبريت. و روسين الحَصين كانو زي روسين الأُسود، و مَرَقو مِن خُشومُم نار و دُخان و كِبريت.

رؤيا 9:21

و هُم ما تابو عَشان كَتَلو النّاس ولّا مِن سِحِرُم ولّا مِن زِناهُم ولّا مِن سِرقَتُم.