رؤيا 21:7 - كِتاب العَهد الجَّديد مِن الكِتاب المُقَدَّس

⁷ الزّول البِغلِب، هو يورَث الحاجات دي، و أنا بَكون ليهو إلَه و هو بِكون لَي وَلَد.

رؤيا 21:7 Iomraidhean Croise

مَتَّى 19:29

و كُلّو واحِد الخَلّى بُيوت ولّا أخوان ولّا أخوات ولّا أبو ولّا أُم ولّا أولاد ولّا زِراعات فِشان إسمي، هو بياخُد مِيَّة مَرَّه، و بِتكون ليهو الحَياة الأبَديَّه.

مَتَّى 25:21

و سيدو قال ليهو: عَمَلتَ كوَيس، يا الخَدّام الطَّيب الأمين. كُنتَ أمين في القَليل. كِدا بَعمِلَك مَسؤول عَلى الكَتير. أدخُل لِفَرَح سيدَك.

مَتَّى 25:34

بَعدين المَلِك بِقول لِلنّاس الفي يَمينو: تَعالو، يا مُبارَكين مِن أبوي. أُخُد المَلَكوت المَجَهَّز ليكُم مِن بِدايَة الدُّنيا.

مَرْقُس 10:17

و وَكِت ما كان ماشي في السِّكَّه، واحِد جَرى و رَكَع قِدّامو و سَألو و قال ليهو: ”يا المُعَلِّم الصّالِح، أسَوّي شِنو عَشان أُورَث الحَياة الأبَديَّه؟“

رُومِيَه 8:14

كُلُّهُم روح الله بِقودُم، هُم أولاد الله.

رُومِيَه 8:19

عَشان الخَليقَه تِستَنّى بِرَجاء شَديد لِغايَة أولاد الله يَظهَرو.

٢ كُورِنْثُوس 6:16

و الإتِّفاق شِنو بين هيكَل الله و الأصنام؟ عَشان نِحنا هيكَل الله الحَي، زي ما الله قال: ”أنا بَسكُن فيهُم و أمشي في وَسِطُم، و بَكون ليهُم إلَه، و هُم بِكونو لَي ناس.

٢ كُورِنْثُوس 6:18

و بَكون ليكُم أبو، و إنتو بِتكونو لَي أولاد و بَنات، يَقول الرَّب القادِر عَلى كُلّو شي.“

عِبرانيين 8:10

أهو دا الإتِّفاق الأنا بَتَّفِق مَعَ أهل بيت إِسْرَائِيل بَعَد الأيام ديلاك، يَقول الرَّب. أنا بَخُت قَوانيني في عُقولُم، و بَكتِبا عَلى قُلوبُم. و بَكون ليهُم الله، و هُم بِكونو لَي شَعب.

١ بُطْرُس 3:9

ما تَرَجِّعو شَر بِشَر، ولّا شَتيمَه بِشَتيمَه. لَكِن بِالعَكس بارِكو، عَشان الله ناداكُم لِدا، لِتورَسو البَرَكَه.

رؤيا 2:11

العِندو أضان، خَليهو يَسمَع البِقولو الرّوح لِلكَنايس. و هو البِغلِب، الموت التّاني ما بِضُرّو.

رؤيا 2:17

العِندو أضان، خَليهو يَسمَع البِقولو الرّوح لِلكَنايس. ليهو اليَغلِب، أنا بَدّيهو مِن المَنّا المَدسوس. و بَدّيهو حَجَر أبيَض، مَكتوب عَليهو إسم جَديد، ما في واحِد يَعرِفو إلّا البِقبَلو.

رؤيا 2:25

لَكِن تَمسِكو بِالحاجَه العِندَكُم لِغايَة ما بَجي.

رؤيا 2:7

العِندو أضان، خَليهو يَسمَع البِقولو الرّوح لِلكَنايس. ليهو اليَغلِب، أنا بَدّيهو أن ياكُل مِن شَجَرَة الحَياة الفي جَنَّة الله.

رؤيا 21:3

و سِمِعتَ صوت عالي مِن الكُرسي يَقول: ”شوف! مَسكَن الله مَعَ النّاس، و هو بِسكُن مَعاهُم. و هُم بِكونو شَعب ليهو، و الله نَفسو بِكون مَعاهُم، و بِكون إلَه ليهُم.