رؤيا 20:6 - كِتاب العَهد الجَّديد مِن الكِتاب المُقَدَّس

⁶ مُبارَك و مُقَدَّس العِندو جُزو في القيامَه الأولي. و الموت التّاني ما عِندو سُلطَه عَليهُم، لَكِن هُم بِكونو قُسُس لِلَّه و لِلمَسيح، و بِملِكو مَعاهو ألف سَنَه.

رؤيا 20:6 Iomraidhean Croise

لُوقَا 14:15

واحِد مِن الكان قاعِد مَعاهو في الطَّرَبيزَه، لَمّا سِمِع كِدا، قال ليهو: ”يا مُبارَك الياكُل عيش في مَلَكوت الله.“

رُومِيَه 12:1

عَلَشان كِدا، أطلُب ليكُم، يا أخوان، بِمَراحِم الله، تَقَدِّمو أجسامكُم ضَبيحَه حَيَّه، مُقَدَّسَه، مَقبولَه قِدّام الله. و دي خِدمَتكُم المَعقولَه.

رُومِيَه 8:17

كِدا إذا نِحنا أولاد، بَعَد دا نِحنا وُرّاث كَمان، وُرّاث الله و وُرّاث مَعَ المَسيح. إذا كان نَتعَب مَعاهو، نِحنا بِنِتمَجَّد كَمان مَعاهو.

٢ تِيمُوثَاوُس 2:12

إذا نَصبُر، بِنَملِك مَعاهو كَمان. و إذا نَنكُرو، هو بِيَنكُرنا كَمان.

١ بُطْرُس 2:5

و إنتو كَمان مِثِل حُجار حَيَّه، تِنبَنو بيت روحي و قُسُس مُقَدَّسين، عَشان تَقَدِّمو ضَبايح روحيَّه مَقبولَه عِند الله بِيَسُوع المَسيح.

١ بُطْرُس 2:9

و لَكِن إنتو جِنس مُختار، و قُسُس مُلوكي، و أُمَّه مُقَدَّسَه، و شَعب مَخصوص لِلَّه، عَشان تَخَبِّرو بِحَمد النّاداكُم مِن الضَّلام لِنورو العَجيب.

رؤيا 1:6

وَ عَمَلنا مَلَكوت و قُسُس لِلَّه أبوهو، ليهو المَجد و السُّلطَه لِلأبَد! آمين.

رؤيا 14:13

و سِمِعتَ صوت مِن السَّما يَقول: ”أكتِب: مُبارَكين المَيِّتين، البِموتو في الرَّب مِن هَسَّع!“ ”أيوَه،“ يَقول الرّوح: ”عَلَشانُم بِستَريحو مِن أتعابُم، عَشان أعمالُم بِيَتبَعوهُم.“

رؤيا 2:11

العِندو أضان، خَليهو يَسمَع البِقولو الرّوح لِلكَنايس. و هو البِغلِب، الموت التّاني ما بِضُرّو.

رؤيا 20:14

و الموت و الهاويَه إترَمو في بِركَة النّار. و بِركَة النّار، هي الموت التّاني.

رؤيا 21:8

لَكِن الخَوافين و الما مؤمِنين و المَكروهين و الكاتِلين و الزّانيين و البيَعمِلو السِّحِر و البِيَعبُدو الأصنام و كُل الكَضّابين، مَحَلُّم بِكون في البِركَه المَوَلَّعَه بِالنّار و الكِبريت. و دا هو الموت التّاني.“

رؤيا 22:5

و ما بِكون في ليل بَعَد دا. و هُم ما بِحتاجو لِنور فانوس ولّا لِنور الشَّمِش، عَشان الرَّب الإلَه بِنَوِّر عَليهُم. و هُم بِملِكو لِلأبَد.

رؤيا 22:7

شوف! أنا جاي قَريب! مُبارَك البِحفَظ كِلمات نُبُوَّة الكِتاب دا.“

رؤيا 3:21

البِغلِب، أنا بَدّيهو أن يَقعُد مَعاي عَلى كُرسي، زي ما أنا غَلَبتَ كَمان و قَعَدتَ مَعَ أبوي عَلى كُرسيو.

رؤيا 5:10

و إنتَ عَمَلتُم مَلَكوت و قُسُس لِإلَهنا، و هُم بِيَملِكو عَلى الأرض.“