رؤيا 20:4 - كِتاب العَهد الجَّديد مِن الكِتاب المُقَدَّس

⁴ و بَعدين شُفتَ كَراسي و ديل القاعِدين فوقُم، و أدّاهُم السُّلطَه عَشان يَحكُمو. و شُفتَ كَمان نُفوس النّاس الرّوسينُم كانو مَقطوعين فِشان شَهادَة يَسُوع و فِشان كِلمَة الله. و هُم ما عَبَدو الوَحَش ولّا صَنَمو، و ما قِبِلو عَلامتو عَلى جَبهاتُم ولّا عَلى إيدينُم. و هُم عاشو تاني مَرَّه و مَلَكو مَعَ المَسيح ألف سَنَه.

رؤيا 20:4 Iomraidhean Croise

مَتَّى 19:28

يَسُوع قال ليهُم: ”الحَق أنا بَقول ليكُم: في الزَّمَن الجَّديد، لَمّا إبن الإنسان يَقعُد عَلى كُرسي المَلِك في مَجدو، إنتو كَمان التَّبَعتوني بِتَقعُدو عَلى إتناشَر كُرسي، و تَحكُمو عَلى قَبايل إِسْرَائِيل الإتناشَر.

مَتَّى 24:10

في الوَكِت دا، ناس كُتار بِخَلّو سِكَّة الرَّب، و بِسَلِّمو بَعضَهُم بَعض لِلعَدو، و بِكرَهو التّانيين.

مَرْقُس 6:16

لَكِن لَمّا هِيرُودُس سِمِع دا، هو قال: ”يُوحَنَّا الأنا قَطَعتَ رَاسو، هو قام مِن بين المَيِّتين.“

مَرْقُس 6:27

و طَوّالي المَلِك رَسَّل عَسكَري مِن الحُرّاس، و أمَرو يَجيب راس يُوحَنَّا. و مَشى و قَطَع رَاسو في السِّجِن،

مَرْقُس 9:11

و سألوهو: ”لِشِنو مُعَلِّمين القانون بِقولو إِيلِيَّا لازِم بِجي في الأوَّل؟“

لُوقَا 1:17

و بِمشي قِدّامو بِروح إِيلِيَّا و بِقُدرَتو، عَشان يَرَجِّع قُلوب الوالِدين لِلأولاد، و النّاس الما بِطيعُو لِحِكمَة البارين، عَشان يَحَضِّر لِلرَّب ناس جاهِزين.“

لُوقَا 14:14

و بِتكون مُبارَك، عَشان ما عِندَهُم البِرَجِّعوهو ليك، و إنتَ بِتاخُد أُجرَتَك يوم قيامَة البارين.“

لُوقَا 22:30

عَشان تَاكُلو و تَشرَبو في طَرَبيزَتي في مَلَكوتي، و تَقعُدو عَلى كَراسي و تَحكُمو عَلى قَبايل إِسْرَائِيل الإتناشَر.

يُوحَنَّا 14:19

بَعَد شوَيَه الدُّنيا ما ماشيَه تَشوفني تاني مَرَّه، لَكِن إنتو بِتشوفوني. عَلَشان أنا حَي، إنتو كَمان بِتَحيو.

رُومِيَه 11:15

عَشان بِالرَّفَض بِتاعُم، النّاس في الدُّنيا بِقو مُصالِحين مَعَ الله. عَلى كِدا، قُبولُم بِكون شِنو إلّا حَياة مِن بين المَيِّتين؟

رُومِيَه 8:17

كِدا إذا نِحنا أولاد، بَعَد دا نِحنا وُرّاث كَمان، وُرّاث الله و وُرّاث مَعَ المَسيح. إذا كان نَتعَب مَعاهو، نِحنا بِنِتمَجَّد كَمان مَعاهو.

٢ تِيمُوثَاوُس 2:12

إذا نَصبُر، بِنَملِك مَعاهو كَمان. و إذا نَنكُرو، هو بِيَنكُرنا كَمان.

رؤيا 1:2

و هو شِهِد بِكِلمَة الله و بِشَهادَة يَسُوع المَسيح بِكُلّو شي الهو شافو.

رؤيا 1:9

أنا، يُوحَنَّا، أخوكُم و شَريككُم في التَّعب و في المَلَكوت و الصَّبر في يَسوع، كُنتَ في الجَّزيرَه الإسِما بَطمُس عَشان خاطِر كِلمَة الله و شَهادة يَسوع.

رؤيا 11:11

و بَعَد تَلاتَة أيام و نُص، روح حَياة مِن الله دَخَل فيهُم. و هُم وَقَفو عَلى كِرعينُم. و النّاس الشَّفوهُم خافو خوف شَديد.

رؤيا 11:15

و المَلاك السّابِع نَفَخ في البوق، و كان في أصوات عاليَه في السَّما يَقولو: ”مَملَكَة الدُّنيا بِقَت مَملَكَه لِرَبَّنا و لِمَسيحو. و هو بِيَحكُم لِلأبَد!“

رؤيا 11:3

و أنا بَدّي لِشاهِديني قُوَّه، و هُم بِتنَبّو مُدَّة ألف و ميتين و سِتّين يوم و هُم لابسين شَوال.“

رؤيا 11:7

و لَمّا كَمَّلو شَهادَتُم، الوَحَش البِطلَع مِن الحُفرَه الغَريقَه خَلاص بِحارِبُم و بِيَغلِبُم و يَكتُلُم.

رؤيا 12:11

و هُم غَلَبوهو بِدَم الحَمَل و بِكِلمَة شَهادَتُم. و ما حَبّو حَياتُم كَتير و ما أبو يَموتو.

رؤيا 14:11

و دُخان عَذابُم يَمشي فوق لِلأبَد. و ما عِندَهُم راحَه نَهار ولّا ليل، ديل البِيَعبُدو الوَحَش و صَنَمو، و كُلّو واحِد اليَقبَل عَلامَة إسمو.“

رؤيا 15:2

و شُفتَ حاجَه زي بَحَر مِن قِزاز مَلَخبَط بِالنّار. و شُفتَ ديل، الغَلَبو الوَحَش و صَنَمو و عَدَد إسمو، واقفين عَلى بَحَر مِن قِزاز، و عِندَهُم رَباب الله.

رؤيا 17:8

و الوَحَش الأنتَ شُفتو، هو كان مَوجود و هَسَّع ما مَوجود. و هو ماشي يَطلَع مِن الحُفرَه الغَريقَه جِدّاً و يَمشي لِلخَراب. و السّاكنين عَلى الأرض بِستَغرَبو، ديل الأساميهُم ما مَكتوبين في كِتاب الحَياة مِن خَليقَة الدُّنيا. هُم بِستَغرَبو لَمّا يَشوفو الوَحَش، عَلَشان هو كان مَوجود و هَسَّع ما مَوجود و بِجي.

رؤيا 2:26

و ليهو البِغلِب و بِحفَظ أعمالي حَتّى النِّهايَه، أنا بَدّيهو سُلطَه عَلى الأُمَم.

رؤيا 20:6

مُبارَك و مُقَدَّس العِندو جُزو في القيامَه الأولي. و الموت التّاني ما عِندو سُلطَه عَليهُم، لَكِن هُم بِكونو قُسُس لِلَّه و لِلمَسيح، و بِملِكو مَعاهو ألف سَنَه.

رؤيا 22:5

و ما بِكون في ليل بَعَد دا. و هُم ما بِحتاجو لِنور فانوس ولّا لِنور الشَّمِش، عَشان الرَّب الإلَه بِنَوِّر عَليهُم. و هُم بِملِكو لِلأبَد.

رؤيا 3:21

البِغلِب، أنا بَدّيهو أن يَقعُد مَعاي عَلى كُرسي، زي ما أنا غَلَبتَ كَمان و قَعَدتَ مَعَ أبوي عَلى كُرسيو.

رؤيا 4:4

و كانو في حَول الكُرسي أربَعَه و عِشرين كُرسي. و شُفتَ عَلى الكَراسي أربَعَه و عِشرين شيخ لابسين هِدوم أبيَض، و عَلى روسينُم تيجان مِن دَهَب.

رؤيا 6:9

و لَمّا فَتَح الخِتِم الخامِس، شُفتَ تِحِت المَضبَح، نُفوس النّاس الكانو مَكتولين عَشان خاطِر كِلمَة الله، و فِشان الشَّهادَه الكانَت عِندَهُم.

رؤيا 7:3

و قالو: ”ما تَضُرّو الأرض ولّا البَحَر ولّا الشَّجَر، حَتّى نَخُت الخِتِم عَلى جَبهات خَدّامين إلَهنا.“