رؤيا 20:3 - كِتاب العَهد الجَّديد مِن الكِتاب المُقَدَّس

³ و هو رَماهو في الحُفرَه الغَريقَه جِدّاً، و قَفَل عَليهو و خَتَّ خِتِم عَلى الحُفرَه. و هو عَمَل دا عَشان هو ما بِغِش الأُمَم بَعَد دا حَتّى الألف سَنَه تَخَلَص. و بَعَد دا، لازِم يَفِكّوهو لِوَكِت قَليل.

رؤيا 20:3 Iomraidhean Croise

مَتَّى 24:24

عَشان مُسَحَه كَضّابين و أنبياء كَضّابين بِقومو و يَعمِلو عَلامات عَظيمَه و عَجايِب، فِشان يَغِشّو حَتّى النّاس المُختارين، إذا دا كان مُمكِن.

مَتَّى 27:66

عَلى كِدا، مَشو و حَرَسو القَبر تَمام. و خَتّو الخِتِم عَلى الحَجَر و خَتّو الحُرّاس هِناك.

مَرْقُس 4:15

و ديل هُم العَلى السِّكَّه، المَحَل الفيهو يَزرَعو الكِلمَه. لَمّا يَسمَعو الكِلمَه، طَوّالي الشّيطان بِجي و ياخُد الكِلمَه الكان مَزروعَه فيهُم.

لُوقَا 8:31

و طَلَبو مِنّو عَشان ما يأمُرُم يَمشو لِلحُفرَه الغَريقَه.

٢ كُورِنْثُوس 11:3

لَكِن أنا بَخاف زي ما الدَّبيب غَشّا حَوا بِغِشّو، كَمان إنتو تَضِلّو في أفكاركُم عَن الإخلاص و القَلِب النَّضيف الفي المَسيح.

٢ بُطْرُس 3:8

لَكِن ما تَنسو الحاجَه الواحدَه دي، يا مَحبوبين، يوم واحِد مَعَ الرَّب زي ألف سَنَه، و ألف سَنَه زي يوم واحِد.

رؤيا 12:9

و التّنين الكَبير كان مَطرود، هو الدَّبيب القَديم، إسمو إبْلِيس و الشّيطان، البِغِش السّاكنين عَلى الأرض كُلّها. هو و مَلائكَتو مَعاهو إترَمو لِلأرض.

رؤيا 13:14

و يَغِش سُكّان الأرض بِالعَلامات الأدّو ليهو أن يَعمِل قِدّام الوَحَش. و يأمُر سُكّان الأرض أن يَصنَعو صَنَم لِلوَحَش الكان عِندو جَرَح السّيف و حِيى.

رؤيا 17:2

و مُلوك الأرض عَمَلو زِنا مَعاها، و السّاكنين عَلى الأرض سَكَرو مِن خَمر زِناها.“

رؤيا 17:8

و الوَحَش الأنتَ شُفتو، هو كان مَوجود و هَسَّع ما مَوجود. و هو ماشي يَطلَع مِن الحُفرَه الغَريقَه جِدّاً و يَمشي لِلخَراب. و السّاكنين عَلى الأرض بِستَغرَبو، ديل الأساميهُم ما مَكتوبين في كِتاب الحَياة مِن خَليقَة الدُّنيا. هُم بِستَغرَبو لَمّا يَشوفو الوَحَش، عَلَشان هو كان مَوجود و هَسَّع ما مَوجود و بِجي.

رؤيا 20:1

و شُفتَ مَلاك نازِل مِن السَّما، و مَعاهو مُفتاح الحُفرَه الغَريقَه جِدّاً، و في إيدو جَنزير كَبير.