رؤيا 20:2 - كِتاب العَهد الجَّديد مِن الكِتاب المُقَدَّس

² و هو قَبَض عَلى التّنين، الدَّبيب القَديم، الهو إبْلِيس و الشّيطان، و رَبَطو لِألف سَنَه.

رؤيا 20:2 Iomraidhean Croise

مَتَّى 19:29

و كُلّو واحِد الخَلّى بُيوت ولّا أخوان ولّا أخوات ولّا أبو ولّا أُم ولّا أولاد ولّا زِراعات فِشان إسمي، هو بياخُد مِيَّة مَرَّه، و بِتكون ليهو الحَياة الأبَديَّه.

مَتَّى 8:29

و شوف! كورَكو و قالو: ”إنتَ عاوِز شِنو مَعانا، يا إبن الله؟ جيت هِنا عَشان تَتَعِّبنا قُبّال الوَكِت؟“

مَرْقُس 4:15

و ديل هُم العَلى السِّكَّه، المَحَل الفيهو يَزرَعو الكِلمَه. لَمّا يَسمَعو الكِلمَه، طَوّالي الشّيطان بِجي و ياخُد الكِلمَه الكان مَزروعَه فيهُم.

مَرْقُس 5:7

و كورَك بِصوت عالي و قال: ”مالي و مالَك، يا يَسُوع، إبن الله العالي؟ أطلُب مِنَّك بِالله، ما تَتَعِّبني.“

يُوحَنَّا 12:31

هَسَّع، دينونَة الدُّنيا دي. هَسَّع بِرمو رَئيس الدُّنيا بَرَّه.

يُوحَنَّا 16:11

و عَلى الدّينونَه عَشان رَئيس الدُّنيا دي كان مَحكوم عَليهو.

رُومِيَه 16:20

و إلَه السَّلام بِدُق الشّيطان تِحِت كِرعينكُم بَعَد شوَيَه. نِعمَة رَبَّنا يَسُوع المَسيح مَعاكُم.

عِبرانيين 2:14

عَلَشان الأولاد عِندَهُم دَم و لَحَم، هو كَمان إشتَرَك فيها، عَلَشان بِموتو هو يَخرَب العِندو سُلطَة الموت، يَعني إبْلِيس.

١ بُطْرُس 5:8

أمسِكو بِنُفوسكُم و أحرِسو عَشان إبْلِيس عَدوكُم زي أسَد بِكورِك، يَدَوِّر و يَفَتِّش عَن واحِد عَشان يَبلَعو.

٢ بُطْرُس 2:4

عَشان الله ما رَحَم عَلى المَلائكَه العَمَلو خَطيَّه، لَكِن رَماهُم في جَهَنَّم. و هو سَلَّمُم لِسُجون الضُّلُمَّه عَشان يَحفَظُم لِلدّينونَه.

يَهُوذَا 1:6

و المَلائكَه الما حِفظو سُلطَتُم لَكِن سابو بيتُم المَخصوص، ديل مَحفوظين بِجَنازِير أبَديَّه لِدينونَة اليوم العَظيم في الضَّلام.

رؤيا 12:13

و لَمّا التّنين شاف إنّو إترَمى لِلأرض، هو جَرى وَرا المَرَه الوِلدَت الإبن، الوَلَد.

رؤيا 12:15

و الدَّبيب رَمى مِن خَشمو مويَه زي البَحَر وَرا المَرَه، عَلَشان البَحَر يَشيلا بَعيد.

رؤيا 12:17

و التّنين غَضَب عَلى المَرَه. و مَشى عَشان يَحارِب باقي أولادا، البِحفَظو أوامِر الله و يَمسِكو بِشَهادَة يَسُوع.

رؤيا 12:3

و عَلامَه تانيَه ظَهَرَت في السَّما: و شوف! تنين أحمَر كَبير، و عِندو سَبعَه روسين و عَشَرَه قُرون، و عَلى روسينو سَبعَه تيجان.

رؤيا 12:4

و ضَنَبو يَجُر تِلت مِن نُجوم السَّما، و رَماهُم لِلأرض. و التّنين وَقَف قِدّام المَرَه القَرَّبَت تَلِد، عَشان يَبلَع وَلَدا لَمّا وِلدَت.

رؤيا 12:9

و التّنين الكَبير كان مَطرود، هو الدَّبيب القَديم، إسمو إبْلِيس و الشّيطان، البِغِش السّاكنين عَلى الأرض كُلّها. هو و مَلائكَتو مَعاهو إترَمو لِلأرض.

رؤيا 13:2

و الوَحَش الشُّفتو كان زي النِّمر، لَكِن أقدامو زي أقدام الدُّب، و خَشمو زي خَشُم الأسَد. و التّنين أدّا لِلوَحَش قُوَّتو و كُرسيهو، و سُلطَه عَظيمَه.

رؤيا 13:4

و النّاس عَبَدو التّنين، عَلَشانو أدّا الوَحَش سُلطتو. و هُم عَبَدو الوَحَش و قالو: ”مِنو يَشبَه الوَحَش؟ و مِنو يَقدَر يَحارِبو؟“

رؤيا 20:10

و إبْلِيس، الكان بِغِشُّم، إترَمى في بِركَة النّار و الكِبريت لِلمَكان الفيهو كَمان الوَحَش و النَّبي الكَضّاب. و ماشين يَعَذِّبوهُم نَهار و ليل لِلأبَد.

رؤيا 20:7

و لَمّا الألف سَنَه تَخَلَص، بِفِكّو الشّيطان مِن سِجِنو.

رؤيا 9:11

و عِندَهُم مَلِك فوقُم، و هو مَلاك الحُفرَه الغَريقَه. و إسمو بِّاللُغَه العِبرانيَّه، أبَدّون، و بِّاللُغَه الأغريقيَّه، أبولّيون.