رؤيا 20:14 - كِتاب العَهد الجَّديد مِن الكِتاب المُقَدَّس

¹⁴ و الموت و الهاويَه إترَمو في بِركَة النّار. و بِركَة النّار، هي الموت التّاني.

رؤيا 20:14 Iomraidhean Croise

١ كُورِنْثُوس 15:26

آخِر عَدو الهو يَخرِبو، هو الموت.

١ كُورِنْثُوس 15:53

عَشان أجسامنا المَصنوعَه مِن تُراب لازِم يِتغَيَّرو لِلأجسام الما يَهلِكو. و أجسامنا البِموتو لازِم يِتغَيَّرو لِلأجسام الما بِموتو أبَداً.

رؤيا 1:18

أنا هو الحَي. و كُنتَ مَيِّت، و شوف، أنا حَي لِلأبَد! و أنا عِندي مَفاتيح الموت و الهاويَه.

رؤيا 14:10

هو كَمان بِشرَب مِن خَمر غَضَب الله، الإتكَبّى بِدون لَخبَطَه في فِنجان غَضَبو. و بِتعَذَّب بِالنّار و الكِبريت قِدّام المَلائكَه القِدِّسين و قِدّام الحَمَل.

رؤيا 19:20

و الوَحَش كان مَقبوض، و مَعاهو النَّبي الكَضّاب الصَنَع العَلامات قِدّامو. و بِالعَلامات دي هو غَشّا ديل، القِبِلو عَلامَة الوَحَش و عَبَدو صَنَمو. و هُم الإتنين إترَمو و هُم حَيين في بِركَة النّار، المَوَلَّعَه بِالكِبريت.

رؤيا 2:11

العِندو أضان، خَليهو يَسمَع البِقولو الرّوح لِلكَنايس. و هو البِغلِب، الموت التّاني ما بِضُرّو.

رؤيا 20:10

و إبْلِيس، الكان بِغِشُّم، إترَمى في بِركَة النّار و الكِبريت لِلمَكان الفيهو كَمان الوَحَش و النَّبي الكَضّاب. و ماشين يَعَذِّبوهُم نَهار و ليل لِلأبَد.

رؤيا 20:13

و البَحَر سَلّم المَيِّتين الكانو فيهو، و الموت و الهاويَه سَلَّمو المَيِّتين الكانو فيهُم. و هو دان كُلّو واحِد حَسَب أعمالو.

رؤيا 20:15

و إذا لِقو إسِم أي واحِد ما مَكتوب في كِتاب الحَياة، هو إترَمى في بِركَة النّار.

رؤيا 20:6

مُبارَك و مُقَدَّس العِندو جُزو في القيامَه الأولي. و الموت التّاني ما عِندو سُلطَه عَليهُم، لَكِن هُم بِكونو قُسُس لِلَّه و لِلمَسيح، و بِملِكو مَعاهو ألف سَنَه.

رؤيا 21:4

و الله بِمسَح كُلّو دَمعَه مِن عُيونُم. و ما بِكون في موت بَعَد دا ولّا حُزن ولّا بِكى ولّا وَجَع، عَشان الحاجات المِن الأوَّل فاتو.“

رؤيا 21:8

لَكِن الخَوافين و الما مؤمِنين و المَكروهين و الكاتِلين و الزّانيين و البيَعمِلو السِّحِر و البِيَعبُدو الأصنام و كُل الكَضّابين، مَحَلُّم بِكون في البِركَه المَوَلَّعَه بِالنّار و الكِبريت. و دا هو الموت التّاني.“

رؤيا 6:8

و عايَنتَ، و أهو دا! حُصان أصفَر، و الرّاكِب فوقو إسمو الموت، و الهاويَه مَشى وَراهو. و أدّوهُم سُلطَه عَلى رُبُع الأرض، عَشان يَكتُلو بِالسّيف و الجّوع و الموت و بِوحوش الأرض.