رؤيا 20:12 - كِتاب العَهد الجَّديد مِن الكِتاب المُقَدَّس

¹² و شُفتَ المَيِّتين، الكُبار و الصُّغار، واقِفين قِدّام الكُرسي. و فَتَحو الكُتُب. و فَتَحو كِتاب تاني، و هو كِتاب الحَياة. و هو دان المَيِّتين بِحَسَب المَكتوب في الكُتُب، حَسَب أعمالُم.

رؤيا 20:12 Iomraidhean Croise

مَتَّى 11:22

و لَكِن أقول ليكُم، في يوم الحُكم، حالَة صُور و صَيدا بِتكون أحسَن مِن الحالَه البِتكون ليكُم.

مَتَّى 16:27

عَشان إبن الإنسان بِجي مَعَ مَلائكَتو في مَجد أبوهو. و بَعدين بِدّي ماهيَّه لِكُلّو زول زي أعمالو.

لُوقَا 10:20

و لَكِن ما تَفرَحو عَشان الأرواح يَسمَعو ليكُم، لَكِن أفرَحو عَشان أساميكُم مَكتوبَه في السَّما.“

أعمال الرُّسُل 24:15

و عِندي رَجاء بِالله، زي ما هُم كَمان عِندَهُم رَجاء. و بَنتَظِر إنّو بِتكون في قيامَه مِن بين المَيِّتين لِلبارين و الخاطيين.

رُومِيَه 2:6

و هو بِدّي لِكُلّو واحِد زي أعمالو.

١ كُورِنْثُوس 4:5

فِشان كِدا، ما تَحكُمو في حاجَه قُبّال الوَكِت، قُبّال ما الرَّب يَجي. هو بِجيب لِلنّور الحاجات الهَسَّع مَدسوسَه في الضَّلام، و بِوَرّي أفكار القُلوب. في الوَكِت داك، كُلّو واحِد بِقبَل حَمدو مِن الله.

٢ كُورِنْثُوس 5:10

عَشان كُلُّنا لازِم نَظهَر قِدّام كُرسي المَسيح، عَشان كُلّو واحِد يَقبَل زي ما هو عَمَل بِالجِّسم، إذا كان كوَيس ولّا بَطّال.

فيلِبّي 4:3

و أسألَك إنتَ كَمان، يا شَريكي المُخلِص، ساعِد النِّسوان ديل، عَلَشان هُم إشتَغَلو سَوا مَعاي في الإنجيل مَعَ أَكْلِيمَنْدُس و باقي العامِلين مَعاي. و أساميهُم في كِتاب الحَياة.

رؤيا 11:18

الأُمَم بِقو زَعلانين، و غَضَبَك جا. و الزَّمَن جا عَشان تَحكُم عَلى المَيِّتين، و تَدّي الأُجرَه لِخَدّامينَك الأنبياء و القِدِّسين البِخافو إسمَك، الصُّغار و الكُبار. و عَشان تَخرَب ديل البِخرَبو الأرض.“

رؤيا 13:8

و كُلّو سُكّان الأرض بِيَعبُدو الوَحَش، يَعني كُلّو واحِد إسمو ما كان مَكتوب مِن خَليقَة الدُّنيا في كِتاب الحَياة بِتاع الحَمَل الكان مَكتول.

رؤيا 17:8

و الوَحَش الأنتَ شُفتو، هو كان مَوجود و هَسَّع ما مَوجود. و هو ماشي يَطلَع مِن الحُفرَه الغَريقَه جِدّاً و يَمشي لِلخَراب. و السّاكنين عَلى الأرض بِستَغرَبو، ديل الأساميهُم ما مَكتوبين في كِتاب الحَياة مِن خَليقَة الدُّنيا. هُم بِستَغرَبو لَمّا يَشوفو الوَحَش، عَلَشان هو كان مَوجود و هَسَّع ما مَوجود و بِجي.

رؤيا 19:5

و صوت مَرَق مِن الكُرسي اليَقول: ”أحمَدو إلَهنا، يا كُلّو خَدّامينو، إنتو البِخافوهو، الصُّغار و الكُبار.“

رؤيا 2:23

و بَكتُل أولادا بِالموت. و كُل الكَنايس بِيَعرِفو أنا هو البَمتَحِن الأفكار و القُلوب، و بَدفَع لِكُلّو واحِد مِنَّكُم حَسَب أعمالو.

رؤيا 20:11

و بَعدين شُفتَ كُرسي كَبير و أبيَض، و شُفتَ القاعِد فوقو. و السَّما و الأرض هَرَبَت مِن وَشّو، و ما لِقو مَحَل.

رؤيا 20:13

و البَحَر سَلّم المَيِّتين الكانو فيهو، و الموت و الهاويَه سَلَّمو المَيِّتين الكانو فيهُم. و هو دان كُلّو واحِد حَسَب أعمالو.

رؤيا 20:15

و إذا لِقو إسِم أي واحِد ما مَكتوب في كِتاب الحَياة، هو إترَمى في بِركَة النّار.

رؤيا 21:27

و ما في شي نَجِس بِدخُل فيها أبَداً، ولّا أي واحِد اليَعمِل الحاجَه البِتَخجَل ولّا الكِضِب. لَكِن بَس النّاس الأساميهُم مَكتوبين في كِتاب الحَياة بِتاع الحَمَل يدخُلو.

رؤيا 22:12

”شوف! أنا جاي قَريب! و أُجرَتي مَعاي عَشان أَدِّي لِكُلّو واحِد حَسَب أعمالو.

رؤيا 3:5

و كِدا، الزّول البِغلِب، هو بِلبَس هِدوم أبيَض، و أنا أبَداً ما بَشيل إسمو مِن كِتاب الحَياة. لَكِن أنا بَعتَرِف بِإسمو قِدّام أبوي و قِدّام مَلائكَتو.