رؤيا 2:9 - كِتاب العَهد الجَّديد مِن الكِتاب المُقَدَّس

⁹ أنا بَعرِف تَعبَك و إحتياجَك، لَكِن إنتَ غَني. و بَعرِف تَجديف ديل البِقولو هُم يَهود و هُم مُش يَهود، لَكِن هُم مَجمَع الشّيطان.

رؤيا 2:9 Iomraidhean Croise

مَتَّى 4:10

بَعدين يَسُوع قال ليهو: ”أمشي، يا شيطان، عَشان مَكتوب: أعبُد الرَّب إلَهَك، و إشتَغِل ليهو بَس.“

لُوقَا 12:21

و بِكون كِدا ليهو البِلِم كَنز لِنَفسو، و ما عِندو غِنى لِلَّه.“

لُوقَا 22:65

و هُم كانو يَقولو حاجات تانيَه كَتيرَه عَليهو و يَجَدِّفو.

لُوقَا 4:18

”روح الله عَلي، عَلَشانو مَسَحني فِشان أبَشِّر المَساكين. و رَسَّلني عَشان أنادي لِلمَحبوسين بِالحُرّيَّه، و لِلعَميانين عَشان يَشوفو، و بِالحُرّيَّه لِلقُلوبُم مَكسورَه

لُوقَا 6:20

و رَفَع عُيونو لِتَلاميذو و قال: ”مُبارَكين، يا مَساكين، عَشان ليكُم مَلَكوت الله.

يُوحَنَّا 16:33

كَلَّمتَكُم كِدا عَشان يَكون ليهُم سَلام فِيني. في الدُّنيا يَكون عِندَكُم تَعب. و لَكِن شِدّو حيلكُم، أنا غَلَبتَ الدُّنيا.“

أعمال الرُّسُل 14:22

يَساعِدو نُفوس التَّلاميذ و يَشَجِّعوهُم أن يَكونو ثابِتين في الإيمان، و يَقولو: ”لازِم نَصبُر عَلى أتعاب كَتيرَه عَشان نَدخُل مَلَكوت الله.“

أعمال الرُّسُل 26:11

و مَرّات كَتيرَه كُنتَ بَعاقِبُم في كُلّو بُيوت الرَّب، و جَرَّبتَ أعمِلُم يَجَدِّفو الله. و عَشان زِعِلتَ مِنَّهُم شَديد، كُنتَ بَطرُدُم حَتّى لِلبِلاد الفي بَرَّه.

رُومِيَه 12:12

كونو فَرحانين في الرَّجاء، أصبُرو في التَّعب، إستَمِرّو في الصَّلاه.

رُومِيَه 2:17

و شوف إنتَ بِتسَمّي نَفسَك يَهودي، و مِتَّكِل عَلى القانون و إنتَ بِقيت مِتكَبِّر و تَقول إنتَ تَعرِف الله.

رُومِيَه 5:3

و فوق دا، نَفرَح كَمان في أتعاب، عَشان بِنَعرِف التَّعب يَجيب الصَّبر.

رُومِيَه 8:35

مِنو بِقطَعنا عَن مَحَبَّة المَسيح؟ تَعب، ولّا ضيق، ولّا طَرد، ولّا جوع، ولّا عَشان نِحنا عَريانين، ولّا خَطَر، ولّا سيف؟

رُومِيَه 9:6

أنا ما بَقول الله ما عَمَل زي ما هو قال. عَلَشان مُش كُلُّهُم المِن إِسْرَائِيل هُم ناس إِسْرَائِيل بِالحَق.

٢ كُورِنْثُوس 6:10

نِحنا زي حَزنانين، لَكِن دايماً مَبسوطين، زي المَساكين، لَكِن نَعمِل ناس كُتار غَنيين، نِحنا زي الما عِندَهُم شي، لَكِن كُلّو شي حَقَّنا.

٢ كُورِنْثُوس 8:2

هُم كانو مُجَرَّبين بِتَعب شَديد، لَكِن بِقو مَبسوطين جِدّاً حَتّى أدّو هَدايا كَريمَه جِدّاً، و لَو هُم كانو مَساكين خالِص.

٢ كُورِنْثُوس 8:9

عَشان إنتو بِتَعرِفو نِعمَة رَبَّنا يَسُوع المَسيح، إنّو هو غَني لَكِن بِقى مِسكين فِشانّا، عَلَشان نِحنا نَبقى غَنيين عَشان هو كان مِسكين.

١ تَسَالُونِيكِي 3:4

عَشان لَمّا كُنّا مَعاكُم، قُلنا ليكُم مِن قُبّال هُم ماشين يَطرُدونا. و حَصَل كِدا زي ما تَعرِفو.

١ تِيمُوثَاوُس 1:13

مَعَ إنّي كُنتَ بَجَدِّف و بَطرُد و بَشتِم مِن قُبّال. و لَكِن لِقيت رَحمَه عَلَشان أنا عَمَلتَ داك لَمّا كُنتَ بِدون مَعرِفَه و ما عِندي إيمان.

١ تِيمُوثَاوُس 6:18

و أدّيهُم أمر عَشان يَعمِلو الخير و يَكونو غَنيين في الأعمال الطَّيبَه، جاهِزين عَشان يَدّو و رَضيانين عَشان يَشارِكو.

رؤيا 1:9

أنا، يُوحَنَّا، أخوكُم و شَريككُم في التَّعب و في المَلَكوت و الصَّبر في يَسوع، كُنتَ في الجَّزيرَه الإسِما بَطمُس عَشان خاطِر كِلمَة الله و شَهادة يَسوع.

رؤيا 2:13

أنا بَعرِف المَحَل الأنتَ ساكِن فيهو، و كُرسي الشّيطان في المَحَل دا. لَكِن إنتَ ماسِك بِإسمي. و إنتَ ما نَكَرتَ الإيمان بي، حَتّى في أيام أَنْتِيبَاس، شاهِدي الأمين. و هو كان مَكتول بينكُم، في المَحَل الشّيطان بِسكُن فيهو.

رؤيا 2:2

أنا بَعرِف أعمالَك و تَعبَك و صَبرَك، و إنتَ ما تَقدَر تِتحَمَّل الشَّرّيرين. و إنتَ جَرَّبتُم البِسَمّو نُفوسُم رُسُل، لَكِن هُم مُش رُسُل، و لِقيتُم كاضِبين.

رؤيا 2:24

و لَكِن بَقول دا ليكُم، التّانيين في ثِيَاتِيرَا، كُل الما مَسَكتو بِالتَعليم دا. و إنتو ما بِتَعرِفو الحاجات الغَريقَه بِتاعَت الشّيطان زي ما بِقولو. أنا ما بَخُت عَليكُم حِمِل تاني.

رؤيا 3:9

شوف، في بَعض مِن النّاس مِن مَجمَع الشّيطان، البِقولو هُم يَهود، و هُم مُش يَهود، لَكِن يَكَضِّبو. شوف، أنا بَعمِلُم يَجو و يَركَعو عِند كِرعينَك، و هُم بِيَعرِفو أنا حَبّيتَك.

رؤيا 7:14

و قُلتَ: ”إنتَ بِتَعرِف، يا سيدي.“ و هو قال لَي: ”ديل هُم الجّو مِن الضّيق الكَبير، و غَسَّلو تيبانُم و عَمَلوها بيضَة في دَم الحَمَل.