رؤيا 2:25 - كِتاب العَهد الجَّديد مِن الكِتاب المُقَدَّس

²⁵ لَكِن تَمسِكو بِالحاجَه العِندَكُم لِغايَة ما بَجي.

رؤيا 2:25 Iomraidhean Croise

يُوحَنَّا 14:3

و لَمّا أمشي و أجَهِّز ليكُم مَكان، بَجي تاني و باخُدكُم لِنَفسي. و المَحَل الأنا بَكون فيهو، إنتو تَكونو فيهو كَمان.

أعمال الرُّسُل 11:28

و قام واحِد مِنَّهُم إسمو أغابوس، و إتنَبّأ بِالرّوح عَن جوع شَديد البِكون في كُل الدُّنيا. و داك حَصَل في أيام كُلُودِيُوس.

رُومِيَه 12:9

خَلّي المَحَبَّه تَكون مُخلِصَه. أكرَهو البَطّال، أمسِكو بِالكوَيس.

١ كُورِنْثُوس 11:26

عَشان كُلّو مَرَّه وَكِت ما تاكلو العيش دا و تَشرَبو مِن الكُبّايَه دي، تَخَبِّرو بِموت الرَّب لِغايَة ما يَجي.

١ كُورِنْثُوس 4:5

فِشان كِدا، ما تَحكُمو في حاجَه قُبّال الوَكِت، قُبّال ما الرَّب يَجي. هو بِجيب لِلنّور الحاجات الهَسَّع مَدسوسَه في الضَّلام، و بِوَرّي أفكار القُلوب. في الوَكِت داك، كُلّو واحِد بِقبَل حَمدو مِن الله.

١ تَسَالُونِيكِي 5:21

إمتَحِنو كُلّو حاجَه. و أمسِكو بِالكوَيس.

عِبرانيين 10:23

و خَلّونا نَمسِك بِشَهادَة الرَّجاء ثابِتين، عَشان هو الوَعَدنا أمين.

عِبرانيين 3:6

و لَكِن المَسيح كان أمين زي إبن عَلى بيت الله. و نِحنا بيتو إذا بِنَمسِك بِتأكيدنا و فَخرَنا في الرَّجاء، ثابِتين لِلآخِر.

عِبرانيين 4:14

عَلَشان كِدا، ما دام عِندَنا رَئيس قُسُس عَظيم، المَشى لِجُوَّه السَّما، يَسُوع إبن الله، خَلّونا نَمسِك بِشَهادَة أيمانّا.

٢ بُطْرُس 3:10

و لَكِن يوم الرَّب بِجي زي الحَرامي. و في اليوم داك، السَّماوات بِفوتو بِصوت عالي، و النُّجوم بيَهلِكو مِن الحَر، و الأرض و الأشغال الفيها بِنحَرِقو.

رؤيا 1:7

شوفو! هو جاي مَعَ السَّحاب. و كُلّو عين بِتشوفو، حَتّى ديل الطّعَنوهو. و كُلّو قَبايل الأرض بيبكو عَليهو. أيوَه، خَليهو يَكون كِدا.

رؤيا 22:20

الشّاهِد بِالحاجات دي يَقول: ”أيوَه، أنا جاي قَريب.“ آمين! تَعال، يا رَب يَسُوع!

رؤيا 22:7

شوف! أنا جاي قَريب! مُبارَك البِحفَظ كِلمات نُبُوَّة الكِتاب دا.“

رؤيا 3:11

أنا جاي قَوام، أمسِك بِالحاجَه العِندَك، عَشان واحِد ما بِشيل تاجَك.

رؤيا 3:3

عَلَشان كِدا، إتزَكَّر كيف إنتَ قِبِلتَ و سِمِعتَ، و أحفَظ و توب. و إذا ما تحرِس، بَجي ليك زي الحَرامي، و إنتَ ما بِتَعرِف ساعَه كَم أنا بَجيك.