رؤيا 2:2 - كِتاب العَهد الجَّديد مِن الكِتاب المُقَدَّس

² أنا بَعرِف أعمالَك و تَعبَك و صَبرَك، و إنتَ ما تَقدَر تِتحَمَّل الشَّرّيرين. و إنتَ جَرَّبتُم البِسَمّو نُفوسُم رُسُل، لَكِن هُم مُش رُسُل، و لِقيتُم كاضِبين.

رؤيا 2:2 Iomraidhean Croise

مَتَّى 7:23

و بَعدين بَكَلِّمُم: ما عِرِفتَكُم أبَداً. أمشو مِنّي، إنتو البِتَعمِلو الخَطيَّه.

يُوحَنَّا 6:6

هو قال كِدا عَشان يَجَرِّب فِيلُبُّس، عَشان يَسُوع عِرِف الماشي يَسَوّيهو.

غَلَاطِيَّه 1:7

بِالحَق ما في إنجيل تاني. لَكِن بَعض مِن النّاس يَلَخبِتكُم، و بِدورو يَغَيِّرو إنجيل المَسيح.

أفَسُس 4:14

عَشان ما نَكون بَعَد دا أطفال. عَشان كُلّو هَبوب بِتَرمي الاطفال و بِتشيلُم هِنا و هِناك. و الهَبوب يَعني التَّعليم بِتاع النّاس الشّاطرين البِغِشّو بِمَكَرُم الغَلطان.

١ تَسَالُونِيكِي 1:3

و دايماً نِزَكَّر عَمَل إيمانكُم و تَعب مَحَبَّتكُم و صَبر رَجاءكُم في رَبَّنا يَسُوع المَسيح قِدّام الله أبونا.

١ تَسَالُونِيكِي 5:21

إمتَحِنو كُلّو حاجَه. و أمسِكو بِالكوَيس.

٢ تِيمُوثَاوُس 2:19

و لَكِن أساس الله الثّابِت يَقوم، و فوقو الخِتِم دا: ”الرَّب بِيَعرِف النّاس بِتاعو،“ و: ”كُلّو واحِد البِعتَرِف بِإسم الرَّب لازِم يَكون بَعيد مِن الخَطيَّه.“

عِبرانيين 6:10

عَشان الله ما ظالِم، و هو ما بيَنسى عَمَلكُم و المَحَبَّه الإنتو وَرّيتوها فِشان إسمو لَمّا خَدَمتو القِدِّسين، و لِسَّع بِتَخدِموهُم.

١ يُوحَنَّا 4:1

يا مَحبوبين، ما تَصَدِّقو كُلّو روح، لَكِن إمتَحِنو الأرواح، هُم مِن الله ولّا لا. عَشان أنبياء كاضِبين كَتيرين مَرَقو لِلدُّنيا.

رؤيا 2:5

عَلَشان كِدا إتزَكَّر مِن وين وَقَعتَ، و توب، و أعمِل الأعمال زي في الأوَّل. و إلّا، أنا بَجيك و بَشيل مَنارتَك مِن مَحَلّها إذا ما تَتوب.

رؤيا 2:6

و لَكِن إنتَ عِندَك الحاجَه الكوَيسَه دي، إنتَ بِتَكرَه أعمال ناس نُقُلاوي و أنا كَمان بَكرَها.

رؤيا 2:9

أنا بَعرِف تَعبَك و إحتياجَك، لَكِن إنتَ غَني. و بَعرِف تَجديف ديل البِقولو هُم يَهود و هُم مُش يَهود، لَكِن هُم مَجمَع الشّيطان.

رؤيا 3:1

و أكتِب كَمان لِمَلاك الكَنيسَه الفي ساردِس: ديل الحاجات البِقولو العِندو السَّبعَه أرواح الله و السَّبعَه نُجوم. أنا بَعرِف أعمالَك، و عِندَك إسم زي كَنيسَه حَيَّه، لَكِن إنتَ مَيِّت.

رؤيا 3:15

أنا بَعرِف أعمالَك، إنتَ مُش بارِد و مُش حار. أنا عَاوِزَك تَكون بارِد ولّا حار!

رؤيا 3:8

أنا بَعرِف أعمالَك. و شوف، أنا خَتّيت قِدَّامَك باب مَفتوح، و ما في واحِد يَقدَر يَقفِلو. بَعرِف إنتَ عِندَك شوَيَة قُوَّه، و حَفَظتو كلمَتي و ما نَكَرتَ إسمي.