رؤيا 2:1 - كِتاب العَهد الجَّديد مِن الكِتاب المُقَدَّس

¹ أكتِب لِمَلاك الكَنيسَه الفي أفَسُس: هو اليَمسِك السَّبعَه نُجوم بِيَمينو، و الماشي في وَسِط السَّبعَه مَناوِر مِن دَهَب، بِقول الحاجات دي.

رؤيا 2:1 Iomraidhean Croise

مَتَّى 18:20

عَشان في المَحَل الإتلَمّو فيهو إتنين ولّا تلاتَه بِإسمي، أنا بَكون هِناك في وَسِطُم.“

مَتَّى 28:20

و عَلِّموهُم أن يَحفَظو كُل الأمَرتَكُم بيهو. و شوفو! أنا مَعاكُم كُل الأيام، لِغايَة آخِر الدُّنيا.“

يُوحَنَّا 5:35

يُوحَنَّا كان اللَّمبَه المِوَلِّعَه البِتَدّي نور. و إنتو كُنتو رَضيانين تَفرَحو بِنورو لِوَكِت قَليل.

أعمال الرُّسُل 18:19

و وِصلو لِأفَسُس، و بُولُس خَلّاهُم الإتنين هِناك، و دَخَل بيت الرَّب و عَلَّم اليَهود.

أعمال الرُّسُل 18:21

لَكِن لَمّا خَلّاهُم، هو قال: ”بَرجَع ليكُم إن شاء الله.“ و بَعَد دا، سافَر بِمُركَب مِن أفَسُس.

أعمال الرُّسُل 19:1

و حَصَل لَمّا أَبُلُّوس كان في كُورِنْثُوس، بُولُس فات بِالمَحَلّات العاليَه و جا لِأفَسُس. و هِناك لِقى بَعض مِن التَّلاميذ.

٢ كُورِنْثُوس 6:16

و الإتِّفاق شِنو بين هيكَل الله و الأصنام؟ عَشان نِحنا هيكَل الله الحَي، زي ما الله قال: ”أنا بَسكُن فيهُم و أمشي في وَسِطُم، و بَكون ليهُم إلَه، و هُم بِكونو لَي ناس.

رؤيا 1:16

و في إيدو اليَمين عِندو سَبعَه نُجوم و ماشي مِن خَشمو سيف سَنين، عِندو طَرَفين. و وَشّو يَنَوِّر زي الشَّمِش في قوَتو.

رؤيا 1:20

سِر السَّبعَه نُجوم الأنتَ شُفتَها في يَميني و السَّبعَه مَناوِر مِن دَهَب، دا هو: السَّبعَه نُجوم، هُم مَلائِكَة السَّبعَه كَنايس، و السَّبعَه مَناوِر، هُم السَّبعَه كَنايس.

رؤيا 12:1

و عَلامَه عَظيمَه ظَهَرَت في السَّما: مَرَه هِدوما الشَّمِش، و تِحِت كِرعينا القَمَر، و تاج مِن إتناشَر نَجمَه عَلى راسا.

رؤيا 2:12

و أكتِب كَمان لِمَلاك الكَنيسَه الفي بَرْغَامُس: ديل الحاجات البِقولو العِندو السّيف السَّنين العِندو طَرَفين.

رؤيا 2:18

و أكتِب كَمان لِمَلاك الكَنيسَه الفي ثِيَاتِيرَا: ديل الحاجات البِقولو إبن الله العِندو عُيون زي لَهيب نار، و كِرعينو زي النَّحاس الأصفَر اللَّامَع.

رؤيا 2:8

و أكتِب كَمان لِمَلاك الكَنيسَه الفي سِميرنا: ديل الحاجات البِقولو الأوَّل و الآخِر، هو الكان مَيِّت و رَجَع لِحَياة تاني.

رؤيا 3:1

و أكتِب كَمان لِمَلاك الكَنيسَه الفي ساردِس: ديل الحاجات البِقولو العِندو السَّبعَه أرواح الله و السَّبعَه نُجوم. أنا بَعرِف أعمالَك، و عِندَك إسم زي كَنيسَه حَيَّه، لَكِن إنتَ مَيِّت.

رؤيا 3:14

و أكتِب كَمان لِمَلاك الكَنيسَه الفي لاوُدِكِيَّةَ: ديل الحاجات البِقولو الآمين، الشّاهِد الأمين الحَقيقي، بِدايَة خَليقَة الله.

رؤيا 3:7

و أكتِب كَمان لِمَلاك الكَنيسَه الفي فِيلَادَلْفِيَا: ديل الحاجات البِقولو القُدّوس الحَقيقي، العِندو مُفتاح دَاوُد. و هو يَفتَح و ما في واحِد يَقفِل، و يَقفِل و ما في واحِد يَفتَح.