رؤيا 18:23 - كِتاب العَهد الجَّديد مِن الكِتاب المُقَدَّس

²³ و نور الفانوس ما بِنَوِّر فيكي بَعَد دا أبَداً. و صوت العَريس و العَروسَه ما بِسمَعوهو فيكي بَعَد دا أبَداً. عَشان تُجّارِك كانو الكُبار في الأرض، و بِسِحرك كُل الأُمَم ضَلّو.

رؤيا 18:23 Iomraidhean Croise

أعمال الرُّسُل 8:11

و كانو يَخُتّو بالُم ليهو عَشانو كان يَعَجِّبُم بِسِحرو مِن زَمَن طَويل.

رؤيا 12:9

و التّنين الكَبير كان مَطرود، هو الدَّبيب القَديم، إسمو إبْلِيس و الشّيطان، البِغِش السّاكنين عَلى الأرض كُلّها. هو و مَلائكَتو مَعاهو إترَمو لِلأرض.

رؤيا 17:2

و مُلوك الأرض عَمَلو زِنا مَعاها، و السّاكنين عَلى الأرض سَكَرو مِن خَمر زِناها.“

رؤيا 17:5

و مَكتوب عَلى جَبهَتا إسم سِرّي: ”بابِل العَظيمَه، أُم الزّانين و الحاجات المَكروهَه في الأرض.“

رؤيا 18:22

و أصوات النّاس البِضرُبو الرَّبابَه، و البِرَتِّلو، و البِضرُبو الزُّمبارَه و البوق، ما بِسمَعوها فيكي بَعَد دا أبَداً. و شَغّالين مِن أي صُنعا ما بِلقوهُم فيكي بَعَد دا أبَداً. و صوت المِرحَكَه ما بِسمَعوهو فيكي بَعَد دا أبَداً.

رؤيا 18:3

عَشان كُل الأُمَم شِرِبو مِن خَمر غَضَب زِناها. و مُلوك الأرض زَنو مَعاها، و تُجّار الأرض بِقو غَنيين مِن قُوَّة حاجاتا النّاعِمَه.“

رؤيا 18:9

و مُلوك الأرض الزَّنو و عاشو حَياة ناعِمَه مَعاها، لَمّا يَشوفو دُخان حَريقَتا، هُم بِيَبكو و بِكونو حَزنانين.

رؤيا 21:8

لَكِن الخَوافين و الما مؤمِنين و المَكروهين و الكاتِلين و الزّانيين و البيَعمِلو السِّحِر و البِيَعبُدو الأصنام و كُل الكَضّابين، مَحَلُّم بِكون في البِركَه المَوَلَّعَه بِالنّار و الكِبريت. و دا هو الموت التّاني.“

رؤيا 22:15

عَشان بَرَّه في الكِلاب و البيَعمِلو السِّحِر و الزّانيين و الكاتِلين و البِيَعبُدو الأصنام، و كُلّو واحِد البِحِب الكِضِب و بِشتَغِل بيهو.

رؤيا 22:5

و ما بِكون في ليل بَعَد دا. و هُم ما بِحتاجو لِنور فانوس ولّا لِنور الشَّمِش، عَشان الرَّب الإلَه بِنَوِّر عَليهُم. و هُم بِملِكو لِلأبَد.

رؤيا 6:15

و مُلوك الأرض و الكُبار و رؤساء الجُّيوش و الغَنيين و الشُّداد و كُلّو عَبد و كُلّو حُر إندَسو في المَغاوير و بين حُجار الجِبال.

رؤيا 9:21

و هُم ما تابو عَشان كَتَلو النّاس ولّا مِن سِحِرُم ولّا مِن زِناهُم ولّا مِن سِرقَتُم.